Wlɛ̀velesɔ̌n 6:12 - Nyesoaa Kuo Win Jajle

¹² Tà Ě keaǒo le tɛn kaǒ, Ě jěa Blajǔǒ Ɔ̌ sàlaǒ sluu kpɛɛ m̀mɔdo nenɛǒ, è blǒo sèkea ɛ̈ neaa kpě kɛn nɛ̀ kpala tùɔn, è wɛn chlea le ɛ̌ pala kwijlě mǒ, ɛ wǒa je daloà u dbae lee wli jlee pìnpni, è sòbae wùɛ ɛ wǒa nymɔ,

Wlɛ̀velesɔ̌n 6:12 ပူးပေါင်းရင်းမြစ်များ

Matiɔ̌n 11:21

È kě Ɔ dɛ̌a Ɔ je, “Chlǒ keǒ nyopòà mɔ̀ ü neěe Kowlasèn diě wlòmo, chlǒ keǒ nyopòà mɔ̀ ü neěe Bɛsedà diě wlòmo. Mɛ kɔɔ̌n tèǒ joo nɛ̀ moo bɛ̌ nu wlòlekaen noǎà ïà Ě nuɔ amoo slè Boǒ nuu ni klě kpni kukwǐ nyoǒ slè ü neěe deěǒ moo Taè klee Saedɛ̀n wlòmo, u miia uu wlè bo bitǐba u miǐa blɛ̌ wlawlě měne po u miǐa pòpo dlǒ le po seela keǒ bɛ teea lɛ ɛ̈ moo uu wlè bitǐa bo.

Matiɔ̌n 24:29

Jùsu kpɛɛa win nya Ɔ je, “Bò tǐ jakě bǐ chlɛ̀ǎa bò dlǒ, wɛn miǎ kwijlě mǒ paba, è sòbae seǎ fonfɔn jiba mu, jɔtnè miǎě jɔ měne bloba, è noǎǒ kɔnʼɔ kpě klě jɔ mǒ i miǎ tùɔn měne wǒba.

Matiɔ̌n 24:7

Dakwɛ̌ miǎ mɔ̀ wònwɔɔma, deplě miǎ mɔ̀ wònwɔɔ no. È dodopà miǎ kmɔ̌ mɔ̀ beba klee blǒ bɛ sèke bɛ beě bo ɛ miǎ ɛ numa klě tà wùɛ.

Matiɔ̌n 27:45

È keà nyu kɛpǒo jǐ, klě wɛnʼɛ blǒ mǒ wulee tǐ wlòmo, è blǒ wùɛ ɛ̀ bea kɛn kwijlě kpǎ fòɛ ɛ̌ kpala ɛ kpa ɛ̌ nua àwɛɛ tan nenɛ klě wanpno wlòmo.

Matiɔ̌n 27:54

È tà Wlǔmɔ nyoo tabɔ̀ klee uu jǐgbàdiɔ ü tùiaa Jùsu jǐ mɔ̀ u jěaa blǒo de sèkea klee noǎ wùɛ ï kpalaa tùɔn, è kètekee bea u bo wan, kě u dɛ̌a u je, “I moo kàan tè Nyuà Ɔ moo Nyesoaa Jǔ!”

Matiɔ̌n 28:2

Klě jǐ kapǒ ka wlòmo, è blǒ nɛ̀ǒ sèkea u bobo klě kpě kɛne tǔn wlòmo. Mɛ kɔɔ̌n tèǒ joo nɛ̀ moo Nyesoaa najiǒpòi nɔ̀ sɔnaě jɔkɛn mǒ ɔ̈ dia lě ɔ̈ gblìseea seɔ̌ǒ měne ɔ̈ sàlaǒ ɛ sɛklɛ bǐtìeǒ wien ɔ̌ nea ɛ kɛn bo.

Mǎkè 15:33

È klě wɛnʼɛ blǒ mǒ wulee tǐ wlòmo ùu blǒ wùɛǒ ɛ̈ bea kɛn kwijlě ɛ̌ kpala ɛ kpa ɛ̌ nua àwɛɛ tan nenɛ klě wanpno wlòmo.

Wlɛ̀velesɔ̌n 11:13

Klě tǐi doǒ wlòmo, è kpě kɛne blǒ sèkea bea bo, è dě fòɛǒ ɛɛ wakǎ peǎn gbe nɛ̀ wlɛ̀a blǒ mǒ, è nyopòo taslěwɛɛ nyiɛta nù kǒa. Nyopòǒ siaa kmɔ̌, dɛǒ ɛ jaěa uu fě dlǐ, è nùǒ nyea Nyesoa tè jǐ boaboǎ Ɔ̈ kɔnʼɔ jɔkɛn win kwa.

Wlɛ̀velesɔ̌n 16:18

È tɛ̀n bea bo klee ɛɛ klukwlɛ plě Ě wɔ̌na de wlewlɛ̌ klee blǒo sèkea ɛ̈ neaa kpě kɛn. Sɔɔnʼě tǐǒ nyopò bea lɔɔ kmɔ̌ɔ mɔ̀ jleě mǒ, ɛɛ blǒo sèkea sěɛlǎ tùɔn kpɛ.

Wlɛ̀velesɔ̌n 16:8

È najiǒpòo hɛ̀n nonɔǒ ɔ̀ wlǎla ɔɔ fuo bo keǒ wɛn kɛn, wɛnʼǒ nɛ̀ nua na ɛ̈ siɛna nyopò.

Wlɛ̀velesɔ̌n 8:12

Tà hɛ̀n nonɔ najiǒpòiǒ ɔ bea ɔɔ nokpa, è wɛnʼɛ wakǎ peǎn fòɛ klee sòbaee wakǎ peǎn fòɛ klee jɔtnè fòfoa nì tbaea dɛ, ii tè ii peěnʼǒ i bɔ̌a fonfɔn. Nɛ̀ nua nɛ chnɛ̀ jlǒ waě sea pepě kɔn klě àwɛɛ hɛ̀n wlòmo klee tǒn jlǒ waě sea pepě kɔn klě àwɛɛ hɛ̀n wlòmo.

Wlɛ̀velesɔ̌n 8:5

Dɛ tɛ̀ɛ ɔ nuaa nɛ̀ moo ɔ dǔa jagbeeǒ mǒ ɔ̌ jiěa ɛ nàkne jele ï sɔnaěe kǒngmà kɛn mǒ, nì ɔ tuǔnʼa nɔ kmɔ̌ɔ mɔ̀, è tɛ̀n pnǎna ne ɛ̌ kwlia ɛ̌ ngmněa plě blǒ sèkea.