Wlɛ̀velesɔ̌n 5:6 - Nyesoaa Kuo Win Jajle

⁶ È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,

Wlɛ̀velesɔ̌n 5:6 ပူးပေါင်းရင်းမြစ်များ

Lǔkù 1:69

Klě Ɔɔ nyebajlo klɔ̀ba Dèběsee tùgba slè klě Ɔ dǔě kbě kɛne Wowa Nyu jemǒ keǒ ä mɔ̀

Jɔ̀ɔ̌n 1:29

Tà chnɛ̀ tɛ̀ɛ gbàlaa le, Jɔ̀ɔ̌n jěa Jùsu Ɔ̌ diaě ɔ mɔ̀, è kě ɔ dɛ̌a ɔ je, “A chèǒ bo, Nyesoaa Blajǔ Ɔ wɔ̀ɔ mɔ̀le keǒ chɔ̀no mɔ̀ keǒ kmɔ̌ɔ nyopòo kpni kukwǐi tè mɔ̀ Nɔ̀à.

Jɔ̀ɔ̌n 1:36

è Jùsu sìinʼaǒ u gbàa. Tà Jɔ̀ɔ̌n jěaa Jùsu, è kě ɔ dɛ̌a ɔ je, “A jè Blajǔ Nyesoa nyee nee keǒ chɔ̀no piepiɛ mɔ̀ Nɔ̀à.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:32

È tè ɔ slèaa klě chněedɛ̌ǒ wlòmo nìà i je, “U miǎ Ɔ dbǎba kpaba keà u nu wiěn blablɛ̌ǒ, kɛɛ Ɔ miǎ kpee numa wòje keà blajǔ bɛ̌ nu nyu wùɛ bɔ̌ ke ɔɔ pìnpni chlě, dɛɛ doǒ nɛ̀ Ɔ miǎ numa Ɔ seǎ Ɔɔ wun je knama mu.

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 14:1

È tà Ě keaǒo le tɛn, Ě jěa Blajǔǒ Ɔ̌ nynana bo keǒ Sàna togbee dlǒ. Nyopòǒ neaǒ Ɔɔ gbàa u nua taslěwɛɛ wlèe nyiɛta tùo hɛ̀n (144,000), u blěa Ɔɔ nynɛ̌ plě u blěa Ɔɔ Gbeǐi nynɛ̌ ɛ̈ chleěaa keǒ uu jigbàa gblee wnana mǒ.

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 21:22

Kpě kɛne Koɔn Nyesoa klee Blajǔ Nù mooa Nyesoaa kǎ fòɛ klě diěǒ wlòmo, ii tè Ě sea kǎ fòɛ tɛ̀ɛ jě klě ɛ wlòmo.

Wlɛ̀velesɔ̌n 21:23

Dě fòɛǒ ɛ sea wɛn klee sòbae sòa keǒ bi fɔna klě ɛ wlòmo. Nyesoaa tè jǐ boaboǎ nɛ̀ fɛna klě ɛ wlòmo plě Blajǔ Nɔ̀ mooa Nǎpe keǒ ɛ mɔ̀.

Wlɛ̀velesɔ̌n 22:1

È najiǒpòiǒ ɔ teeaǎ ně sakaě ɛ̈ nyee nyopò kmɔ̌ sie fònfno. Ɛ snǎnaě mɔ̀le keà jělae ɛ̌ sonwɛaě Nyesoa klee Blajǔu klɔ̀ba gbèsɛɛ mɔ̀ mǒ

Wlɛ̀velesɔ̌n 22:3

Dɛà Nyesoa cheaě lěe le ɛ slě diěǒ wlòmo ne. Nyesoa klee Blajǔu klɔ̀ba gbèsɛɛ mi tùɔn kɔnma klě ɛ wlòmo, Nyesoaa nyebajle klee nynejlu mǐ Ɔɔ wɛ̀ sà.

Wlɛ̀velesɔ̌n 4:8

Imo kmɔ̌ ne soaa hɛ̀nʼǒ ii do do nea kɛn le kpakpeaa m̀mɔdo, jǐ wɔ̀la ii fě wùɛ dlǒ, jǐ neaě ii kpakpea boboo chɛ̀. Tǒn klee chnɛ̀ iǐ poa kpee keǒ bleblɛ mɔ̀, kě ii bleble win dɛ̌, “Kpě kɛne Koɔn Nyesoa ne je ngmà, Ɔ ne je ngmà, Ɔ ne je ngmà! Nɔ̀ ɛ tùa klee ɛ tù plě Ɔ̈ miě diba.”

Wlɛ̀velesɔ̌n 5:11

Tà Ě keaǒo le tɛn, Ě wɔ̌na najiǒpò fòfoaa win ü tbɛɛaa klɔ̀ba gbèsɛɛǒ dǐ klee soaǒ plě klee kunkunyoǒ, uu wùɛ u nua taslěwɛ klee mǐniɔwɛ

Wlɛ̀velesɔ̌n 5:12

ǔ jɛɛ̌aě win ǔ blea, kě uu bleble win dɛ̌a ɛ̈ moo, “Blajǔà u dbǎlaa Nɔ̀ blɛɛ ɛ je bu nye kpěǒ klee pònpanʼa doědoe, tɔ̀n plě kpě klee tùtuɛ klee tè jǐ boaboǎ plě de bìsea!”

Wlɛ̀velesɔ̌n 5:13

Ě wɔ̌na noǎ wùɛ ï neaa kmɔ̌ ii win klě jɔkɛn klee kělɔ blǒ mɔ̀ klee klě blǒ bobo plě noǎǒ neěe jbǒ mɔ̀ ǐ blea, kě i dɛ̌ i je, “Keǒ Nyuǒ neǒo klɔ̀baa gbèsɛɛǒ kɛn bo mɔ̀ plě keǒ Blajǔǒ mɔ̀, nɛ bo de bìsea klee bo tùtuɛ klee tè jǐ boaboǎ plě klee kpě bi kɔnʼǒ Ɔ mɔ̀ ke ɛ mii jleě mǒ bo tonma!”

Wlɛ̀velesɔ̌n 5:14

È soaa hɛ̀nʼǒ kě i dǎla i je, “Kě bɛ ne!” È kunkunyoo wlò tùo hɛ̀nʼǒ u kɔla kwne bo ǔ sàla Blajǔu wɛ̀ klee Nyuǒ neaǒo gbèsɛɛǒ kɛn bo.

Wlɛ̀velesɔ̌n 6:16

Ǔ tmɛɛ̌a togbei klee seɛ̌ fòeǒ, kě u dɛ̌a i je u je, “A wlɛ ä kɛn, a wɛɛ̌ ä Nyuǒ jǐ mǒ Ɔ̈ neǒo klɔ̀ba gbèsɛɛǒ kɛn bo klee Blajǔu jloǒ Ɔ pee.