Wlɛ̀velesɔ̌n 9:21 - Nyesoaa Kuo Win Jajle

²¹ Plě uǔ wɔɔn ɛ kɛn keǒ bu bitǐ uu wlè bo keǒ mnùngma popoɛ mɔ̀ klee bu siǒ uu sàlesa kmɔ̌ bo klee uu se wòn mɔ̀ɔ wɛ̀ kmɔ̌ plě uu jlijlǐ kmɔ̌.

Wlɛ̀velesɔ̌n 9:21 ပူးပေါင်းရင်းမြစ်များ

Matiɔ̌n 15:19

Ii tè dɛ kukǔ dlǒ le sìɛnsiɛn klee mnùngma popoɛ klee wlawle nunuɛ klee gblà popoɛ klee jlijlɛ̌ klee sen le tmɔtmɔ̌ plě klee nyu mǒ feflea ii wùɛà i sonwɛě mǒ wlò jleě.

2 Kwnɛtiɛ̌ 12:21

È doo de dɛ kɔn fano Ě pee nɛ̀ moo boǒ tbae je klě a mɔ̀, ně Nyesoa miǐ ja tìeba keǒ a jemǒ plě Ě mǐ fìn keǒ nyopò fòfoaa tè mɔ̀ ü nuaa kpni kukwǐ keǒ Nyesoa jemǒ plě ü sěɛ uu wlè bo bitǐ keǒ uu se wòn mɔ̀ɔ wɛ̀ kmɔ̌ klee gblà kmɔ̌ǒ mɔ̀ klee konkɔn noǎa wlò boabuǔ u kɔnʼɔ.

Kalesiɛ̌n 5:20

klee nǔkpuǐi wɛ̀ sèsa klee wò kmɔ̌ klee jejlaea klee wònwɔn klee chea klee jlo měne bebeɛ klee tù dìee doo tè klee chɛtlǐia klee měne bebɛ̌

Wlɛ̀velesɔ̌n 13:13

Sɔ̌n nonɔ nmiǒ ɔ nia wlòlekaen noǎ, ɔ nia naa chɛ̀ ɛ̌ sonwɛaě jɔkɛn mǒ keǒ nyopò wùɛ jemǒ.

Wlɛ̀velesɔ̌n 13:15

È u sɔnaǒ sɔ̌n nonɔ nmiǒ mɔ̀ mǒ ɔ̌ poa klekle nmiǒ ɔɔ sùsu tuǒ fònfno mǒ. Dɛǒ nɛ̀ nu ɛ ɛ̌ wɔ̀le ɛ keǒ bɛ boɔ wien klee ɛ mǐ nyu wùɛ dbǎ ɔ̈ se ɛɛ wɛ̀ sàba mu.

Wlɛ̀velesɔ̌n 13:7

Ɔ sàeaǒ wun mɔ̀ bɔ kpala Nyesoaa nyopò to mɔ̀ bɔ dua lu. Kpě nyeea nɔ keǒ dakwɛ̌ wùɛ mɔ̀ klee nyopò wùɛ klee nyopòà pee dɔ̌ɔdɔ̌ win plě klee blě wùɛ.

Wlɛ̀velesɔ̌n 14:8

È sɔ̌n nonɔ najiǒpòiǒ kɛnaǒ ɔɔ mɔ̀, kě ɔ dɛ̌a ɔ je, “Babòlɔn nyoo blǒ wlɛ wɔ̀ɔn! Babòlɔn fòɛ wlɛ mǒ blǒ ü nii dakwɛ̌ wùɛ ǔ nɛ̌ nɔɔ nmɔ ɛ̈ moo wlawle nu kmɔ̌, Nyesoa miǒ uu plɔ tu kɛn bo maěma!”

Wlɛ̀velesɔ̌n 16:6

Mɛ kɔɔ̌n tèǒ joo nɛ̀ moo u wlǎ Nè ngmà je ne nyo klee wnɔsàɔpoo nymɔ bo. Tèǒ nì kɔn tè u blɛɛ ɛ je keǒ Bò nye u nymɔǒ bu nǎna.”

Wlɛ̀velesɔ̌n 17:2

Blǒo klɔ̀bapoo klee ɔɔ sɔ̌n nu wlawle plě blǒo nyopò wùɛ ǔ nǎna ɔɔ se wòn mɔ̀ɔ wɛ̀ kmɔ̌ǒ ɛɛ nmɔ ɛ̌ nia nu.”

Wlɛ̀velesɔ̌n 17:4

Manǐwlù klee dale chě nì nynɔǒ ɔ pea měne. Klò klee jǐlenmɔ seɛ̌ klee nèmnejɔ neaǒ ɔ fǒ mǒ, i nia wunǎ wunǎ. Klòo mǒ naě kàe neaě ɔ kwete mǒ, ɛ jǐa je noǎ sòen klee noǎ ï see wòn mɔ̀ɔ wɛ̀ ï sɔnaě ɔɔ se wòn mɔ̀ɔ wɛ̀ kmɔ̌ǒ mǒ.

Wlɛ̀velesɔ̌n 17:5

Ɛ kɔna je wɛ̌ nynɛ̌ ɛ̈ chleěaa keǒ ɔɔ jigbàa gblee wnana mǒ, nɛ̀ dɛ̌a bò ɛ̈ moo, “Babòlɔn fòɛ, mòo gblà nynoo naǎ plě kmɔ̌ɔ noǎ sòen wùɛ nì neɔɔ̀ kɛn.”

Wlɛ̀velesɔ̌n 18:3

Babòlɔnʼɔ wan nymi nmɔǒ ɛ̈ moo ɔɔ se wòn mɔ̀ɔ wɛ̀ kmɔ̌ nɛ̀ dakɔ̌ wùɛ nǎ. Klɔ̀bapoo wùɛ neɔɔ blǒɔ mɔ̀ u klee ɔɔ sɔ̌n nu wlawle. Noǎ plo nyoà neɔɔ blǒɔ mɔ̀ ǔ pàn klě ɔɔ dɛ kukǔ wlòo jlajlǎ dɛ mǒ.”

Wlɛ̀velesɔ̌n 19:2

Dɛ ɛ nuu nɛ̀ moo Ɔɔ tùonyopo tè jɛɛa nu kàan plě ɛ̌ slɛɛ̌ mǒ. Gblà nynɔà ɔ̈ nuu nyopòà neɔɔ kmɔ̌ɔ mɔ̀ ǔ blěe kmɔ̌ sòan Ɔ bɛ̌ ɔ kɛn kokǒ wun, Ɔ sàa ɔ mǒ kpa keǒ Ɔɔ nyebajle klee nynejluu nymɔɔ tè mɔ̀.”

Wlɛ̀velesɔ̌n 21:8

Kɛɛ nyopòà kɔnʼɔ fano klee nyopòà moo nyu bo demǒ sà nyo klee ü kmɔ̌ sòan neěe ja klee mnùngma po nyo klee se wòn mɔ̀ɔ wɛ̀ kmɔ̌ nyo klee sàlesa nu nyo klee nǔkpuǐi wɛ̀ sà nyo plě klee sen le tmɔ̌ nyo wùɛ u miǎ u blěe wakǎ kɔnma klě wnewne seɛ̌ɛ na wulǒ mǒ ɛ̈ moo sɔ̌n nenɛ kokoɛ̌.”

Wlɛ̀velesɔ̌n 22:15

Nyopòǒ slě dě fòɛǒ wlòmo ne u moo gbùo klee sàlesa nu nyo klee se wòn mɔ̀ɔ wɛ̀ kmɔ̌ nu nyo klee mnùngma po nyo klee nǔkpuǐi wɛ̀ sà nyo klee nyopò wùɛà noɛɛ ɛɛ mǒ bü boo loo nyopò tùu mǒ.

Wlɛ̀velesɔ̌n 9:20

Nyopòo tìeǒ siaǒo tǐ jakě seaa dbǎ, kaǒ uǔ wɔɔnʼa ɛ kɛn keǒ bu tbɛa noǎ uu chɛ̀ nuaa kɛn, uǔ bɔ̌a uu nǔkpuǐǒ ii wɛ̀ sèsa kaǒ ï u nuuaa klò klee sěbla klee kanwɛɛ klee seɛ̌ plě ti ï slěe wɔ̀ bï jěe dɛ klee bï wɔ̌nʼɔ tè plě bï naa.