Wlɛ̀velesɔ̌n 6:10 - Nyesoaa Kuo Win Jajle

¹⁰ nù jɛɛ̌aě win ü pnɛ̌a dɛ jleě le ü dɛ̌a bò ɛ̈ moo, “Kpě kɛne Koɔn, Mòà nee ngmà je plě Ɔ̈ mǎ lěe sèn bo, è ke ɛ miǐ jè kɛ jleě mǒ bo tonma plě mìěe di mìǐ kmɔ̌ ne tùonyopoo blilǐ tù mìǐ äa kpa sà.”

Wlɛ̀velesɔ̌n 6:10 ပူးပေါင်းရင်းမြစ်များ

Lǔkù 2:29

“Ně Koɔn, sɔnʼǒ Nè nyebajlo mɔ̀ mǒ bɔ po son bo klě ně bo wnawna mǒ wòje ke nùaě ɛɛ pooa.

Lǔkù 21:22

Mɛ̌oǒ joo nɛ̀ moo dɛǒ nɛ̀ mooǎ chnɛ̀ jlǒ waě keǒ Nyesoa Bɔ maěǒ Jùwɛ nyoo plɔ tu kɛn bo. È klě ɛ wlòmo dɛǒ Nyesoaa win je ɛ̈ miǎ tùɔn kpaba ɛ miǎǒ jaěba.

Wlǔmɔ 12:19

Ně nenawa, aǎ sɛ̀ kpa, nɛ Nyesoaa jlo bɛ nu ɛ keǒ a mɔ̀ ɛ̈ kɔn Koɔn win dɛ̌ bòo ɛ̈ moo, “Ně doà Mǒ blě kpě keǒ Bɔ̈ sà kpa. Nyopòǒ ɛ blɛɛ lee je nù kɔn plɔ Ě miǒ tu kɛn bo maěma.” (Deut 32.35)

Hiblǔ 12:24

A diɔ Jùsu mɔ̀ Ɔ̈ neǒo Nyesoaa kuo win jajle klee tùonyopo pǎnpe. A diɔ Jùsuu nymɔà gblɛ̀ɛ le mɔ̀ ɛ̈ boɛɛ tɛɛ win ɛ̈ sìnʼǒo Ebòo nymɔ mǒ.

2 Pitɛ̌ 2:1

Klě tǐǒ sìnʼaa wlòmo ɛ kɔna sen le tmɔ̌ wnɔsàɔpo ü nea lěe nyopò slè wòje ke ɛ mii numa ke sen le tmɔ̌ tee nyo miě amoo slè ne. U mi je wɛ̌ba u miě gbè sùe win ja klě a slè. U mi Koɔn mɔ̀ chnɛ̀maa chɛ̀ Ɔ̈ gblà luu klě uu kpni kukwǐ slè, dɛǒ nɛ̀ mi ɛ numa Nyesoa mǐ u gbè sùe kekǎ kekǎ.

Wlɛ̀velesɔ̌n 11:18

Dakwɛ̌ wùɛ nù pea jlo, kɛɛ klě tǐà wlòmo Nè jlo neà ne plě ɛ nu tǐ keǒ Bò tù blilǐ keǒ kokǒ nyo mɔ̀ klee Bò sà Nè na wien po nyebajle klee nynejlu klee wnɔsàɔpo klee Nè nyopò tùu snǒ, jà nyefòe klee nyeflabutupò ü nyeǒ Mòo tùtuɛ. Ɛ nu tǐ de keǒ Bò sùe nyopòà gbè ü nymiaa kmɔ̌à jǐ le!”

Wlɛ̀velesɔ̌n 18:20

Nyopòǒ neěe jɔkɛn bu nu chǒn le keǒ Babòlɔnʼɔ wɔ̀ɔn bebeɛ mɔ̀. Nyesoaa jebo siǐn nyo klee tuposà kpa nyo klee wnɔsàɔpo a nu chǒn le! Nyesoa maěǒ ɛɛ plɔ tu kɛn bo keǒ dɛ ɛ nu amoo mǒ mɔ̀!’ ”

Wlɛ̀velesɔ̌n 18:24

Nyesoaa nyopò klee Ɔɔ wnɔsàɔpoo nymɔ klě ɛ neě Babòlɔn wlòmo. Nyopò wùɛà u dbǎa chɛ̀ kělɔ blǒɔ mɔ̀ uu nymɔ neě ɛ wlòmo.”

Wlɛ̀velesɔ̌n 19:2

Dɛ ɛ nuu nɛ̀ moo Ɔɔ tùonyopo tè jɛɛa nu kàan plě ɛ̌ slɛɛ̌ mǒ. Gblà nynɔà ɔ̈ nuu nyopòà neɔɔ kmɔ̌ɔ mɔ̀ ǔ blěe kmɔ̌ sòan Ɔ bɛ̌ ɔ kɛn kokǒ wun, Ɔ sàa ɔ mǒ kpa keǒ Ɔɔ nyebajle klee nynejluu nymɔɔ tè mɔ̀.”

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.

Wlɛ̀velesɔ̌n 3:7

È kě Jùsu dɛ̌aǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Feledɛfìa kɛn, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà Ɔ̈ nee Ngmà Je klee Ɔ̈ moo Wlò Kpae Nyu Ɔ̈ blěe klɔ̀ba Dèběsee gbàadɛ̌. Dɛà Ɔ knaa je nyu slě wɔ̀ bɔ kan ɛ je, è dɛà ɔ kanʼa je nyu slě wɔ̀ bɔ kna ɛ je.