Wlɛ̀velesɔ̌n 4:6 - Nyesoaa Kuo Win Jajle

⁶ Dɛ tɛ̀ɛ neaǒ klɔ̀ba gbèsɛɛǒ jemǒ ke, ɛ wǒa jělae jbǒ ɛ̈ wneaa jleě nymɛɛ nee mǒ. Soa fòee hɛ̀n ï neaa kmɔ̌ nì tbɛɛa klɔ̀ba gbèsɛɛǒ dǐ klě ɛɛ wakě wùɛ mɔ̀, jǐ mǎna i fǒ mǒ ble kělɔ ii nya klee klě i demǒ.

Wlɛ̀velesɔ̌n 4:6 ပူးပေါင်းရင်းမြစ်များ

Wlɛ̀velesɔ̌n 14:3

Wlɛ̌ jajlo nɛ̀ u blea keǒ klɔ̀ba gbèsɛɛ klee soaa hɛ̀nʼǒ jemǒ klee keǒ kunkunyoǒ jemǒ. Nyu wùɛ nɔ̀ seaě ɛ wɔ̀ bɔ̈ chěnʼa ɛmo wlɛ̌ǒ, ɛ̀ sìnʼǒ nyopòo taslěwɛɛ wlèe nyiɛta tùo hɛ̀nʼǒ ü kɔnaa wowa dɛ ü sɔna nɔɔ blǒ mɔ̀ mǒ.

Wlɛ̀velesɔ̌n 15:2

È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 15:7

È soa fòee hɛ̀nʼǒ i dɛɛ do nyea najiǒpòǒ fuii nyiɛta ï jǐaa kmɔ̌ ne Nyesoaa jlo je Ɔ̈ nee kmɔ̌ ke ɛ mii jleě mǒ bo tonma.

Wlɛ̀velesɔ̌n 19:4

È kunkunyoo wlò tùo hɛ̀nʼǒ klee soaa hɛ̀nʼǒ u kɔa jebo ǔ sàla Nyesoaa wɛ̀ Ɔ̈ neaǒo klɔ̀ba gbèsɛɛ kɛn bo, è kě u dɛ̌a u je, “Hehejoo, kě bɛ ne!”

Wlɛ̀velesɔ̌n 21:11

Nyesoaa tè jǐ boaboǎ neaě ɛ wlòmo, ii tè pepě wnea klě ɛ wlòmo wòje jǐlenmɔ kpnekpně noǎa ï jleě nymɛɛ nee mǒ wòje daemɔ̀.

Wlɛ̀velesɔ̌n 21:18

Ɛɛ ngmìǒ u nuua i seɔ̌ u dɛɛ jɛsèpa, è diě wùɛǒ nɛ̀ u nuua klò sosǒ ɛ̈ snǎnaěe mɔ̀le wòje keà jělae.

Wlɛ̀velesɔ̌n 21:21

Wlɔ̀ dɔwinʼi pù tùo sɔ̌nʼǒ u nuua i nèmnejɔ, u nuua wlɔ̀ dɔwun wùɛ nèmnejoɛɛ do. Ɛmo dě fòɛǒ ɛɛ snǔ fòɛǒ u nuua ɛ klò sosǒ, jleě nymɛɛ ɛ mǒ keà jělae.

Wlɛ̀velesɔ̌n 22:1

È najiǒpòiǒ ɔ teeaǎ ně sakaě ɛ̈ nyee nyopò kmɔ̌ sie fònfno. Ɛ snǎnaě mɔ̀le keà jělae ɛ̌ sonwɛaě Nyesoa klee Blajǔu klɔ̀ba gbèsɛɛ mɔ̀ mǒ

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 5:11

Tà Ě keaǒo le tɛn, Ě wɔ̌na najiǒpò fòfoaa win ü tbɛɛaa klɔ̀ba gbèsɛɛǒ dǐ klee soaǒ plě klee kunkunyoǒ, uu wùɛ u nua taslěwɛ klee mǐniɔwɛ

Wlɛ̀velesɔ̌n 5:14

È soaa hɛ̀nʼǒ kě i dǎla i je, “Kě bɛ ne!” È kunkunyoo wlò tùo hɛ̀nʼǒ u kɔla kwne bo ǔ sàla Blajǔu wɛ̀ klee Nyuǒ neaǒo gbèsɛɛǒ kɛn bo.

Wlɛ̀velesɔ̌n 5:6

È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,

Wlɛ̀velesɔ̌n 5:8

Tà Ɔ dǔa ɛ mǒo, è kmɔ̌ ne soaa hɛ̀n klee kunkunyoo wlò tùo hɛ̀nʼǒ è nìǒ kɔ kwne bo keǒ Blajǔǒ jemǒ. Uu wùɛ u blěa kwa le kanǐkàe plě klò fui neaě u kwete mǒ ï sonsnǒ noǎa jǐaa je ï nynaǒo pènmo bo Nyesoa nyoo bàtea keǒ Nyesoa mɔ̀.

Wlɛ̀velesɔ̌n 6:1

Ě keaǒ Blajǔǒ mɔ̀le tɛn Ɔ̌ sàlaǒ sluu kpɛɛ nyiɛtaǒ i dɛɛ do. È Ě wɔ̌na kmɔ̌ ne soaa hɛ̀nʼǒ ii win ni, i wǒa win mǒ keà tɛ̀n pnɛ̌aa ǐ dɛ̌a bò ɛ̈ moo, “Diě!”

Wlɛ̀velesɔ̌n 6:6

È Ě wɔ̌na dɛ tɛ̀ɛ ɛ̈ wǒaa win ï slè mǒ ï dɛ̌a bòo ɛ̈ moo, “Plo kouu sǎnma wěe sɔ̌n bi jě chnɛ̀ jlǒ waěe doo snǒ sàe dɛ, è plo kǔbɔ̀loo sǎnma wěe m̀mɔdo bi jě chnɛ̀ jlǒ waěe doo snǒ sàe dɛ, kɛɛ nè sɛ̀ dɛǒ chnɔ̌ǒ ɛ klee nmɔǒ i pee de.”

Wlɛ̀velesɔ̌n 7:11

È najiǒpò wùɛ ü tbɛɛaa klɔ̀ba gbèsɛɛǒ dǐ klee kunkunyoǒ plě kmɔ̌ ne soaa hɛ̀nʼǒ, è nùǒ kɔla jigbè wlò le keǒ gbèsɛɛǒ jemǒ ǔ sàla Nyesoaa wɛ̀,

Wlɛ̀velesɔ̌n 7:17

Mɛ̌oǒ joo nɛ̀ moo Blajǔǒ Ɔ̈ neǒo klɔ̀ba gbèsɛɛǒ ɛɛ slè bo Nɔ̀ mi uu Jǐ Mɔ̀ Tùɔ̌ mooma. Ɔ miě u něe chlolǎe mɔ̀ kpaba ɛ̈ nyee nyopò kmɔ̌ sie fònfno, Nyesoa miǎ u me wùɛǒ jǐ wɔ̀ɔn le snǎ.”