Wlɛ̀velesɔ̌n 9:20 - Nyesoaa Kuo Win Jajle

²⁰ Nyopòo tìeǒ siaǒo tǐ jakě seaa dbǎ, kaǒ uǔ wɔɔnʼa ɛ kɛn keǒ bu tbɛa noǎ uu chɛ̀ nuaa kɛn, uǔ bɔ̌a uu nǔkpuǐǒ ii wɛ̀ sèsa kaǒ ï u nuuaa klò klee sěbla klee kanwɛɛ klee seɛ̌ plě ti ï slěe wɔ̀ bï jěe dɛ klee bï wɔ̌nʼɔ tè plě bï naa.

Wlɛ̀velesɔ̌n 9:20 ပူးပေါင်းရင်းမြစ်များ

Matiɔ̌n 21:32

Mɛ̌oǒ joo nɛ̀ moo Jɔ̀ɔ̌n dia lě ɔ mǐa a jebo siǐan tee le, è a sea ɔɔ tè kàan tè po, kɛɛ dlǒ wlě tɛ̌n nyo klee gblà po nyo nù poa ɔɔ tè kàan tè. È tà a kea luu jě u pea lɔɔ tè kàan tè, kaǒ a je a sea aa wlè bo bitǐ a sea ɔɔ tè kàan tè po.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:29

Ke ɛ toon jleě mǒ bo ä moo Nyesoaa jlǔ, äa dlǒ le sìɛnsiɛn bɛɛ̌ jě ɛ ɛ̈ moo Ɔ wǒ je tùonyugbee wlawlǎ dɛ ɔ nunuu klò klee sěbla klee seɛ̌.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:26

È a pe bo nɔkǔ plě aa chɛ̀ ǎ jě dɛǒ Pɔ̀ɔ̌ nii ɔ̌ sɛ̀ǒo nyopòo dlě snǔ mɔ̀le buǔ sɛ̀ɛ Dianàa wɛ̀ plě ɔ̌ bitǐ uu dɛ fòfoaa wlè bo keǒ Koɔn mɔ̀. Ɛ seà kěà Ɛfèsee doà, kɛɛ wakǎ wùɛà moo Esìa nɛ̀ ɔ nɛ kɛn le ɔ̌ tmɛɛ̌ nyopò ɛ̈ moo nyesoeà tùonyugbe nuu i se kmɔ̌ ne.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:41

Tǐǒ nì kɔn wlòmo u nua nǔkpuɔ̌ ǔ poaě ɛ blǐ bòtoo tǔn wlòmo ǔ piea ɛ chɔ̀no je. U pia wlewle digbaǐ ǔ kwɛna de ngmnengmnɛ̌ keǒ dɛ uu chɛ̀ɛ nuaa mɔ̀.

2 Kwnɛtiɛ̌ 12:21

È doo de dɛ kɔn fano Ě pee nɛ̀ moo boǒ tbae je klě a mɔ̀, ně Nyesoa miǐ ja tìeba keǒ a jemǒ plě Ě mǐ fìn keǒ nyopò fòfoaa tè mɔ̀ ü nuaa kpni kukwǐ keǒ Nyesoa jemǒ plě ü sěɛ uu wlè bo bitǐ keǒ uu se wòn mɔ̀ɔ wɛ̀ kmɔ̌ klee gblà kmɔ̌ǒ mɔ̀ klee konkɔn noǎa wlò boabuǔ u kɔnʼɔ.

1 Timɛtě 4:1

Ngmà Je Ne Sùsu boɔ ɛle ɛ̌ pàe chnɛ̀ le ɛ̈ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo nyopòo tìe miǎ uu tè wlò popoɛ u kɔnʼɔ kɛn tbɛba u miǎ sen le tmɔ̌ sìsi kàan tè po klee teeaà jǐlenymi sìsi miǎ uu teeba.

Wlɛ̀velesɔ̌n 15:1

Ě jěa wlòlekaen je te dɛ fòɛ tɛ̀ɛ de klě jɔkɛn, ɛ mooa najiǒpòo nyiɛta ü blěaa demǒ bɔɔ̌ sònwɛ jěe noǎa nyiɛta kwa, nù kɔn dɛ bɛ wɛ̀aǒo le, è Nyesoaa jlo nɛ̀ǒ sieaǒ.

Wlɛ̀velesɔ̌n 16:8

È najiǒpòo hɛ̀n nonɔǒ ɔ̀ wlǎla ɔɔ fuo bo keǒ wɛn kɛn, wɛnʼǒ nɛ̀ nua na ɛ̈ siɛna nyopò.

Wlɛ̀velesɔ̌n 9:19

Sòkweǒ i blěe kpě neaě i wan klee klě ii wèn mɔ̀, ii wèn wǒa smea, ǐ kɔna dlě ï i niaa ǐ sieěaa nyopò noǎ mǒ ble.

Wlɛ̀velesɔ̌n 9:21

Plě uǔ wɔɔn ɛ kɛn keǒ bu bitǐ uu wlè bo keǒ mnùngma popoɛ mɔ̀ klee bu siǒ uu sàlesa kmɔ̌ bo klee uu se wòn mɔ̀ɔ wɛ̀ kmɔ̌ plě uu jlijlǐ kmɔ̌.