Wlɛ̀velesɔ̌n 5:12 - Nyesoaa Kuo Win Jajle

¹² ǔ jɛɛ̌aě win ǔ blea, kě uu bleble win dɛ̌a ɛ̈ moo, “Blajǔà u dbǎlaa Nɔ̀ blɛɛ ɛ je bu nye kpěǒ klee pònpanʼa doědoe, tɔ̀n plě kpě klee tùtuɛ klee tè jǐ boaboǎ plě de bìsea!”

Wlɛ̀velesɔ̌n 5:12 ပူးပေါင်းရင်းမြစ်များ

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

Jɔ̀ɔ̌n 1:29

Tà chnɛ̀ tɛ̀ɛ gbàlaa le, Jɔ̀ɔ̌n jěa Jùsu Ɔ̌ diaě ɔ mɔ̀, è kě ɔ dɛ̌a ɔ je, “A chèǒ bo, Nyesoaa Blajǔ Ɔ wɔ̀ɔ mɔ̀le keǒ chɔ̀no mɔ̀ keǒ kmɔ̌ɔ nyopòo kpni kukwǐi tè mɔ̀ Nɔ̀à.

Jɔ̀ɔ̌n 17:2

Keǒ nùu È nye Ɔ kpě keǒ tùonyopo wùɛ dlǒ mǒ, kě Bɔ nu Bɔ nye nyopò wùɛ kmɔ̌ sie fònfno ü nyè Ɔɔ.

2 Kwnɛtiɛ̌ 8:9

Bi beě a wlòmo ke Koɔn Jùsu Tentǎn Jǔ nu Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ konkɔn keǒ a mɔ̀, kàan tè Ɔ pàna ne, kɛɛ sònwɛ ni Ɔ keǒ aa tè mɔ̀ ɛ̈ di ɛɛ numa a mǐ pònpan Sùsu kɔn.

1 Timɛtě 1:17

Nɛ Kmɔ̌ Sie Klɔ̀baà Ɔ̈ see kokoɛ̌ kɔn klee Ɔ̈ nyu ně jěe plě Ɔ̈ monoo Nyesoaa do sosǒ Bɔ kɔnʼǒ tùtuɛ klee de bìsea ke ɛ mii jleě bo tonma, kě bɛ ne.

Wlɛ̀velesɔ̌n 1:6

Ɔ nu ä mǒ klɔ̀bapoo klee bodiɔpò ä mǐ Ɔɔ Nyesoa Ɔ̈ moo Ɔɔ Gbeǐ Ɔɔ konkwa nu. Nɛ bo Tentǎn Jǔ Bɔ kɔn tè jǐ boaboǎ klee kpě ke ɛ mii jleě mǒ bo tonma, kě bɛ ne!

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 15:3

U blea Nyesoaa nyebajlo Mɔ̀sěe wlɛ̌ plě klee Blajǔu wlɛ̌, kě uu bleble win dɛ̌a i je, “Kpě kɛne Koɔn Nyesoa, dɛà nìi ɛ kun nu plě ɛ̌ moo wan bo kàe dɛ! Dakɔ̌ wùɛɛ Klɔ̀ba, Nè kmɔ̌ slɛɛ̌ mǒ no plě ɛ̌ nu kàan.

Wlɛ̀velesɔ̌n 19:1

Tà dɛǒ ɛ sìnʼaa, Ě wɔ̌na dɛ klě jɔkɛn ɛ̈ wǒaa win mǒ nyopò fòfoaa klukwlɛ, kě u dɛ̌a u je, “Hehejoo! Äa Nyesoa kɔn wowa dɛ klee tè jǐ boaboǎ plě kpě.

Wlɛ̀velesɔ̌n 4:11

“Äa Koɔn Ɔ̈ moo äa Nyesoa! Mò nu noǎ wùɛ plě Nè kɛn wɔɔan nɛ̀ nua nɛ ii wùɛ ǐ ne kmɔ̌, ii tè Mò blɛɛ ɛ je keǒ Bɔ kɔn tè jǐ boaboǎ klee tùtuɛ klee kpě!”

Wlɛ̀velesɔ̌n 5:13

Ě wɔ̌na noǎ wùɛ ï neaa kmɔ̌ ii win klě jɔkɛn klee kělɔ blǒ mɔ̀ klee klě blǒ bobo plě noǎǒ neěe jbǒ mɔ̀ ǐ blea, kě i dɛ̌ i je, “Keǒ Nyuǒ neǒo klɔ̀baa gbèsɛɛǒ kɛn bo mɔ̀ plě keǒ Blajǔǒ mɔ̀, nɛ bo de bìsea klee bo tùtuɛ klee tè jǐ boaboǎ plě klee kpě bi kɔnʼǒ Ɔ mɔ̀ ke ɛ mii jleě mǒ bo tonma!”

Wlɛ̀velesɔ̌n 5:6

È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,

Wlɛ̀velesɔ̌n 5:8

Tà Ɔ dǔa ɛ mǒo, è kmɔ̌ ne soaa hɛ̀n klee kunkunyoo wlò tùo hɛ̀nʼǒ è nìǒ kɔ kwne bo keǒ Blajǔǒ jemǒ. Uu wùɛ u blěa kwa le kanǐkàe plě klò fui neaě u kwete mǒ ï sonsnǒ noǎa jǐaa je ï nynaǒo pènmo bo Nyesoa nyoo bàtea keǒ Nyesoa mɔ̀.

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.

Wlɛ̀velesɔ̌n 6:1

Ě keaǒ Blajǔǒ mɔ̀le tɛn Ɔ̌ sàlaǒ sluu kpɛɛ nyiɛtaǒ i dɛɛ do. È Ě wɔ̌na kmɔ̌ ne soaa hɛ̀nʼǒ ii win ni, i wǒa win mǒ keà tɛ̀n pnɛ̌aa ǐ dɛ̌a bò ɛ̈ moo, “Diě!”

Wlɛ̀velesɔ̌n 7:12

kě u dɛ̌a u je, “Kě bɛ ne. Tǐ wùɛ mɔ̀ nɛ bo äa Nyesoa Bɔ kɔn de bìsea klee tè jǐ boaboǎ klee tɔ̀n klee tàto pepeɛ klee bo tùtuɛ klee kpě plě kbě le popoɛ, kě bɛ ne!”