Wlɛ̀velesɔ̌n 9:1 - Nyesoaa Kuo Win Jajle

¹ Tà m̀m nonɔ najiǒpòiǒ ɔ bea ɔɔ nokpaǒ, Ě jěa jɔtnàe ɛ̈ bloaěe jɔ mǒ ɛ̈ bea lɔɔ kmɔ̌ mɔ̀, bǐtìee gbàadɛ̌ nɛ̀ nyeea ɔ no ɛ̈ u dɛɛ bǐtìeà see mɔ̀ kɔn.

Wlɛ̀velesɔ̌n 9:1 ပူးပေါင်းရင်းမြစ်များ

Lǔkù 10:18

È kě Ɔ dɛ̌a u je Ɔ je, “Ě jěa Setɛ̀n ɔ̈ moo kǔ ɔ̌ duua wan ɔ̌ sɔnaě jɔkɛn mǒ wòje keà tɛ̀nʼɛ pepě bee bo.

Lǔkù 8:31

È kǔ sìsiǒ i bɛ̀tea Jùsu Bɔɔ̌ dbeaě i bǐtìeà see mɔ̀ kɔn wan.

Wlǔmɔ 10:7

“È nè dɛ̌ bò ɛ̈ moo, ‘Mɔ miǐ kɛ lě blǒ wlò muma?’ ” Ɛ̈ sɛ̀nʼɛ nynɛ̌ mɔ miěe Tentǎn Jǔ kǒla mǒ sàba Ɔ mǐ ä mǒ sɛ̀ɛ le.

Wlɛ̀velesɔ̌n 1:18

plě Ɔ̈ moo Kmɔ̌ Ne Nyu. Ě kǒa le, kɛɛ tanàle, Ě ne kmɔ̌ ke ɛ mii jleě mǒ bo tonma plě Mǒ kɔn kokoɛ̌ klee na slè mumuɛ win kwa.

Wlɛ̀velesɔ̌n 1:20

Jɔtnèe nyiɛtaǒ jèe ï neɔ Mǒo dilǎ son mǒ klee nǎpea tii nyiɛtaǒ, dɛ i sɛ̀nʼɛ nynɛ̌ nɛ̀ moo jɔtnèe nyiɛtaǒ nì nynaǒ pènmo bo najiǒpòo nyiɛta ü nynaǒo Tentǎn Jǔu wǎn kpɛɛ nyiɛta pènmo bo. È nǎpea tii nyiɛtaǒ nì nynaǒ pènmo bo Tentǎn Jǔu wǎn kpɛɛ nyiɛtaǒ.”

Wlɛ̀velesɔ̌n 11:7

Bɛ̌ nu bǔ wɔ̀ uu sàse dɛǒ mɔ̀, nmi kukǔ fòɛ ɔ̈ miěe bǐtìe fòɛǒ see mɔ̀ kɔn wan mǒ sɔnma, nɔ̀ mi u tùngmaema ɔ̈ mi u ja jǎba, ɔ mi u wan duba ɔ mǐ u dbǎ.

Wlɛ̀velesɔ̌n 17:8

Nmiǒ jèaa ɔ nea kmɔ̌, kɛɛ ɔ see kɛ̀ kmɔ̌ ne. Ɔ seǒ wlɛ̀ba mu ɔ miě bǐtìe fòɛǒ see mɔ̀ kɔn wan mǒ sɔn ɔ mǐ mu ɔ mǐ gbè sùee le. Nyopòà neɔɔ blǒɔ mɔ̀ ü kɔn nyneǎ sěɛlǎa chleě le klě fònfno chněedɛ̌ wlòmo sɔɔnʼě kmɔ̌à ɛɛ wlò tùla mǒ bǔ jě nmiǒ, ɛ mi u wlò le kaenma. Mɛ̌oǒ joo nɛ̀ moo ɔ nea kmɔ̌ plě ɔ̌ see kɛ̀ kmɔ̌ ne klě tǐà wlòmo, kɛɛ ɔ mi kmɔ̌ nema de.

Wlɛ̀velesɔ̌n 20:1

È Ě jěa najiǒpòi tɔ̀ɔ ɔ̌ sonwɛaě jɔkɛn mǒ, ɔ blěa bǐtìe fòɛǒ see mɔ̀ kɔn ɛɛ gbàadɛ̌ kwa, chěen fòe neaě ɔ kwete mǒ.

Wlɛ̀velesɔ̌n 20:10

È kǔǒ boo uu mǒ ɔ miě na wulǒ mǒ pooba ɛ̈ jǐi wnewne seɛ̌ jele, klě tàa doǒ nmiǒ ɔ klee sen le tmɔ̌ wnɔsàɔǒ u pooa lěe. Klě u miě nema u mǐ tu kɛn tùu lu tǒn klee chnɛ̀ ke ɛ mii jleě mǒ bo tonma.

Wlɛ̀velesɔ̌n 6:13

è jɔtnè nìǒ blea jɔ měne kělɔ kmɔ̌ mɔ̀ keà tu blee bui ngmè ja le bo fèflɛ bɛ̌ ke i le tɛkɛ̌ɛ le.

Wlɛ̀velesɔ̌n 8:10

Tà tan nonɔ najiǒpòiǒ ɔ bea ɔɔ nokpa, è jɔtnàe fòɛ ɛ̈ kɔn wnewnɛ niaa blàublàu wòje wnewne slè nɛ̀ bloaě jɔ mǒ ɛ̈ nymiia neǎ fòfoa klee něe chlolǎi fòfoa jǐ le.

Wlɛ̀velesɔ̌n 8:12

Tà hɛ̀n nonɔ najiǒpòiǒ ɔ bea ɔɔ nokpa, è wɛnʼɛ wakǎ peǎn fòɛ klee sòbaee wakǎ peǎn fòɛ klee jɔtnè fòfoa nì tbaea dɛ, ii tè ii peěnʼǒ i bɔ̌a fonfɔn. Nɛ̀ nua nɛ chnɛ̀ jlǒ waě sea pepě kɔn klě àwɛɛ hɛ̀n wlòmo klee tǒn jlǒ waě sea pepě kɔn klě àwɛɛ hɛ̀n wlòmo.

Wlɛ̀velesɔ̌n 8:2

È Ě jěa najiǒpòo nyiɛta ǔ nynanaǒ Nyesoa jemǒ bo ǔ nyea u nokpee nyiɛta.

Wlɛ̀velesɔ̌n 9:2

Tà ɔ knanaa bǐtìeǒ see mɔ̀ kɔn je, è nǎno fòfoa nia buɛɛ ɛ̌ sonwɛaě ɛ wlòmo keà u nu wiěn tùadlo fòɛǒ nǎno sonwɛě kɛn mǒò. Nǎnoǒ sonwɛa lěe bǐtìeǒ wan mǒ ɛ nua wɛn ɛ̌ pala kwijlě mǒ plě nyu ně jěa jɔtùwle.