Wlɛ̀velesɔ̌n 7:9 - Nyesoaa Kuo Win Jajle

⁹ Tà dɛǒ ɛ sìnʼaa, Ě keaǒ le tɛn Ě jěa diblɛ̌ fòfoa ü sea lěe slèslɛ wɔ̀, nù sonwɛa dakwɛ̌ wùɛ mɔ̀ měne klee blě wùɛ kɛn le klee nyopò wùɛ slè le plě nyopò wùɛà pee dɔ̌ɔdɔ̌ win nù nynanaǒ Blajǔǒ Ɔɔ klɔ̀ba gbèsɛɛ jemǒ bo, u pea wlawlě plǐ pɛ̀ti ǔ blěa snɛwɛi kwa le.

Wlɛ̀velesɔ̌n 7:9 ပူးပေါင်းရင်းမြစ်များ

Lǔkù 12:1

Tà nyopòo taslěwɛ fòfoa wɛ̀aa de u keaa kɛn ble sisǐi li, klekle Jùsu tùngmaeaě Ɔɔ mɔ̀ cheěn nyo mɔ̀ boɔboɔ Ɔ je, “Ba gbɛ̀ɛ le keǒ Fɛlesǐi wǎnʼa kmɔ̌ kukǔǒ mɔ̀, u moo ä jěè kɛn ä daà kàan chènyo.

Lǔkù 21:36

Tèǒ nì kɔn tè tǐ pɛpɛ mɔ̀ ba tù aa de nu kmɔ̌ jǐ mɔ̀, ba bàte Nyesoa Ɔ mǐ a kbě nye noǎ wùɛǒ bǐ keǎ tùɔn kpɛ a miǎ i jebo kwli, plě klee Jbɛjuu Jǔà Bɔ̌ keǎ blilǐ tùi, a miǎ kbě kɔn ba nynanǎ Ɔ jebo.”

Jɔ̀ɔ̌n 12:13

Ii tè è nùǒ bɛ̌a snɛwɛi ǔ mua Ɔ nya bɛ̌ba, è u pea plɔ bloo slɛ̀ le wòje ke Nyesoaa win dɛ̌ɛ i je, “Hehejoo! Baea keǒ Nyuà Ɔ̈ diiěe Koɔnʼɔ nynɛ̌ wlòmo mɔ̀! Baea keǒ Ǐsòwɛ̌ kwɛɛn Klɔ̀ba mɔ̀!” (Ps 118.25-26)

Wlǔmɔ 11:25

Ně bǐì kuodakwɛ̌ ü moo Tentǎn Jǔu wǎn, Ě jlɛ̌ ba ji je wɛ̌ dɛǒ ɛ̈ di ɛɛ numa aǎ di aa chɛ̀ nyu mǒ jě chɔɔ. Nyesoa nu Jùwɛ nyoo tìe ǔ ni dlǒ jakǎ ɛ mǒ ɛ kpa kpa kuodakwɛ̌ tìen taeǒ Ɔ jlɛ̌ bü diiɔ Lɔɔ mɔ̀ u miě je wɛ̀.

Ifisiɛ̌n 6:13

Tèǒ nì kɔn tè Nyesoaa wɔ̀ɔn noǎ wùɛǒ nì ba nu ɛ̈ di ɛɛ numa a miě ɛ wɔ̀ keǒ ba wɔ̀n noǎ kukwǐǒ je klee a miě ɛ wɔ̀ keǒ ba nynaě aa tè wlò popoɛ mǒ bo a mǐ měne tèntɛn wùɛ jebo nyna.

Hiblǔ 11:12

Tèǒ nì kɔn tè nyuu doà ɔ̈ seaa jlǔ kɔnma mu nɔ̀ kɔn mǒ klě jlǔu jlǔ sɔnʼě mǒ ü kɔn fòfoɛ wǒo je jɔtnè ï neěe jɔ mǒ klee ü slě slèslɛ wɔ̀ wòje jbǒo mǐsiɔ̌.

Hiblǔ 12:22

Aa nenɛà ɛɛ ka se bò je ne, a diɔ togbeeà moo Sàna dlǒ ɛ̈ moo Jlǔsnɛ ɛ̈ neěe jɔkɛn klee ɛ̈ moo kmɔ̌ sie Nyesoaa dě fòɛ ɛ̈ najiǒpòo taslěwɛ bòoě kɛn u mǐi de ngmnengmnɛ̌ kɔn.

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 22:3

Dɛà Nyesoa cheaě lěe le ɛ slě diěǒ wlòmo ne. Nyesoa klee Blajǔu klɔ̀ba gbèsɛɛ mi tùɔn kɔnma klě ɛ wlòmo, Nyesoaa nyebajle klee nynejlu mǐ Ɔɔ wɛ̀ sà.

Wlɛ̀velesɔ̌n 3:18

Ě pe a mǒ tɔ̀n keǒ ba tɔ̀n kàan kpankpaa klò kělɔɔ̌ mɔ̀ ɛ̈ di ɛɛ numa a mǐ pàn. A tɔ̀n wlawlě plǐ ke a mǐ i měne po, a mǐ aa gblàgblo popoɛɛ tònwe kmɔ̌ǒ kɛn kan klee jǐi chlì a mǐ jǐ mǒ po ɛ̈ di ɛɛ numa a miě ɛ wɔ̀ keǒ ba jě le.

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 5:11

Tà Ě keaǒo le tɛn, Ě wɔ̌na najiǒpò fòfoaa win ü tbɛɛaa klɔ̀ba gbèsɛɛǒ dǐ klee soaǒ plě klee kunkunyoǒ, uu wùɛ u nua taslěwɛ klee mǐniɔwɛ

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.

Wlɛ̀velesɔ̌n 6:11

È u nyea uu wùɛǒ wlawlě plǐ pɛ̀ti ǔ tmɔɔ̌a nu bu foa klě tǐ gbei wlòmo ɛ mǐa ɛ kpa kpa uu bǐì Tentǎn Jǔu wǎnʼǒ miaa dbaěba keǒ uu ka nee je, uu tìɛn taeǒ ɛ mǐaě je wɛ̀.

Wlɛ̀velesɔ̌n 7:8

Taslěwɛɛ pù tùo sɔ̌n nù sɔnaě dakɔ̌ǒ moo Sɛbìlɔn slè mǒ, taslěwɛɛ pù tùo sɔ̌n nù sɔnaě dakɔ̌ǒ moo Jòsɛ̌fo slè mǒ plě taslěwɛɛ pù tùo sɔ̌n sɔnaě dakɔ̌ǒ moo Bɛ̀chemɛ̌ slè mǒ.