Wlɛ̀velesɔ̌n 7:10 - Nyesoaa Kuo Win Jajle

¹⁰ U pnɛ̌a dɛ jleě le, kě u dɛ̌ u je, “Äa wowa dɛ sɔnʼě mǒ äa Nyesoa mɔ̀ Ɔ̈ neǒo klɔ̀ba gbèsɛɛǒ kɛn bo klee klě Blajǔ mɔ̀!”

Wlɛ̀velesɔ̌n 7:10 ပူးပေါင်းရင်းမြစ်များ

Lǔkù 3:6

È nyopò wùɛ miǎ Nyuǒ jěba Ɔ̈ Nyesoa dboo keǒ Bɔ̈ gblà luu.’ ” (Is 40.3-5)

Jɔ̀ɔ̌n 1:29

Tà chnɛ̀ tɛ̀ɛ gbàlaa le, Jɔ̀ɔ̌n jěa Jùsu Ɔ̌ diaě ɔ mɔ̀, è kě ɔ dɛ̌a ɔ je, “A chèǒ bo, Nyesoaa Blajǔ Ɔ wɔ̀ɔ mɔ̀le keǒ chɔ̀no mɔ̀ keǒ kmɔ̌ɔ nyopòo kpni kukwǐi tè mɔ̀ Nɔ̀à.

Jɔ̀ɔ̌n 1:36

è Jùsu sìinʼaǒ u gbàa. Tà Jɔ̀ɔ̌n jěaa Jùsu, è kě ɔ dɛ̌a ɔ je, “A jè Blajǔ Nyesoa nyee nee keǒ chɔ̀no piepiɛ mɔ̀ Nɔ̀à.”

Jɔ̀ɔ̌n 4:22

Amo Sìmɛ̌lia nyo a sɛ̀ Nyuà a see ji Ɔɔ wɛ̀, kɛɛ ämo Jùwɛ nyo Nyuà kɔn wɛ̀ ä sɛ̀ɛ ä ji Ɔlo. Mɛ̌oǒ joo nɛ̀ moo wowa dɛ diiě Jùwɛ nyo slè.

Ifisiɛ̌n 2:8

Ɛ moo Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ ɛ̌ nu amo ǎ kɔn wowa dɛ ɛ̈ diiě tè wlò popoɛ a kɔnʼɔ mǒ, ɛ se aa chɛ̀ a se ɛ nu. Wowa dɛ moo Nyesoaa nyee dɛ Ɔ nye amoo.

Wlɛ̀velesɔ̌n 12:10

È Ě wɔ̌na win ï jɛ̌a lěe klě jɔkɛn, kě i dɛ̌a i je, “Klě tǐà wlòmo Nyesoa diě keǒ Bɔ mǐ Ɔɔ nyopò gblà klee Ɔ mǐ Ɔɔ kpě nyopò tee le plě Ɔ mǐ kmɔ̌à win kwa kɔn. Klě tǐà wlòmo Ɔɔ Tentǎn Jǔ tee Ɔɔ kpě Ɔ kɔnʼɔ no. Kǔǒ ɔ̈ nynanaǒo Nyesoa jemǒ bo ɔ̈ jɛɛa äa bǐì Nyesoa nyo tè tǒn klee chnɛ̀ u sàlaě ɔ jɔkɛn ne.

Wlɛ̀velesɔ̌n 19:1

Tà dɛǒ ɛ sìnʼaa, Ě wɔ̌na dɛ klě jɔkɛn ɛ̈ wǒaa win mǒ nyopò fòfoaa klukwlɛ, kě u dɛ̌a u je, “Hehejoo! Äa Nyesoa kɔn wowa dɛ klee tè jǐ boaboǎ plě kpě.

Wlɛ̀velesɔ̌n 21:5

È Nyuǒ neaǒo gbèsɛɛǒ kɛn bo kě Ɔ dɛ̌a Ɔ je, “Klě tǐà wlòmo Ě pe noǎ wùɛ měne jajlo!” È Ɔ tmɔɔ̌a mǒ Ɔ je, “Chlě ɛ ɛ̈ moo winʼà neɔɔ chněedɛ̌ɔ wlòmo i moo kàan tè plě i mi tùɔn kpaba, i se kplɛ.”

Wlɛ̀velesɔ̌n 22:3

Dɛà Nyesoa cheaě lěe le ɛ slě diěǒ wlòmo ne. Nyesoa klee Blajǔu klɔ̀ba gbèsɛɛ mi tùɔn kɔnma klě ɛ wlòmo, Nyesoaa nyebajle klee nynejlu mǐ Ɔɔ wɛ̀ sà.

Wlɛ̀velesɔ̌n 4:6

Dɛ tɛ̀ɛ neaǒ klɔ̀ba gbèsɛɛǒ jemǒ ke, ɛ wǒa jělae jbǒ ɛ̈ wneaa jleě nymɛɛ nee mǒ. Soa fòee hɛ̀n ï neaa kmɔ̌ nì tbɛɛa klɔ̀ba gbèsɛɛǒ dǐ klě ɛɛ wakě wùɛ mɔ̀, jǐ mǎna i fǒ mǒ ble kělɔ ii nya klee klě i demǒ.

Wlɛ̀velesɔ̌n 5:7

Nɛ̀ mua Ɛ̈ dǔa plaplǎ chněedɛ̌ǒ mǒ Ɛ̈ sàlaě ɛ Nyuǒ neaǒo klɔ̀ba gbèsɛɛǒ kɛn bo Ɔɔ dilǎ son mǒ.