Wlɛ̀velesɔ̌n 5:5 - Nyesoaa Kuo Win Jajle

⁵ È kě kunkunyɔɔ do tɔ̀ɔ dǎlaǎ je ɔ je, “Ma wien, bɔ̌ fìnfiɛn, tanà le, ɛ kɔn Sà Fòɛ Ɔ̈ sɔn lěe dakɔ̌ǒ moo Jùdǎ slè mǒ, Ɔ sɔnʼě klɔ̀ba Dèběsee jlǔ slè mǒ, Nɔ̀ du ɛmo toǒ Ɔ̈ wɔ̀le je Bɔ̈ sàǒ sluu kpɛɛ nyiɛtaǒ chněedɛ̌ǒ je Bɔ̈ kna ɛ je.”

Wlɛ̀velesɔ̌n 5:5 ပူးပေါင်းရင်းမြစ်များ

Lǔkù 23:28

È Jùsu bitǐa bo, kě Ɔ dɛ̌a nynoǒ je Ɔ je, “Jlǔsnɛ nyno ane, a bɔ̌ Ně tè fìnfiɛn, bǎ ke fìn è ba fìn aa chɛ̀ klee aa jlǔu tè.

Lǔkù 7:13

Tà Koɔn jěaa nynɔǒ, ɔ̀ɔ wɔle beaě Ɔ mǒ no, kě Ɔ dɛ̌a ɔ je Ɔ je, “Bɔ̌ fìnfiɛn.”

Lǔkù 8:52

Nyopò wùɛ u fìnʼa ne ǔ nia nynejuǒ ɔɔ wɔle le. È kě Jùsu dɛ̌a Ɔ je, “A bɔ̌ fìnfiɛn, nynejuà ɔ se kǒ, ɔ mɛ ne sosǒ.”

Jɔ̀ɔ̌n 20:13

U gbàla Mɛwlě wan u je, “Nynɔ, mɛ kɔɔ̌n tè fìǐn kɛ?” È ɔ tùa u kɛ̀ɛn ɔ je, “U kpa ně Koɔn no, u sà Lɔɔ tàà le, tà u kpaǒ Ɔɔ Ě seǒ ji.”

Wlǔmɔ 1:3

Nyesoaa tuposà kwɛɛǒ Ɔɔ Jǔ jleě mǒ bo Ɔ̈ bea lěe tùonyuu tǔn wlòmo Ɔ̈ diia lěe klɔ̀ba Dèběsee tùgba slè.

Wlǔmɔ 15:12

Nyesoaa wnɔsàɔ Aesaeǎ boɔla ɛle ke seela tǐ jleě ɛ̈ moo, “Ɛ kɔn Nyu miǎ lěe jbɛjuǒ moo Jɛ̀sěe ɔɔ jlǔu jlǔ slè diiba Ɔ̈à Nyesoa miǎ kpě nyema Ɔ̈ miǎ kmɔ̌ ne nyopò win kwa kɔnma, è kuodakwɛ̌ miǎ wlò je kunkuɛn kɔnma keǒ Ɔɔ tè mɔ̀.” (Is 11.10)

Hiblǔ 7:14

Mɛ̌oǒ joo nɛ̀ moo ä jbo ɛ le ɛ̈ moo äa Koɔn sɔnʼě mǒ dakɔ̌ǒ monoo Jùdǎ nyo slè, è tǐǒ jleě Mɔ̀sě boɛɛa bodiɔpòo tè kɛn, ɔ seaǒ dakɔ̌ǒ uu nynɛ̌ po.

Wlɛ̀velesɔ̌n 1:1

Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.

Wlɛ̀velesɔ̌n 22:16

Mǒ Jùsu Mǒà dbo Ně najiǒpòi bɔ tmɔɔ̌ amo noǎ wùɛà ii tè keǒ Tentǎn Jǔu wǎnʼa kàan dɛ mɔ̀. Mǒ moo Klɔ̀ba Dèběsee jlǔu Jǔ Ɔ̈ u dɛ lee Dɛɛ Mǎ klee Kènta Jɔtnàe Ɛ̈ fɛnʼɛ.”

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’

Wlɛ̀velesɔ̌n 4:10

è kunkunyoo wlò tùo hɛ̀nʼǒ ù kɔ bo kwne keǒ Ɔ jemǒ ǔ sɛ̀ Ɔɔ wɛ̀ Ɔ̈ nee kmɔ̌ ke ɛ mii jleě mǒ bo tonma. U tunwiǐǒ uu klɔ̀ba fleǎǒ keǒ gbèsɛɛǒ jemǒ ǔ dɛ̌ bò ɛ̈ moo,

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 5:4

Tà ɛ tùu nyu wùɛ sea tà ne ɔ̈ blɛɛa lɛɛ je keǒ bɔ̈ knanaa chněedɛ̌ǒ je ɔ̈ mǐa lɛɛ slè, è mǒǒ fìnʼa wɔle fìɛn chɔɔ.

Wlɛ̀velesɔ̌n 6:1

Ě keaǒ Blajǔǒ mɔ̀le tɛn Ɔ̌ sàlaǒ sluu kpɛɛ nyiɛtaǒ i dɛɛ do. È Ě wɔ̌na kmɔ̌ ne soaa hɛ̀nʼǒ ii win ni, i wǒa win mǒ keà tɛ̀n pnɛ̌aa ǐ dɛ̌a bò ɛ̈ moo, “Diě!”

Wlɛ̀velesɔ̌n 7:13

È kunkunyoǒ u nyuu do gbàlaǎ wan ɔ je, “À nyopò taeǒ peě kɛ wlawlě plǐǒ plě tà u sɔɔ̌n kɛ mǒ?”