Wlɛ̀velesɔ̌n 8:12 - Nyesoaa Kuo Win Jajle

¹² Tà hɛ̀n nonɔ najiǒpòiǒ ɔ bea ɔɔ nokpa, è wɛnʼɛ wakǎ peǎn fòɛ klee sòbaee wakǎ peǎn fòɛ klee jɔtnè fòfoa nì tbaea dɛ, ii tè ii peěnʼǒ i bɔ̌a fonfɔn. Nɛ̀ nua nɛ chnɛ̀ jlǒ waě sea pepě kɔn klě àwɛɛ hɛ̀n wlòmo klee tǒn jlǒ waě sea pepě kɔn klě àwɛɛ hɛ̀n wlòmo.

Wlɛ̀velesɔ̌n 8:12 ပူးပေါင်းရင်းမြစ်များ

Matiɔ̌n 24:29

Jùsu kpɛɛa win nya Ɔ je, “Bò tǐ jakě bǐ chlɛ̀ǎa bò dlǒ, wɛn miǎ kwijlě mǒ paba, è sòbae seǎ fonfɔn jiba mu, jɔtnè miǎě jɔ měne bloba, è noǎǒ kɔnʼɔ kpě klě jɔ mǒ i miǎ tùɔn měne wǒba.

Matiɔ̌n 27:45

È keà nyu kɛpǒo jǐ, klě wɛnʼɛ blǒ mǒ wulee tǐ wlòmo, è blǒ wùɛ ɛ̀ bea kɛn kwijlě kpǎ fòɛ ɛ̌ kpala ɛ kpa ɛ̌ nua àwɛɛ tan nenɛ klě wanpno wlòmo.

Mǎkè 13:24

È kě Jùsu dɛ̌a de Ɔ je, “Tǐ jakěe tǐǒ bǐ sìnʼǎ, klě chnɛ̀ jlǒ wěǒ wlòmo wɛn miǎ kwijlě mǒ paba, è sòbae seǎ fonfɔn jiba mu.

Mǎkè 15:33

È klě wɛnʼɛ blǒ mǒ wulee tǐ wlòmo ùu blǒ wùɛǒ ɛ̈ bea kɛn kwijlě ɛ̌ kpala ɛ kpa ɛ̌ nua àwɛɛ tan nenɛ klě wanpno wlòmo.

Lǔkù 21:25

Jùsu kpɛɛa win nya Ɔ je, “Wan bo kàe noǎa nì miǎ tùɔn kpaba keǒ wɛn klee sòbae klee jɔtnè jleě mǒ. Dakwɛ̌ wùɛà neɔɔ kmɔ̌ɔ mɔ̀ fano miǎ u numa. Mɛ̌oǒ joo nɛ̀ moo u seǎ tà u miǎǒo jbodoěe klukwlɛ je plùua kɔnma mu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:20

Wɛn miǎ kwijlě mǒ paba plě sòbae miǎ floba wòje keà nymɔ, plě tè jǐ boǎ chnɛ̀ jlǒ waě fòɛǒ ɛ̈ kɔn wlòmo Koɔn miǎ lěe diiba ɛ miǎa kɛǒ nyni.

2 Kwnɛtiɛ̌ 4:4

Kmɔ̌à ɛɛ dɛ kukǔu nyesoa ɔ̈ moo kǔ ɔ kan uu tè le jbojbɛɛ jǐ kɛn ɛ̈ di ɛɛ numa uǔ di pepěǒ sonwɛ lěe kàan tuposà mǒ jě ɛ̈ kwɛɛǒo Tentǎn Jǔu tè jǐ boaboǎ jleě mǒ bo Ɔ̈ wǒo Nyesoa je teěn teěn, ii tè uǔ po i kàan tè.

Wlɛ̀velesɔ̌n 12:4

Ɔ nia ɔɔ wòn ɔ̌ chlìa jɔtnè fòfoa klě jɔkɛn ɔ̌ tunwiǐa nɔ i blǒ mɔ̀le. È ɔ nynanaǒ nynɔǒ nya bo ɔ̈ wɛ̀aa mɔ̀ keǒ bɔ̈ kmàeaa ɛ̈ di ɛɛ numa nynɔǒ bɔ̌ kɔɔ̌nʼa bò Jǔǒ ɔ mǐa Jǔǒ di.

Wlɛ̀velesɔ̌n 16:10

Tà najiǒpòo m̀m nonɔ wlǎla ɔɔ fuo bo keǒ nmiǒ ɔɔ gbèsɛɛ kɛn, è kwijlě bea nmiǒ ɔɔ deplě wùɛ kɛn, ɔɔ nyopò dia mɛ keǒ chnechně noǎa sosǒ mɔ̀.

Wlɛ̀velesɔ̌n 6:12

Tà Ě keaǒo le tɛn kaǒ, Ě jěa Blajǔǒ Ɔ̌ sàlaǒ sluu kpɛɛ m̀mɔdo nenɛǒ, è blǒo sèkea ɛ̈ neaa kpě kɛn nɛ̀ kpala tùɔn, è wɛn chlea le ɛ̌ pala kwijlě mǒ, ɛ wǒa je daloà u dbae lee wli jlee pìnpni, è sòbae wùɛ ɛ wǒa nymɔ,

Wlɛ̀velesɔ̌n 9:15

Ii tè najiǒpòo hɛ̀nʼǒ ü wɛ̀aa mɔ̀le keǒ ɛmo àwɔǒ mɔ̀ klee chnɛ̀ jlǒ waěǒ mɔ̀ klee keǒ sòbaeǒ mɔ̀ klě jlǒǒ wlòmo ɔ̌ tɛa u bo bu dbǎla tùonyopoo dɛ fòfoa.

Wlɛ̀velesɔ̌n 9:18

Tùonyopoo dɛ fòfoa nù kǒa keǒ dɛɛ wan le paa noǎ kplěe tanʼǒ mɔ̀ ï mooa na klee nǎno plě wnewne seɛ̌ ï sɔna lěe sòkweǒ wan mǒ.