Wlɛ̀velesɔ̌n 8:3 - Nyesoaa Kuo Win Jajle

³ È najiǒpòi tɔ̀ɔ diaě ɔ̌ nynanaǒ chɔ̀no tògbee kǒngmàǒ wakǎ mǒ bo, klò jagbee neaě ɔ kwete mǒ ɛ̈ u pee sonsnǒ noǎa fòfoa wan ï bɔ̈ siɛnaa, i klee Nyesoaa nyopòo bàtea miiaǒ tàa do keǒ klò chɔ̀no tògbeǒ ii kǒngmà kɛn ɛ̈ neaǒo klɔ̀ba gbèsɛɛ jemǒ.

Wlɛ̀velesɔ̌n 8:3 ပူးပေါင်းရင်းမြစ်များ

Lǔkù 1:10

È klě tǐǒ kɔn wlòmo ɔ peaa noǎǒ tǎn le, è diblɛ̌ fòfoa ü mooa Jùwɛ nyo nù nynanaǒ plomǒ bo ü boɛaě Nyesoa mɔ̀.

Wlǔmɔ 8:34

Mɔ miǐ kɛ ä kokǒ wun kɛn bɛ̌ba? Tentǎn Jǔ Jùsu kǒ keǒ ä mɔ̀ plě ɛ se ɛɛ do, Nyesoa sàě Ɔ kǒla mǒ. È klě tǐà wlòmo Ɔ neeě Nyesoaa dilǎ son mɔ̀ bo Ɔ̌ bɛ̀te keǒ äa tè mɔ̀.

Hiblǔ 7:25

Dɛǒ nɛ̀ kɔn tè Ɔ wɔ̀le ɛ keǒ Bɔ gblà nyu wùɛ ɔ̈ miɔɔ Nyesoa mɔ̀ diiba klě tè wlò popoɛ ɔ kɔnʼɔ mǒ klě Ɔ mǒ. Mɛ kɔɔ̌n tèǒ joo nɛ̀ moo tǐ wùɛ mɔ̀ Ɔ ne kmɔ̌ Ɔ̌ bɛ̀te Nyesoa keǒ uu tè mɔ̀.

Hiblǔ 9:4

Ɛmo blòǒ wlòmo klě klòo chɔ̀no tògbee kǒngmà nea lě ɛ̈ kɔn kɛn u pieǒo sonsnǒ noǎa klee kuo winʼi blɔ̀kun u kpneěaa klò fǒ měne, è klě blɔ̀kunʼǒ wlòmo klě klò jagbee neaě ɛ̈ flɔ̌ɔǒ u dɛɛ manɔ̀ ɛ neěe wan klee Ewnɔ̀ɔ nae tu bɛ̈ neǒo ne ɛ̈ pee kɔně klee seɛ̌ paǐi sɔ̌n ï kɔn kɛn Nyesoa chlěaǒo teteǎ.

Wlɛ̀velesɔ̌n 10:1

È Ě jěa kpě kɛne najiǒpòi tɔ̀ɔ ɔ̈ sonwɛa lěe jɔkɛn mǒ ɔ̈ dia lɔɔ wɔ̀ɔn, nukpǎ nɛ̀ mooa ɔɔ wlawlǒ ɔ pea mǒ plě pànjbo tbɛɛa ɔɔ dlǒ dǐ. Ɔɔ jigbà wnea wòje wɛn, ɔɔ be wǒa napèpɛloo tiblǐ fòe.

Wlɛ̀velesɔ̌n 14:18

È najiǒpòi tɔ̀ɔ ɔ̈ naa kpě nea lěe kwete mǒ, nɔ̀ sɔɔnʼaě chɔ̀no tògbee kǒngmà mɔ̀ mǒ ɔ̈ pea win nya ɔ̈ tmɛɛ̌a najiǒpòiǒ fakaǒ ɛ nea lěe kwete ɔ je, “Dǔ nè wonwɛ̌n fakaǒ mǒ mò kmɔ̌à ɛɛ kwlepò bɛ̌. Kwlepòǒ ɛ flo lo!”

Wlɛ̀velesɔ̌n 5:8

Tà Ɔ dǔa ɛ mǒo, è kmɔ̌ ne soaa hɛ̀n klee kunkunyoo wlò tùo hɛ̀nʼǒ è nìǒ kɔ kwne bo keǒ Blajǔǒ jemǒ. Uu wùɛ u blěa kwa le kanǐkàe plě klò fui neaě u kwete mǒ ï sonsnǒ noǎa jǐaa je ï nynaǒo pènmo bo Nyesoa nyoo bàtea keǒ Nyesoa mɔ̀.

Wlɛ̀velesɔ̌n 6:9

Tà Blajǔ sàlaǒo sluu kpɛɛ m̀m nenɛǒ, è Ě jěa nyopòo sìsi ü u dbǎlaa keǒ Nyesoaa win boɔboɔ tè mɔ̀ klee Ɔɔ sàse dɛ nunuɛ mɔ̀, nù neaě chɔ̀no tògbee kǒngmà bobo

Wlɛ̀velesɔ̌n 7:2

È Ě jěa najiǒpòi tɔ̀ɔ ɔ̈ sonwɛɛa lěe wɛnʼɛ kwlǎ mǒ wǒla mǒ nɔ̀ kpɛa kmɔ̌ ne Nyesoaa sluuà Ɔ pee dɛ kɛn, nɔ̀ pnǎna dɛ jleě klě najiǒpòǒ mɔ̀ ü kpě nyeea bü nuaǒo blǒ klee jbǒ dɛ jleě mǒ.

Wlɛ̀velesɔ̌n 8:4

Sonsnǒ noǎaǒ ii nǎno klee Nyesoa nyoo bàtea nì sonwɛaě najiǒpòiǒ kwete mǒ ï jɛ̌a jɔ mǒ klě Nyesoa mɔ̀.

Wlɛ̀velesɔ̌n 8:5

Dɛ tɛ̀ɛ ɔ nuaa nɛ̀ moo ɔ dǔa jagbeeǒ mǒ ɔ̌ jiěa ɛ nàkne jele ï sɔnaěe kǒngmà kɛn mǒ, nì ɔ tuǔnʼa nɔ kmɔ̌ɔ mɔ̀, è tɛ̀n pnǎna ne ɛ̌ kwlia ɛ̌ ngmněa plě blǒ sèkea.

Wlɛ̀velesɔ̌n 9:13

Tà najiǒpòo m̀mɔdo nonɔ bea ɔɔ nokpa, è Ě wɔ̌na win ï sonwɛa lěe ngmèe hɛ̀nʼǒ mɔ̀ mǒ ï neaǒo klò chɔ̀no tògbeǒ dlǒ keǒ Nyesoa jemǒ,