Wlɛ̀velesɔ̌n 4:8 - Nyesoaa Kuo Win Jajle

⁸ Imo kmɔ̌ ne soaa hɛ̀nʼǒ ii do do nea kɛn le kpakpeaa m̀mɔdo, jǐ wɔ̀la ii fě wùɛ dlǒ, jǐ neaě ii kpakpea boboo chɛ̀. Tǒn klee chnɛ̀ iǐ poa kpee keǒ bleblɛ mɔ̀, kě ii bleble win dɛ̌, “Kpě kɛne Koɔn Nyesoa ne je ngmà, Ɔ ne je ngmà, Ɔ ne je ngmà! Nɔ̀ ɛ tùa klee ɛ tù plě Ɔ̈ miě diba.”

Wlɛ̀velesɔ̌n 4:8 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:31

Tèǒ nì kɔn tè a gbɛ̀ɛ aa chɛ̀ plě bi beě a wlò jleě Ě fìn aa fìɛn chnɛ̀ jlǒ waě wùɛ mɔ̀ plě Ě tee aa wùɛ klě jlěe tan wlòmo, Ě sea seasea kɔn.

2 Kwnɛtiɛ̌ 6:18

plě Ě mǐ aa gbeǐ tù plě a mǐ Ně jbɛjujlu klee nynejujlu tù.” (2 Sam 7.8,14) Dɛǒ nɛ̀ kpě kɛne Koɔn boɔ.

1 Tɛseloniǎ 2:9

Ně bǐì Tentǎn Jǔu wǎn ane, sɛjesɛ bi beě a wlòmo ke ä nua lěe kbě popoɛ ä nuaa konkwa nunuɛ. Tǐǒ jleě ä peaa Nyesoaa kàan tuposàǒ ɛ̈ kwɛɛǒo Jùsu jleě mǒ bo klě a mɔ̀, tǒn klee chnɛ̀ ä nia konkwa keǒ ä mǐa äa chɛ̀ mǒ sɛ̀ ɛ̈ di ɛɛ numa äǎ dia a dɛ wùɛ sòa.

1 Timɛtě 4:16

Tùě jǐ bo keǒ dɛǒ mìi numa mɔ̀ plě klee dɛǒ mìi teeba. Dɛǒ nɛ̀ bò nu tǐ wùɛ mɔ̀ ɛ̈ di ɛɛ numa mì nè chɛ̀ gblà klee nyopòǒ mi mòo nɔkǔ jebo poba.

2 Timɛtě 4:2

bò boɔ Nyesoaa win. Baǎje nyopò bǔ sòɛ bu wɔ̌n ni plě bǔ se sòa bu wɔ̌n ni, tǐ wùɛ mɔ̀ wɛ̀ mɔ̀le keǒ ii boɔboɔ mɔ̀. Nu ni mìǒ sen noǎa snǔ mɔ̀le sà klee mì kenkan noǎ měne slɛɛ̌ le plě mì u kbě ja le po u miě Nyesoa tùtuɛ kɔn, kɛɛ ɛɛ wùɛǒ kɔn wlòo dbadbǎ mì u tee le.

Hiblǔ 13:8

Ke kɔn doà Jùsu Tentǎn Jǔ ne kekɛɛ, kě Ɔ netě plě kě Ɔ mi nema ke ɛ mii jleě mǒ bo tonma.

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 1:8

Kpě kɛne Koɔn Nyesoa Ɔ̈ ɛ tùaa klee ɛ tùu plě Ɔ̈ miěe diba, kě Ɔ dɛ̌ Ɔ je, “Mǒà Mǒ moo Ɛɛ Wlò Tùla Mǒ klee Ɛɛ Dlǒ Chlɛ̀ɛa.”

Wlɛ̀velesɔ̌n 11:17

kě u dɛ̌a u je, “Kpě kɛne Koɔn Nyesoa Ɔ̈ ɛ tùu plě ɛ tùaa, ä peè tàto keǒ Bò di Nè kpě fòe nu bi di kmɔ̌ wùɛà win kwa kɔn.

Wlɛ̀velesɔ̌n 14:11

Naǒ Ɔ mii numa Ɔ mǐ uu dɛ wan le pae le ɛɛ nǎno mi jɔ mǒ muma ke ɛ mii jleě mǒ bo tonma. Tǒn klee chnɛ̀ nyopòǒ ü sɛ̀ɛ nmiǒ ɔɔ wɛ̀ klee ɔɔ sùsu tu plě nyu wùɛ ɔ̈ blě ɔɔ nynɛ̌ɛ mǎkpee, u slě kɛn le sèsa kɔnma mu.”

Wlɛ̀velesɔ̌n 14:3

Wlɛ̌ jajlo nɛ̀ u blea keǒ klɔ̀ba gbèsɛɛ klee soaa hɛ̀nʼǒ jemǒ klee keǒ kunkunyoǒ jemǒ. Nyu wùɛ nɔ̀ seaě ɛ wɔ̀ bɔ̈ chěnʼa ɛmo wlɛ̌ǒ, ɛ̀ sìnʼǒ nyopòo taslěwɛɛ wlèe nyiɛta tùo hɛ̀nʼǒ ü kɔnaa wowa dɛ ü sɔna nɔɔ blǒ mɔ̀ mǒ.

Wlɛ̀velesɔ̌n 15:3

U blea Nyesoaa nyebajlo Mɔ̀sěe wlɛ̌ plě klee Blajǔu wlɛ̌, kě uu bleble win dɛ̌a i je, “Kpě kɛne Koɔn Nyesoa, dɛà nìi ɛ kun nu plě ɛ̌ moo wan bo kàe dɛ! Dakɔ̌ wùɛɛ Klɔ̀ba, Nè kmɔ̌ slɛɛ̌ mǒ no plě ɛ̌ nu kàan.

Wlɛ̀velesɔ̌n 15:7

È soa fòee hɛ̀nʼǒ i dɛɛ do nyea najiǒpòǒ fuii nyiɛta ï jǐaa kmɔ̌ ne Nyesoaa jlo je Ɔ̈ nee kmɔ̌ ke ɛ mii jleě mǒ bo tonma.

Wlɛ̀velesɔ̌n 16:14

I moo kǔ sìsi ï niaa wlòlekaen noǎ, nì nɛa blě kɛn le ï gbèa klɔ̀bapoo le keǒ to mɔ̀ ɛ̈ miaa tùɔn kpaba klě kpě kɛne Nyesoaa chnɛ̀ jlǒ waě fòɛǒ Ɔ mǐa lěe jaba mɔ̀.

Wlɛ̀velesɔ̌n 16:7

È Ě wɔ̌na chɔ̀no tògbee kǒngmàa win, kě ɛ dɛ̌a ɛ je, “Kòo, kpě kɛne Koɔn Nyesoa, Nè wlòo ble po dɛ nu kàan plě ɛ̌ slɛɛ̌ mǒ.”

Wlɛ̀velesɔ̌n 19:15

Wonwɛ̌n pan nɛ̀ sɔnaě Ɔ wan mǒ ɛ̈ Ɔ miaa numa Ɔ mǐaa dakwɛ̌ wan du. Ɔ mi u win kwa kɔnma klě kpě kɛne tǔn wlòmo. Ɔ mi nmɔɔ tòuǒ duba ɛ̈ moo Nyesoaa kpě kɛne jlo.

Wlɛ̀velesɔ̌n 19:4

È kunkunyoo wlò tùo hɛ̀nʼǒ klee soaa hɛ̀nʼǒ u kɔa jebo ǔ sàla Nyesoaa wɛ̀ Ɔ̈ neaǒo klɔ̀ba gbèsɛɛ kɛn bo, è kě u dɛ̌a u je, “Hehejoo, kě bɛ ne!”

Wlɛ̀velesɔ̌n 21:22

Kpě kɛne Koɔn Nyesoa klee Blajǔ Nù mooa Nyesoaa kǎ fòɛ klě diěǒ wlòmo, ii tè Ě sea kǎ fòɛ tɛ̀ɛ jě klě ɛ wlòmo.

Wlɛ̀velesɔ̌n 3:7

È kě Jùsu dɛ̌aǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Feledɛfìa kɛn, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà Ɔ̈ nee Ngmà Je klee Ɔ̈ moo Wlò Kpae Nyu Ɔ̈ blěe klɔ̀ba Dèběsee gbàadɛ̌. Dɛà Ɔ knaa je nyu slě wɔ̀ bɔ kan ɛ je, è dɛà ɔ kanʼa je nyu slě wɔ̀ bɔ kna ɛ je.

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 4:6

Dɛ tɛ̀ɛ neaǒ klɔ̀ba gbèsɛɛǒ jemǒ ke, ɛ wǒa jělae jbǒ ɛ̈ wneaa jleě nymɛɛ nee mǒ. Soa fòee hɛ̀n ï neaa kmɔ̌ nì tbɛɛa klɔ̀ba gbèsɛɛǒ dǐ klě ɛɛ wakě wùɛ mɔ̀, jǐ mǎna i fǒ mǒ ble kělɔ ii nya klee klě i demǒ.

Wlɛ̀velesɔ̌n 4:9

Tǐ wùɛ mɔ̀ soaǒ bǐ ke kmɔ̌ sie Nyuǒ neǒo klɔ̀ba gbèsɛɛǒ kɛn bo tè jǐ boaboǎ nye klee bo tùtuɛ klee bǐ ke Ɔ tàto pe,

Wlɛ̀velesɔ̌n 5:6

È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,

Wlɛ̀velesɔ̌n 6:1

Ě keaǒ Blajǔǒ mɔ̀le tɛn Ɔ̌ sàlaǒ sluu kpɛɛ nyiɛtaǒ i dɛɛ do. È Ě wɔ̌na kmɔ̌ ne soaa hɛ̀nʼǒ ii win ni, i wǒa win mǒ keà tɛ̀n pnɛ̌aa ǐ dɛ̌a bò ɛ̈ moo, “Diě!”

Wlɛ̀velesɔ̌n 6:6

È Ě wɔ̌na dɛ tɛ̀ɛ ɛ̈ wǒaa win ï slè mǒ ï dɛ̌a bòo ɛ̈ moo, “Plo kouu sǎnma wěe sɔ̌n bi jě chnɛ̀ jlǒ waěe doo snǒ sàe dɛ, è plo kǔbɔ̀loo sǎnma wěe m̀mɔdo bi jě chnɛ̀ jlǒ waěe doo snǒ sàe dɛ, kɛɛ nè sɛ̀ dɛǒ chnɔ̌ǒ ɛ klee nmɔǒ i pee de.”

Wlɛ̀velesɔ̌n 7:11

È najiǒpò wùɛ ü tbɛɛaa klɔ̀ba gbèsɛɛǒ dǐ klee kunkunyoǒ plě kmɔ̌ ne soaa hɛ̀nʼǒ, è nùǒ kɔla jigbè wlò le keǒ gbèsɛɛǒ jemǒ ǔ sàla Nyesoaa wɛ̀,

Wlɛ̀velesɔ̌n 7:15

Dɛǒ nɛ̀ nu ɛ klě tǐà wlòmo ǔ nynaǒ Nyesoaa klɔ̀ba gbèsɛɛ jemǒ bo tǒn klee chnɛ̀ ǔ sɛ̀ Ɔɔ wɛ̀ klě Ɔɔ kǎ fòɛ bo. È Nyuǒ neǒo klɔ̀ba gbèsɛɛǒ kɛn bo Nɔ̀ mi u naema.