Wlɛ̀velesɔ̌n 6:2 - Nyesoaa Kuo Win Jajle

² Tà Ě chèaǒo bo, Ě jěa sòko plǔ. Nyuǒ nɛɛa nɔɔ kɛn pno neaě ɔ kwete mǒ ǔ nyea ɔ klɔ̀ba flɛ̌ ɔ̌ nɛɛa sòkoǒ kɛn ɔ̌ mia ɔ̌ duia toe, bɔ̌ du ɛɛ bě, ɔ̀ du ɛɛ bě.

Wlɛ̀velesɔ̌n 6:2 ပူးပေါင်းရင်းမြစ်များ

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

1 Kwnɛtiɛ̌ 15:25

Tentǎn Jǔ kɔn Bɔ kɔn win kwa ɛ mǐ ɛ kpa kpa Nyesoa miǎ Ɔɔ jlae nyo wùɛ nu u miǎě Ɔ bobo be.

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 11:18

Dakwɛ̌ wùɛ nù pea jlo, kɛɛ klě tǐà wlòmo Nè jlo neà ne plě ɛ nu tǐ keǒ Bò tù blilǐ keǒ kokǒ nyo mɔ̀ klee Bò sà Nè na wien po nyebajle klee nynejlu klee wnɔsàɔpo klee Nè nyopò tùu snǒ, jà nyefòe klee nyeflabutupò ü nyeǒ Mòo tùtuɛ. Ɛ nu tǐ de keǒ Bò sùe nyopòà gbè ü nymiaa kmɔ̌à jǐ le!”

Wlɛ̀velesɔ̌n 14:14

Tà Ě keaǒo le tɛn, è Ě jěa nukpǎ ɛ̈ plɛ̌aa. È Nyuǒ neaǒo nukpǎǒ kɛn bo Ɔ wǒa Jbɛjuu Jǔ. Klɔ̀baa klò flɛ̌ nɛ̀ Ɔ tùa dlǒ, wonwɛ̌n kou bɛɛ̌ faka neaě Ɔ kwete mǒ.

Wlɛ̀velesɔ̌n 15:2

È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 19:14

Tabɔ̀ǒ neěe jɔkɛn nù nɛa Ɔ de keǒ sòkwe plǐ kɛn. U pea měne wlawlě plǐà wɛ̀aa mnǒ le.

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’

Wlɛ̀velesɔ̌n 9:7

Tànynakpaǐǒ i wǒ je sòkwe ï wɛ̀ɛ mɔ̀ keǒ to kɛn mumuɛ mɔ̀. Ɛ kɔn noǎ tìi neǒ ii dlǒ, i wǒ klò fleǎ plě ii jigbè wǒ tùonyopoo jigbè.