Wlɛ̀velesɔ̌n 6:16 - Nyesoaa Kuo Win Jajle

¹⁶ Ǔ tmɛɛ̌a togbei klee seɛ̌ fòeǒ, kě u dɛ̌a i je u je, “A wlɛ ä kɛn, a wɛɛ̌ ä Nyuǒ jǐ mǒ Ɔ̈ neǒo klɔ̀ba gbèsɛɛǒ kɛn bo klee Blajǔu jloǒ Ɔ pee.

Wlɛ̀velesɔ̌n 6:16 ပူးပေါင်းရင်းမြစ်များ

Matiɔ̌n 26:64

È Jùsu tùa ɔ kɛ̀ɛn Ɔ je, “Ii teěn nìǒ bòɔ. Tèe jleě nìà Ě tmɛɛ̌ amo, klě kmɔ̌ɔ nya a miǎ Jbɛjuu Jǔà jěba Ɔ mǐǎ lě kpě kɛne Nyesoaa dilǎ son mɔ̀ bo nene klě Ɔ miǎě mǒ sɔɔnma Ɔ miǎě di klě nukpě kɛn wòje keǒ Nyesoaa win dɛ̌ɛ.” (Ps 110.1, Dan 7.13)

Mǎkè 3:5

Ɔ bea jlo měne Ɔ̌ tanaě u mɔ̀le, è uu wɔle nia Ɔlo ke keǒ uu wlè jakě u blěaa mɔ̀. Tèǒ nì kɔn tè kě Ɔ dǎla jbɛjuǒ je Ɔ je, “Pnɛ̌ nè sonʼǒ mǒ.” Ii tè ɔ̌ pnɛ̌a ɔɔ sonʼǒ mǒ, tǐi doo tǐ jleě è nɛ̀ǒ bɔ̌a dɛ.

Lǔkù 23:30

Klě ɛmo tǐǒ wlòmo nyopò miǎ togbei fòe tmɔɔ̌ma keǒ bi wlɛ̀ǎ u kɛn, è u miǎ togbei klɔkwlě tmɔɔ̌ma keǒ bi wɛǎ lu wòje keǒ Nyesoaa win dɛ̌ɛ. (Hos 10.8)

Wlɛ̀velesɔ̌n 10:6

È ɔ poa ɔɔ chɛ̀ win kɛn le keǒ Nyesoa mɔ̀ Ɔ̈ nee kmɔ̌ ke ɛ mii jleě mǒ bo tonma, Ɔ̈ nuu jɔ klee noǎ wùɛ neě ɛɛ wlòmo plě Ɔ̈ nuu blǒ klee noǎ wùɛ ï neɔɔ ɛɛ mɔ̀ plě Ɔ̈ nuu jbǒ klee noǎ wùɛ neě ɛɛ mɔ̀, kě ɔ dǎla ɔ je, “Tǐi de le kpokpa tɛ̀ɛ see kɛ̀ǒ nema mu!

Wlɛ̀velesɔ̌n 19:15

Wonwɛ̌n pan nɛ̀ sɔnaě Ɔ wan mǒ ɛ̈ Ɔ miaa numa Ɔ mǐaa dakwɛ̌ wan du. Ɔ mi u win kwa kɔnma klě kpě kɛne tǔn wlòmo. Ɔ mi nmɔɔ tòuǒ duba ɛ̈ moo Nyesoaa kpě kɛne jlo.

Wlɛ̀velesɔ̌n 20:11

È Ě jěa klɔ̀ba gbèsɛɛ plǔ fòɛ Nyu tɔ̀ɔ neaǒ ɛ kɛn bo. Blǒ klee jɔ fǎna keǒ Ɔ jemǒ, nyu ně jěa li de.

Wlɛ̀velesɔ̌n 4:2

Tǐi doo tǐ jleě è Nyesoaa Sùsu bea leě ja, Ě jěa klɔ̀ba gbèsɛɛ ɛ̈ nea lěe jɔkɛn, Nyu tɔ̀ɔ neaǒ ɛ kɛn bo.

Wlɛ̀velesɔ̌n 4:5

Tɛ̀nʼɛ ngmnengmnɛ̌ klee ɛɛ klukwlɛ klě win fòe mǒ klee ɛɛ de pnapnǎ nì sonwɛaě klɔ̀ba gbèsɛɛǒ mɔ̀ mǒ. Keǒ gbèsɛɛǒ nya keǒ wnewne nǎpea tii nyiɛta nynanaǒ bo ï nynanaǒo Nyesoaa Sìsii nyiɛta pènmo bo.

Wlɛ̀velesɔ̌n 4:9

Tǐ wùɛ mɔ̀ soaǒ bǐ ke kmɔ̌ sie Nyuǒ neǒo klɔ̀ba gbèsɛɛǒ kɛn bo tè jǐ boaboǎ nye klee bo tùtuɛ klee bǐ ke Ɔ tàto pe,

Wlɛ̀velesɔ̌n 5:1

È Ě jěa chněedɛ̌à u plǎlaa nɛ̀ neaě Nyuǒ neaǒo klɔ̀ba gbèsɛɛǒ kɛn bo Ɔɔ dilǎ son mǒ ɛ̈ kɔn wakěe sɔ̌n wùɛ u chlěaa kɛn le plě ü poaa sluu kpɛɛ nyiɛta je.

Wlɛ̀velesɔ̌n 6:10

nù jɛɛ̌aě win ü pnɛ̌a dɛ jleě le ü dɛ̌a bò ɛ̈ moo, “Kpě kɛne Koɔn, Mòà nee ngmà je plě Ɔ̈ mǎ lěe sèn bo, è ke ɛ miǐ jè kɛ jleě mǒ bo tonma plě mìěe di mìǐ kmɔ̌ ne tùonyopoo blilǐ tù mìǐ äa kpa sà.”

Wlɛ̀velesɔ̌n 9:6

Klě sòbaii m̀mǒ wlòmo uu nyu mi kokoɛ̌ le pɔ̀nma, kɛɛ ɔ se ɛ jěba mu, uu nyu mi kokoɛ̌ sòaba, kɛɛ u slě wɔ̀ bu kǒ.