Wlɛ̀velesɔ̌n 6:9 - Nyesoaa Kuo Win Jajle

⁹ Tà Blajǔ sàlaǒo sluu kpɛɛ m̀m nenɛǒ, è Ě jěa nyopòo sìsi ü u dbǎlaa keǒ Nyesoaa win boɔboɔ tè mɔ̀ klee Ɔɔ sàse dɛ nunuɛ mɔ̀, nù neaě chɔ̀no tògbee kǒngmà bobo

Wlɛ̀velesɔ̌n 6:9 ပူးပေါင်းရင်းမြစ်များ

Jɔ̀ɔ̌n 16:2

U mi a Jùwɛ nyoo Nyesoa keǐ bo ble le sàba. Ɛ kɔn tǐ miěe dibaa chɛ̀ nyu wùɛ ɔ̈ mi amoo dbǎba ɔ mǐ ɛɛ jě ɛ̈ moo Nyesoaa konkwa nɛ̀ǒ ɔ ni.

2 Kwnɛtiɛ̌ 5:8

I moo kàan tè ä kɔn wlò je kunkuɛn, kɛɛ dɛ ä pɛ̀nʼɛ le nɛ̀ moo bä sà blǒ fǒà mǒ bä mu blě klě Koɔn mɔ̀, ɛ̀ sìnʼǒ bä kɔn ɛmo fǒà plě bä neɔ kmɔ̌ɔ mɔ̀.

Flepiɛ̌n 1:23

Ɛ kma wan keǒ boǒ sàǒ dɛɛ do. Klě ii sɔ̌nʼǒ slè kàan dɛ Ě jěě nɛ̀ moo bo kǒ bo muě Tentǎn Jǔ mɔ̀.

Flepiɛ̌n 2:17

Bɛ̌ nu bo kɔn bo kǒo chɛ̀ wòje piepie chɔ̀no keǒ a mǐ tè wlò popoɛ kɔn tè mɔ̀, Ě miǐ jè chǒn le numa plě a klee mǒo sɔ̌n ä miǒ plɔɔ bloblɛ tàa do kɔn.

2 Timɛtě 1:8

Tèǒ nì kɔn tè nè pe tònwe keǒ bò nu sàse dɛ keǒ nyopò tùu mɔ̀ keǒ Koɔn Jùsu jleě mǒ klee nè pe tònwe keǒ ně tè mɔ̀ keǒ bo moo wùlo po nyu keǒ Ɔɔ konkwaà Ě nii ɛɛ tè mɔ̀. Kɛɛ Nyesoaa kpě nì bò nu miě ɛ wɔ̀ mìǐ kɛn be ä mǐ sònwɛ jě keǒ kàan tuposàà ɛɛ tè mɔ̀.

2 Timɛtě 4:6

Keǒ mǒà mɔ̀, ɛ nu tǐ keǒ ně fònfno bɛ nyee Nyesoa wòje chɔ̀no, ɛ̈ sɛ̀nʼɛ nynɛ̌ tǐ konwǎ mɔ̀ keǒ mǒà bo kǒ.

Hiblǔ 12:23

A diɔ Nyesoaa Nyǐsajuà Ɔɔ wǎn slè ü kɔn nyneǎ chleě lee klě jɔkɛn. A diɔ Nyesoa mɔ̀ Ɔ̈ monoo Tè Tùɔ̌ keǒ tùonyopo wùɛ mɔ̀. A diɔ jebo siǐn nyoo sìsi mɔ̀ ü Nyesoa snǎ lěe mɔ̀le kpǎkpǎ.

Wlɛ̀velesɔ̌n 1:2

Kělɔ chněedɛ̌ɔ wlòmo Ě sèsae ii tè kɛn le ɛ̈ kwɛɛǒo noǎ wùɛ Ě jěaa jleě mǒ bo. Winʼà i moo Nyesoaa tuposà klee dɛ Tentǎn Jǔ Jùsu tmɔɔ̌a mǒo.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 14:18

È najiǒpòi tɔ̀ɔ ɔ̈ naa kpě nea lěe kwete mǒ, nɔ̀ sɔɔnʼaě chɔ̀no tògbee kǒngmà mɔ̀ mǒ ɔ̈ pea win nya ɔ̈ tmɛɛ̌a najiǒpòiǒ fakaǒ ɛ nea lěe kwete ɔ je, “Dǔ nè wonwɛ̌n fakaǒ mǒ mò kmɔ̌à ɛɛ kwlepò bɛ̌. Kwlepòǒ ɛ flo lo!”

Wlɛ̀velesɔ̌n 16:7

È Ě wɔ̌na chɔ̀no tògbee kǒngmàa win, kě ɛ dɛ̌a ɛ je, “Kòo, kpě kɛne Koɔn Nyesoa, Nè wlòo ble po dɛ nu kàan plě ɛ̌ slɛɛ̌ mǒ.”

Wlɛ̀velesɔ̌n 19:10

È nɔ̀ǒ Ě kɔaǒ kwne jemǒ bo Ě mǐa ɔɔ wɛ̀ sà, kɛɛ kě ɔ dǎlaǎ je ɔ je, “Bɔ̌ ɛ nunuɛ! Ě moo Nyesoaa nyebajlo wòje keǒ mò klee bìì Tentǎn Jǔu wǎn aa ka nee je ü tmɛɛ̌ nee Jùsuu tè nyopò tùu. Sà Nyesoaa wɛ̀, nè sɛ̀ ně wɛ̀. Dɛ kɔn tè wnɔsà winʼà i sàa lee wan nɛ̀ moo keǒ bo Jùsuu tè bi mǒ nyopò tmɔɔ̌ no.”

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

Wlɛ̀velesɔ̌n 8:3

È najiǒpòi tɔ̀ɔ diaě ɔ̌ nynanaǒ chɔ̀no tògbee kǒngmàǒ wakǎ mǒ bo, klò jagbee neaě ɔ kwete mǒ ɛ̈ u pee sonsnǒ noǎa fòfoa wan ï bɔ̈ siɛnaa, i klee Nyesoaa nyopòo bàtea miiaǒ tàa do keǒ klò chɔ̀no tògbeǒ ii kǒngmà kɛn ɛ̈ neaǒo klɔ̀ba gbèsɛɛ jemǒ.

Wlɛ̀velesɔ̌n 9:13

Tà najiǒpòo m̀mɔdo nonɔ bea ɔɔ nokpa, è Ě wɔ̌na win ï sonwɛa lěe ngmèe hɛ̀nʼǒ mɔ̀ mǒ ï neaǒo klò chɔ̀no tògbeǒ dlǒ keǒ Nyesoa jemǒ,