Wlɛ̀velesɔ̌n 6:11 - Nyesoaa Kuo Win Jajle

¹¹ È u nyea uu wùɛǒ wlawlě plǐ pɛ̀ti ǔ tmɔɔ̌a nu bu foa klě tǐ gbei wlòmo ɛ mǐa ɛ kpa kpa uu bǐì Tentǎn Jǔu wǎnʼǒ miaa dbaěba keǒ uu ka nee je, uu tìɛn taeǒ ɛ mǐaě je wɛ̀.

Wlɛ̀velesɔ̌n 6:11 ပူးပေါင်းရင်းမြစ်များ

Matiɔ̌n 10:21

Klě tǐǒ wlòmo mamǔ miǎě ɔɔ mamǔ bo demǒ sàba u miǎ ɔ dbǎ, è gbeǐpò miǎě uu jlǔ be deměne sàba u miǎ u dbǎ. È jlǔ miǎě uu naǎpò klee gbeǐpòo tè le sàeba u miǎ u mnùngma poo lo

Lǔkù 15:22

Kɛɛ kě ɔɔ gbeǐ dɛ̌a ɔɔ nyebajleǒ je ɔ je, ‘A nu jǐ měne, a pɔ̀n jǐlenmɔ wlawlǒ le, a po ɛ ɔ mǒ. A po ɔ bɔjoɛ̌ɛ chìi mǒ, a mǐ ɔ nyɔkòɛbě be měne po.

Jɔ̀ɔ̌n 16:2

U mi a Jùwɛ nyoo Nyesoa keǐ bo ble le sàba. Ɛ kɔn tǐ miěe dibaa chɛ̀ nyu wùɛ ɔ̈ mi amoo dbǎba ɔ mǐ ɛɛ jě ɛ̈ moo Nyesoaa konkwa nɛ̀ǒ ɔ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:24

Kɛɛ ke ɛ mii jleě mǒ bo tonma, bɛ̌ nu boǒ wɔ̀le je boǒ wɔ̀ ně konkwa mɔ̀ ɛ̈ Koɔn Nyesoa nye mǒo keǒ bo po Ɔɔ kàan tuposàà ɛ̈ kwɛɛǒo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ jleě mǒ bo keǒ tùonyopo wùɛ mɔ̀, mǒà Ě se ně chɛ̀ɛ fònfno dɛ mǒ jě.

2 Tɛseloniǎ 1:7

Bɛ̌ nu bo Koɔn Jùsu Bɔ̌ wǒǎ tàmo Bɔ̌ sɔnǎě jɔkɛn mǒ, Ɔ klee Ɔɔ kpě kɛne najiǒpò, Nyesoa miǎě a klee ämo sònwɛ jejeɛ̌ǒ slè sàba.

2 Timɛtě 4:7

Ě wɔ̀n kàan wònwɔn keǒ boǒ gbɛ̀tɛɛ tuposàà le ɛ̈ kwɛɛǒo Tentǎn Jǔ jleě mǒ bo wòje keà kàan plùplu nyu ɔ̈ muu blala mǒ. Ě chlà ně konkwa dlǒ lo. Ě blěǒ ně tè wlò popoɛ mɔ̀ kwa klě Tentǎn Jǔ mǒ.

Hiblǔ 11:40

Mɛ kɔɔ̌n tèǒ joo nɛ̀ moo Ɔ po ble dɛ ɛ̈ mii tɛɛ numa keǒ ä mɔ̀. Dɛ Ɔ kɔn lěe wlò jleě nɛ̀ moo u klee ämoo sɔ̌n ämo Ɔ kɔn Bɔ popoo mɔ̀, Ɔ miě ä mɔ̀le snǎ kpǎkpǎ tàa do ɛ̈ se uu do.

Hiblǔ 12:23

A diɔ Nyesoaa Nyǐsajuà Ɔɔ wǎn slè ü kɔn nyneǎ chleě lee klě jɔkɛn. A diɔ Nyesoa mɔ̀ Ɔ̈ monoo Tè Tùɔ̌ keǒ tùonyopo wùɛ mɔ̀. A diɔ jebo siǐn nyoo sìsi mɔ̀ ü Nyesoa snǎ lěe mɔ̀le kpǎkpǎ.

Hiblǔ 4:10

Nyu wùɛ ɔ̈ miěe Nyesoaa fɛla tùɔnʼǒ kɛn muma, ɔ mi fɛba keǒ ɔɔ konkwa wùɛ mɔ̀ ɛ̈ ɔ dǔaa nunuɛ mǒ wòje dɛɛ doǒ Nyesoa nuaa tà Ɔ wɔ̀laa kmɔ̌à nunuɛ mɔ̀ Ɔ̌ fɛaa le.

Wlɛ̀velesɔ̌n 10:6

È ɔ poa ɔɔ chɛ̀ win kɛn le keǒ Nyesoa mɔ̀ Ɔ̈ nee kmɔ̌ ke ɛ mii jleě mǒ bo tonma, Ɔ̈ nuu jɔ klee noǎ wùɛ neě ɛɛ wlòmo plě Ɔ̈ nuu blǒ klee noǎ wùɛ ï neɔɔ ɛɛ mɔ̀ plě Ɔ̈ nuu jbǒ klee noǎ wùɛ neě ɛɛ mɔ̀, kě ɔ dǎla ɔ je, “Tǐi de le kpokpa tɛ̀ɛ see kɛ̀ǒ nema mu!

Wlɛ̀velesɔ̌n 13:15

È u sɔnaǒ sɔ̌n nonɔ nmiǒ mɔ̀ mǒ ɔ̌ poa klekle nmiǒ ɔɔ sùsu tuǒ fònfno mǒ. Dɛǒ nɛ̀ nu ɛ ɛ̌ wɔ̀le ɛ keǒ bɛ boɔ wien klee ɛ mǐ nyu wùɛ dbǎ ɔ̈ se ɛɛ wɛ̀ sàba mu.

Wlɛ̀velesɔ̌n 14:13

È Ě wɔ̌na win ï sɔnaěe jɔkɛn mǒ ï boɛaě mǒo mɔ̀, kě i dɛ̌a i je, “Chlě dɛà, sɔɔnʼà tǐà jleě mǒ nyopòà kɔnʼɔ tè wlò popoɛ klě Koɔn mǒ ü kǒo, u kɔn ngmna. Kòo Nyesoaa Sùsu tmɛɛ̌ ämo ɛ̈ moo, u mi fɛba keǒ uu konkwa mɔ̀ ɛ̈ u dǔaa nunuɛ mǒ. Mɛ̌oǒ joo nɛ̀ moo kàan dɛǒ sɔnʼě uu konkwaǒ wlòmo ɛ mi u de nama keǒ Nyesoa jemǒ.”

Wlɛ̀velesɔ̌n 17:6

Ě jěa nynɔǒ Nyesoaa nyopòo nymɔɔ nmɔ nia nɔ klee nyopòà tmɛɛ̌ nee nyopò tùu Jùsuu tè uu nymɔ ke. Tà Ě keaǒo gblà nynɔǒ mɔ̀ bo chè, ì kàeaǎ le wan chɔɔ.

Wlɛ̀velesɔ̌n 7:14

Ě tùa ɔ kɛ̀ɛn Ě je, “Kunkunyɔò, Ě se ɛ ji.” È ɔ tmɔɔ̌a mǒ ɔ je, “Nyopòà sɔn lěe tǐ jakě fòeà slè mǒ nùǒò ü jla uu wlawlě klě Blajǔu nymɔ slè i mǐi plɛ̌.

Wlɛ̀velesɔ̌n 7:9

Tà dɛǒ ɛ sìnʼaa, Ě keaǒ le tɛn Ě jěa diblɛ̌ fòfoa ü sea lěe slèslɛ wɔ̀, nù sonwɛa dakwɛ̌ wùɛ mɔ̀ měne klee blě wùɛ kɛn le klee nyopò wùɛ slè le plě nyopò wùɛà pee dɔ̌ɔdɔ̌ win nù nynanaǒ Blajǔǒ Ɔɔ klɔ̀ba gbèsɛɛ jemǒ bo, u pea wlawlě plǐ pɛ̀ti ǔ blěa snɛwɛi kwa le.