Wlɛ̀velesɔ̌n 8:7 - Nyesoaa Kuo Win Jajle

⁷ Tà klekle najiǒpòiǒ ɔ bea ɔɔ nokpa, chɛn kpěn fòe klee na ɛ̈ chìseeaa nymɔ nì u tunwiǐa lɔ wɔ̀ɔn le kělɔ blǒ mɔ̀, ii tè blǒà ɛɛ wakǎ peǎn fòɛ sinʼa klee tii wakǎ peǎn fòɛ sinʼa klee tii wakǎ peǎn fòɛ klee kwlǎ jajle wùɛ.

Wlɛ̀velesɔ̌n 8:7 ပူးပေါင်းရင်းမြစ်များ

Jìmǐse 1:11

Bɛ̌ nu wɛn bɛ̌ diě, ɛɛ fonfɔn bɛ̌ sǐ kwlǎǒ mǒ bo, è ii tichɛbleǒ è nìǒ bloǒ le, ii jǐlenmɔnmɔ wùɛǒ è nɛ̀ǒ wɛ̀ bo. Dɛɛ doǒ nɛ̀ ɛ mono, nyopòà ü neǒo pònpan dɛ demǒ doo uu pònpanʼǒ ɛ mi jǐ le nymima.

1 Pitɛ̌ 1:24

Nɛ̀ kɔn tè Nyesoaa win dɛ̌ bò ɛ̈ moo, “Nyopò wùɛ u wǒ je kwlǎ ɛ̈ɛ̌ wlɛ̀ǒo chechɛ̌ɛa mǒ, è uu tè jǐ boaboǎ wùɛ ɛ wǒ je tichɛble ï neěe kwlǎ slè bï chechɛ̌ɛ ï bleǒo le,

Wlɛ̀velesɔ̌n 12:4

Ɔ nia ɔɔ wòn ɔ̌ chlìa jɔtnè fòfoa klě jɔkɛn ɔ̌ tunwiǐa nɔ i blǒ mɔ̀le. È ɔ nynanaǒ nynɔǒ nya bo ɔ̈ wɛ̀aa mɔ̀ keǒ bɔ̈ kmàeaa ɛ̈ di ɛɛ numa nynɔǒ bɔ̌ kɔɔ̌nʼa bò Jǔǒ ɔ mǐa Jǔǒ di.

Wlɛ̀velesɔ̌n 16:2

Tà nyane najiǒpòiǒ ɔ wlǎla ɔɔ fuo bo kělɔ blǒ mɔ̀, chnechně noǎa kukwǐi chìi nì wěa tùonyopo fǒ měne ü blěaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀.

Wlɛ̀velesɔ̌n 16:21

è chɛn kpěn fòe ï kɔn kwa kunkuɛn klee sǎnma wěe wlèe m̀m gbɛ̀ɛ boaa lee nì bleaě jɔtùwle měne ï bea nyopòǒ dlǒ le. Ɛ mooa jǐlenymi dɛ wan le pae chɛn kpěn, ii tè u cheɛɛ̌a Nyesoa le keǒ Bɔ dia i dbo.

Wlɛ̀velesɔ̌n 6:8

Ě keaǒ le tɛn, è Ě jěa sòko keà dɛ kplɔɔ, nyuǒ nɛɛa ɔɔ kɛn nɔ̀ kɔn nynɛ̌ mooa Kokoɛ̌ plě nyuǒ moo Hedì ɔ̌ nɛa ɔ de, Hedì sɛ̀n nynɛ̌ Kokǒ Nyoo Blǒ. U nyea u kpě keǒ kmɔ̌ɔ wakǎ gbe mɔ̀ keǒ bu kpala nyopò to mɔ̀ bu dbǎla u klee bu nua dodopà klee kweǎ klee kwlǎ slè soa kukwǐ ï neɔɔ blǒɔ mɔ̀ bu dbǎla u.

Wlɛ̀velesɔ̌n 7:1

Tà dɛǒ ɛ sìnʼaa, Ě jěa najiǒpòo hɛ̀n ǔ nynana kmɔ̌à ɛɛ wakěe hɛ̀n wùɛ jleě ble ǔ kana fèflɛ je ɛ̈ di ɛɛ numa ɛɛ̌ dia le di kělɔ blǒ kɛn klee klě jbǒ kɛn klee klě ti wùɛ ja.

Wlɛ̀velesɔ̌n 9:15

Ii tè najiǒpòo hɛ̀nʼǒ ü wɛ̀aa mɔ̀le keǒ ɛmo àwɔǒ mɔ̀ klee chnɛ̀ jlǒ waěǒ mɔ̀ klee keǒ sòbaeǒ mɔ̀ klě jlǒǒ wlòmo ɔ̌ tɛa u bo bu dbǎla tùonyopoo dɛ fòfoa.

Wlɛ̀velesɔ̌n 9:18

Tùonyopoo dɛ fòfoa nù kǒa keǒ dɛɛ wan le paa noǎ kplěe tanʼǒ mɔ̀ ï mooa na klee nǎno plě wnewne seɛ̌ ï sɔna lěe sòkweǒ wan mǒ.

Wlɛ̀velesɔ̌n 9:4

U tmɔɔ̌a tànynakpaǐǒ biǐ toěa kwlǎ le klee ti plě dodɔ̌ dɛ wùɛ, tùonyopoo do sosǒ nù bi nua ka kukǔ ü Nyesoaa slii seaǒo kɛn ne keǒ uu jigbàa gblee wnana mǒ.