Wlɛ̀velesɔ̌n 5:9 - Nyesoaa Kuo Win Jajle

⁹ U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.

Wlɛ̀velesɔ̌n 5:9 ပူးပေါင်းရင်းမြစ်များ

Matiɔ̌n 20:28

Dɛɛ doǒ nɛ̀ ɛ mono, Mǒ Jbɛjuu Jǔà Ě slě di nyopò mi Ně konkwa nu, kɛɛ Ě diě keǒ Bo mǐ nyopòo konkwa nu plě Ě mǐ kǒ, dɛǒ nɛ̀ mi tùonyopo fòfoa gblàba klě uu kpni kukwǐi plɔɔ tu kɛn bo maěa slè.”

Matiɔ̌n 26:28

Mɛ kɔɔ̌n tèǒ joo nɛ̀ moo ɛmoà nɛ̀ moo Ně nymɔ ɛ̈ gblɛ̀ le keǒ nyopò fòfoaa dɛ kukǔu tè wlò le pooa mɔ̀, dɛǒ nɛ̀ poo kuo win jajle kòo kɛn ï neǒo a klee Nyesoa pǎnpe.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:28

A tù aa chɛ̀ jǐ mɔ̀ a mǐ aa bǐì Tentǎn Jǔu wǎn jǐ mɔ̀ tù ü Ngmà Ne Je Sùsu poě amoo kwete mǒ ba tùu jǐ mɔ̀. Ba moo jǐ mɔ̀ tù nyo keǒ Tentǎn Jǔu wǎn mɔ̀ ü Nyesoa nu Ɔɔ chɛ̀ɛ nyopò mǒ keǒ Ɔɔ Jǔu kokoɛ̌ kɛn.

1 Kwnɛtiɛ̌ 6:20

Mɛ kɔɔ̌n tèǒ joo nɛ̀ moo Nyesoa tɔ̀n a jleě Chɔ̀no Ɛ̈ moo Tentǎn Jǔ, nɛ̀ kɔn tè ba nu aa fǒǒ bɛ nye Nyesoa tè jǐ boaboǎ.

1 Kwnɛtiɛ̌ 7:23

Dɛ fòɛ nɛ̀ Nyesoa tɔ̀n a je, ii tè aǎ ni kèdɛ̌ keǒ nyopò tùu mɔ̀.

Ifisiɛ̌n 1:7

Bɛ̌ nu bä kɔn tè wlò popoɛ klě Tentǎn Jǔ mǒ, è ä wan mǒ dbǐ klě plɔɔ tu kɛn bo maěa bobo plě Nyesoa poo äa kpni kukwǐi tè wlò le keǒ Tentǎn Jǔ Bɔ koǒǒ äa tà. Dɛǒ nɛ̀ moo Nyesoaa wlòlekaen wlòo jlajlǎ dɛ ɛ̈ɛ̌ sà Lɔɔ wlò kǔ mǒ

Ifisiɛ̌n 5:19

Bɛ̌ nu bǎ neǒ tàa do, a ble wleǎ ï neěe bleble chněedɛ̌ǒ monoo Sàǎm wlòmo klee a ble wleǎ tìi ke keǒ Nyesoa mɔ̀. A ble a mǐ chǒn le nu keǒ Koɔn mɔ̀.

Klasɔ̌n 1:14

Klě Ɔɔ Jǔu kokoɛ̌ wlòmo äa kpni kukwǐi tè poo le wlò, dɛǒ nɛ̀ nu ɛ ä wan dbǐ mǒ klě plɔɔ tu kɛn bo maěǒ blɛɛ ämoo je bobo.

Klasɔ̌n 1:23

Ke ɛ toon jleě mǒ bo ǎ nynaa bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ klee ǎ se aa wlò je kuuan bo tɛba mu ɛ̈ kɔn tè a wɔ̌naa klě Nyesoaa kàan tuposà mǒ. Ɛmo tuposàa doà ɛ̈ dǔaa pooa mǒ klě nyopò wùɛ mɔ̀ ü neɔɔ kmɔ̌ɔ mɔ̀ nɛ̀ mǒ Pɔ̀ɔ̌ Ě pe ke.

Taetɔ̌ 2:14

Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.

Hiblǔ 11:14

Nyopò taeǒ dɛ̌ bòo ɛ tee ɛ ɛ̈ moo u pɛ̀n le blǒ keǒ uu chɛ̀ mɔ̀.

2 Pitɛ̌ 2:1

Klě tǐǒ sìnʼaa wlòmo ɛ kɔna sen le tmɔ̌ wnɔsàɔpo ü nea lěe nyopò slè wòje ke ɛ mii numa ke sen le tmɔ̌ tee nyo miě amoo slè ne. U mi je wɛ̌ba u miě gbè sùe win ja klě a slè. U mi Koɔn mɔ̀ chnɛ̀maa chɛ̀ Ɔ̈ gblà luu klě uu kpni kukwǐ slè, dɛǒ nɛ̀ mi ɛ numa Nyesoa mǐ u gbè sùe kekǎ kekǎ.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.

1 Jɔ̀ɔ̌n 2:2

Jùsuu chɛ̀ Nɔ̀ sàe äa kpni kukwǐi tùgba, ɛ̈ see äa kpni kukwǐi do, kɛɛ keǒ nyopò wùɛɛ kpni kukwǐ mɔ̀ ü neɔɔ kmɔ̌ɔ mɔ̀ ke.

Wlɛ̀velesɔ̌n 10:11

È u tmɔɔ̌aǎ ne, kě u dɛ̌a u je, “Kɔ̀n bò sà Nyesoaa win wan de klě nyopò fòfoa jleě mǒ klee dakwɛ̌ klee nyopòà pee dɔ̌ɔdɔ̌ win plě klě klɔ̀bapoo mɔ̀.”

Wlɛ̀velesɔ̌n 11:9

Klě chnɛ̀ jlǒ wěe tan ne bɔ̀tie le wlòmo nyopò miě nyopò slè mǒ sɔnma u mǐ blě kɛn měne sɔn u miě dɔ̌ɔdɔ̌ nyoà pee dɔ̌ɔdɔ̌ win slè měne sɔn plě u mǐ dakwɛ̌ mɔ̀ měne sɔn u mǐ uu fěǒ jěba mu. U jlɛ̌ bu po u pà mǒ, ii tè uǔ wɔɔn ɛ kɛn keǒ bu kpa u bo tùba.

Wlɛ̀velesɔ̌n 13:7

Ɔ sàeaǒ wun mɔ̀ bɔ kpala Nyesoaa nyopò to mɔ̀ bɔ dua lu. Kpě nyeea nɔ keǒ dakwɛ̌ wùɛ mɔ̀ klee nyopò wùɛ klee nyopòà pee dɔ̌ɔdɔ̌ win plě klee blě wùɛ.

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 14:6

È Ě jěa najiǒpòi tɔ̀ɔ ɔ̌ wɛnʼa klě jɔtùwle mǒ. Nyesoaa tuposà nɛ̀ ɔ kpɛa ɛ̈ kwɛɛǒo kmɔ̌ sie fònfnoo tè jleě mǒ bo keǒ bɔ tmɔɔ̌a i nyopò ü nea nɔɔ blǒɔ mɔ̀ klě dakwɛ̌ wùɛ mɔ̀ klee nyopò wùɛ peaa dɔ̌ɔdɔ̌ win klee tùonyopo wùɛ.

Wlɛ̀velesɔ̌n 15:3

U blea Nyesoaa nyebajlo Mɔ̀sěe wlɛ̌ plě klee Blajǔu wlɛ̌, kě uu bleble win dɛ̌a i je, “Kpě kɛne Koɔn Nyesoa, dɛà nìi ɛ kun nu plě ɛ̌ moo wan bo kàe dɛ! Dakɔ̌ wùɛɛ Klɔ̀ba, Nè kmɔ̌ slɛɛ̌ mǒ no plě ɛ̌ nu kàan.

Wlɛ̀velesɔ̌n 17:15

È kě najiǒpòiǒ ɔ dɛ̌aǎ je ɔ je, “Neǎ sakaǐǒ jèe ïǒ gblà nynɔǒ ɔ neaǒo kɛn bo i nynaǒ pènmo bo tùonyopo wùɛ, jà diblɛ̌ fòfoa klee blě klee nyopòà pee winʼi doědoe.

Wlɛ̀velesɔ̌n 4:11

“Äa Koɔn Ɔ̈ moo äa Nyesoa! Mò nu noǎ wùɛ plě Nè kɛn wɔɔan nɛ̀ nua nɛ ii wùɛ ǐ ne kmɔ̌, ii tè Mò blɛɛ ɛ je keǒ Bɔ kɔn tè jǐ boaboǎ klee tùtuɛ klee kpě!”

Wlɛ̀velesɔ̌n 5:12

ǔ jɛɛ̌aě win ǔ blea, kě uu bleble win dɛ̌a ɛ̈ moo, “Blajǔà u dbǎlaa Nɔ̀ blɛɛ ɛ je bu nye kpěǒ klee pònpanʼa doědoe, tɔ̀n plě kpě klee tùtuɛ klee tè jǐ boaboǎ plě de bìsea!”

Wlɛ̀velesɔ̌n 5:6

È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,