Wlɛ̀velesɔ̌n 7:2 - Nyesoaa Kuo Win Jajle

² È Ě jěa najiǒpòi tɔ̀ɔ ɔ̈ sonwɛɛa lěe wɛnʼɛ kwlǎ mǒ wǒla mǒ nɔ̀ kpɛa kmɔ̌ ne Nyesoaa sluuà Ɔ pee dɛ kɛn, nɔ̀ pnǎna dɛ jleě klě najiǒpòǒ mɔ̀ ü kpě nyeea bü nuaǒo blǒ klee jbǒ dɛ jleě mǒ.

Wlɛ̀velesɔ̌n 7:2 ပူးပေါင်းရင်းမြစ်များ

Matiɔ̌n 16:16

È Saemɔ̌ Pitɛ̌ tùia Lɔ kɛ̀ɛn ɔ je, “Mòà Mò moo Nyesoaa Tentǎn Jǔ Ɔ̈ moo kmɔ̌ ne Nyesoaa Jǔ.”

Matiɔ̌n 26:63

Kɛɛ Jùsu sea ɔ kɛ̀ɛn tù. Ii tè kě bodiɔǒ ɔ dɛ̌a ɔ je, “Klě Kmɔ̌ ne Nyesoaa nynɛ̌ wlòmo, tmɔɔ̌ ämo tàǒ nynaǒo bo Bò moo Nyesoaa Jǔ Ɔ̈ moo Ɔɔ Tentǎn Jǔ.”

Jɔ̀ɔ̌n 6:27

Aǎ ni didi dɛà ɛ̈ mii jǐ le nymima ɛɛ konkwa, kɛɛ a nu Didi Dɛà nyee nyu kmɔ̌ sie fònfnoo konkwa, nɛ̀ Jbɛjuu Jǔà Ɔ mi a nyema. Mɛ̌oǒ joo nɛ̀ moo Ɔɔ Gbeǐ Nyesoa poo ɛ kɛn kòo keǒ Ɔ mɔ̀.”

2 Kwnɛtiɛ̌ 1:22

plě Ɔ̌ tù ä jboo dɛ kɛn ɛ̈ moo Nɔ̀ kɔn ämo plě Ɔ̌ poě Ɔɔ Ngmà Je Ne Sùsu klě äa wlè jleě Ɛ̈ nye ämoo wlò je kunkuɛn ɛ̈ moo Ɔ mi noǎǒ Ɔ peeě ämoo numa.

Ifisiɛ̌n 1:13

Tè wlò popoɛ klě Tentǎn Jǔ mǒ ɛɛ doǒ nɛ̀ ɛ mono keǒ a mɔ̀. Tà a wɔ̌nʼɔ kàan tuposàǒ ɛ̈ kwɛɛǒo Tentǎn Jǔ jleě mǒ bo ɛ̈ boɔɔ aa gblàgbla tè kɛn, a po Ɔɔ tè kàan tè plě Ngmà Je Ne Sùsu nu a Nyesoaa nyopò mǒ Ɛ̈ Ɔ peea lěe keǒ Bɔ nyea Nɔɔ nyopò.

Ifisiɛ̌n 4:30

Aǎ pe Ngmà Je Ne Sùsu feanfeǒ měne Ɛ̈ǒ wɔ̀ amoo mɔ̀le keǒ chnɛ̀ jlǒ waěǒ kɔn mǒ Nyesoa miǎ amoo gblàba mɔ̀ klě aa kpni kukwǐ slè.

1 Tɛseloniǎ 1:9

Uu chɛ̀ tmɛɛ̌ äne ke a nua ämoo jebo kmekmɛ plě ke a nuaǒ nǔkpuǐi wɛ̀ sèsa dɛ demǒ sonsɔn a nii kàan kmɔ̌ ne Nyesoa konkwa mɔ̀ nuua.

2 Timɛtě 2:19

Kɛɛ Nyesoaa winʼà i slě de sèsa wɔ̀ wòje keà kǎngmà jakǎa le ɛ slěe ngmàa wowoɛ̌ wɔ̀. Ɔɔ tuposà je, “Sɛjesɛ Koɔn ji nyopòǒ moo Ɔɔ nyopò no,” (Num 16.5) è “Nyu wùɛ bɔ̈ dae ɔɔ chɛ̀ Koɔnʼɔ nyu, ɔ kɔn bɔ tmɔɔ kpni kukwǐ mɔ̀.” (Num 16.26)

Hiblǔ 12:22

Aa nenɛà ɛɛ ka se bò je ne, a diɔ togbeeà moo Sàna dlǒ ɛ̈ moo Jlǔsnɛ ɛ̈ neěe jɔkɛn klee ɛ̈ moo kmɔ̌ sie Nyesoaa dě fòɛ ɛ̈ najiǒpòo taslěwɛ bòoě kɛn u mǐi de ngmnengmnɛ̌ kɔn.

Wlɛ̀velesɔ̌n 1:3

Nyuà mii Nyesoaa wnɔsà winʼà slèba ɔ kɔn ngmna, dɛɛ doǒ nɛ̀ ɛ mono keǒ nyopòà mi nii wɔ̌nma plě ü mi nii kàan tè poba mɔ̀ ï kɔn tè chleě lee kělɔ chněedɛ̌ɔ wlòmo. Mɛ̌oǒ joo nɛ̀ moo tǐ mǎ bo je keǒ noǎ wùɛà bi kpa tùɔn.

Wlɛ̀velesɔ̌n 10:1

È Ě jěa kpě kɛne najiǒpòi tɔ̀ɔ ɔ̈ sonwɛa lěe jɔkɛn mǒ ɔ̈ dia lɔɔ wɔ̀ɔn, nukpǎ nɛ̀ mooa ɔɔ wlawlǒ ɔ pea mǒ plě pànjbo tbɛɛa ɔɔ dlǒ dǐ. Ɔɔ jigbà wnea wòje wɛn, ɔɔ be wǒa napèpɛloo tiblǐ fòe.

Wlɛ̀velesɔ̌n 10:4

Tà tɛ̀nʼɛ pnapnǎ kplěe nyiɛtaǒ i sìnʼaa, è Ě wɛ̀a mɔ̀ keǒ bo chlěa, kɛɛ Ě wɔ̌na win ï sɔnaěe jɔkɛn mǒ, kě i dɛ̌a i je, “Tɛ̀nʼɛ pnapnǎ kplěe nyiɛtaǒ dɛǒ i boɔɔ wɛ̌ ɛ je, nè chlě ɛ.”

Wlɛ̀velesɔ̌n 16:12

Keǒ ɛ demǒ de, Ě jěa najiǒpòo m̀mɔdo nonɔ ɔ̌ wlǎla ɔɔ fuo bo keǒ ně fòɛǒ u dɛɛ Ufletì kɛn ɛ̌ mana kpǎkpǎ ɛ̌ nyea klɔ̀bapoo fɔ̌ bu sɔnaě wɛnʼɛ kwlǎ mǒ wǒla mǒ.

Wlɛ̀velesɔ̌n 5:2

Plě Ě jěa kpě kɛne najiǒpòi ɔ̌ pea sàe ɔ je, “Mɔ blɛɛ leě kɛ je keǒ bò sàǎ chněedɛ̌à sluuà jele?”

Wlɛ̀velesɔ̌n 8:3

È najiǒpòi tɔ̀ɔ diaě ɔ̌ nynanaǒ chɔ̀no tògbee kǒngmàǒ wakǎ mǒ bo, klò jagbee neaě ɔ kwete mǒ ɛ̈ u pee sonsnǒ noǎa fòfoa wan ï bɔ̈ siɛnaa, i klee Nyesoaa nyopòo bàtea miiaǒ tàa do keǒ klò chɔ̀no tògbeǒ ii kǒngmà kɛn ɛ̈ neaǒo klɔ̀ba gbèsɛɛ jemǒ.

Wlɛ̀velesɔ̌n 9:14

kě i dɛ̌a najiǒpòo m̀mɔdo nonɔǒ beaa nokpaǒ je i je, “Jle najiǒpòo hɛ̀nʼǒ bo ü pee chěen mɔ̀ ü moaa bo klě ně sakaěǒ moo Ufletì wien.”

Wlɛ̀velesɔ̌n 9:4

U tmɔɔ̌a tànynakpaǐǒ biǐ toěa kwlǎ le klee ti plě dodɔ̌ dɛ wùɛ, tùonyopoo do sosǒ nù bi nua ka kukǔ ü Nyesoaa slii seaǒo kɛn ne keǒ uu jigbàa gblee wnana mǒ.