Wlɛ̀velesɔ̌n 4:4 - Nyesoaa Kuo Win Jajle

⁴ Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 4:4 ပူးပေါင်းရင်းမြစ်များ

Matiɔ̌n 19:28

È kě Ɔ dɛ̌a u je Ɔ je, “Kàan tèà Ě tmɛɛ̌ amo, bɛ̌ nu Jbɛjuu Jǔà Bɔ̌ neaǒ Ɔɔ tè jǐ boǎ klɔ̀ba gbèsɛɛǒ kɛn bo klě kmɔ̌ jajloǒ miǎ lěe diba wlòmo, amoà nɛ Mǒo mɔ̀ a miǎ klɔ̀ba gbèsɛii pù tùo sɔ̌n kɛn ble nema a mǐǎ Ǐsòwɛ̌ kɔn dakwɛ̌ dlěe pù tùo sɔ̌nʼǒ uu blilǐ tù.

Lǔkù 22:30

a klee Mǒ ä miǎ dɛ di ä miǎǒ tàa do naě ne keǒ dɛ di fuo kɛn klě Ně Gbeǐi deplě slè, a miǎǒ klɔ̀ba gbèsɛi kɛn ble ne, a mǐa Ǐsòwɛ̌ kwɛɛn dakwɛ̌ dlěe pù tùo sɔ̌n win kwa kɔn.”

2 Timɛtě 4:8

Ke kɔn doǒ nyuǒ duii keǒ plùplɛɛ blala mǒ nuu ǔ tùi ɔɔ duduɛ flɛ̌ dlǒ, kě ɛ nu Ě kɔn jebo siǐn snǒ sàe dɛ ɛ̈ fe mǒo ɛ̈ Koɔnʼà tùi nyopò wùɛ mǒ slɛɛ̌ blilǐ mɔ̀ Ɔ mi mǒo nyema keǒ blilǐ tù chnɛ̀ jlǒ waěǒ mɔ̀. Ɛ se ně doà Ɔ se ɛ nyema mu, kɛɛ nyu wùɛ ɔ̈ pɛ̀n Ɔɔ de didiɛ le.

Wlɛ̀velesɔ̌n 11:16

È kunkunyoo wlò tùo hɛ̀nʼǒ ü neaǒ uu klɔ̀ba gbèsɛiǒ kɛn ble keǒ Nyesoa jemǒ nùǒ kɔa uu jigbè ble keǒ Nyesoa jemǒ ǔ sàla Ɔɔ wɛ̀,

Wlɛ̀velesɔ̌n 14:3

Wlɛ̌ jajlo nɛ̀ u blea keǒ klɔ̀ba gbèsɛɛ klee soaa hɛ̀nʼǒ jemǒ klee keǒ kunkunyoǒ jemǒ. Nyu wùɛ nɔ̀ seaě ɛ wɔ̀ bɔ̈ chěnʼa ɛmo wlɛ̌ǒ, ɛ̀ sìnʼǒ nyopòo taslěwɛɛ wlèe nyiɛta tùo hɛ̀nʼǒ ü kɔnaa wowa dɛ ü sɔna nɔɔ blǒ mɔ̀ mǒ.

Wlɛ̀velesɔ̌n 19:14

Tabɔ̀ǒ neěe jɔkɛn nù nɛa Ɔ de keǒ sòkwe plǐ kɛn. U pea měne wlawlě plǐà wɛ̀aa mnǒ le.

Wlɛ̀velesɔ̌n 19:4

È kunkunyoo wlò tùo hɛ̀nʼǒ klee soaa hɛ̀nʼǒ u kɔa jebo ǔ sàla Nyesoaa wɛ̀ Ɔ̈ neaǒo klɔ̀ba gbèsɛɛ kɛn bo, è kě u dɛ̌a u je, “Hehejoo, kě bɛ ne!”

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

Wlɛ̀velesɔ̌n 3:18

Ě pe a mǒ tɔ̀n keǒ ba tɔ̀n kàan kpankpaa klò kělɔɔ̌ mɔ̀ ɛ̈ di ɛɛ numa a mǐ pàn. A tɔ̀n wlawlě plǐ ke a mǐ i měne po, a mǐ aa gblàgblo popoɛɛ tònwe kmɔ̌ǒ kɛn kan klee jǐi chlì a mǐ jǐ mǒ po ɛ̈ di ɛɛ numa a miě ɛ wɔ̀ keǒ ba jě le.

Wlɛ̀velesɔ̌n 4:10

è kunkunyoo wlò tùo hɛ̀nʼǒ ù kɔ bo kwne keǒ Ɔ jemǒ ǔ sɛ̀ Ɔɔ wɛ̀ Ɔ̈ nee kmɔ̌ ke ɛ mii jleě mǒ bo tonma. U tunwiǐǒ uu klɔ̀ba fleǎǒ keǒ gbèsɛɛǒ jemǒ ǔ dɛ̌ bò ɛ̈ moo,

Wlɛ̀velesɔ̌n 4:6

Dɛ tɛ̀ɛ neaǒ klɔ̀ba gbèsɛɛǒ jemǒ ke, ɛ wǒa jělae jbǒ ɛ̈ wneaa jleě nymɛɛ nee mǒ. Soa fòee hɛ̀n ï neaa kmɔ̌ nì tbɛɛa klɔ̀ba gbèsɛɛǒ dǐ klě ɛɛ wakě wùɛ mɔ̀, jǐ mǎna i fǒ mǒ ble kělɔ ii nya klee klě i demǒ.

Wlɛ̀velesɔ̌n 5:11

Tà Ě keaǒo le tɛn, Ě wɔ̌na najiǒpò fòfoaa win ü tbɛɛaa klɔ̀ba gbèsɛɛǒ dǐ klee soaǒ plě klee kunkunyoǒ, uu wùɛ u nua taslěwɛ klee mǐniɔwɛ

Wlɛ̀velesɔ̌n 5:14

È soaa hɛ̀nʼǒ kě i dǎla i je, “Kě bɛ ne!” È kunkunyoo wlò tùo hɛ̀nʼǒ u kɔla kwne bo ǔ sàla Blajǔu wɛ̀ klee Nyuǒ neaǒo gbèsɛɛǒ kɛn bo.

Wlɛ̀velesɔ̌n 5:6

È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,

Wlɛ̀velesɔ̌n 5:8

Tà Ɔ dǔa ɛ mǒo, è kmɔ̌ ne soaa hɛ̀n klee kunkunyoo wlò tùo hɛ̀nʼǒ è nìǒ kɔ kwne bo keǒ Blajǔǒ jemǒ. Uu wùɛ u blěa kwa le kanǐkàe plě klò fui neaě u kwete mǒ ï sonsnǒ noǎa jǐaa je ï nynaǒo pènmo bo Nyesoa nyoo bàtea keǒ Nyesoa mɔ̀.

Wlɛ̀velesɔ̌n 6:11

È u nyea uu wùɛǒ wlawlě plǐ pɛ̀ti ǔ tmɔɔ̌a nu bu foa klě tǐ gbei wlòmo ɛ mǐa ɛ kpa kpa uu bǐì Tentǎn Jǔu wǎnʼǒ miaa dbaěba keǒ uu ka nee je, uu tìɛn taeǒ ɛ mǐaě je wɛ̀.

Wlɛ̀velesɔ̌n 7:11

È najiǒpò wùɛ ü tbɛɛaa klɔ̀ba gbèsɛɛǒ dǐ klee kunkunyoǒ plě kmɔ̌ ne soaa hɛ̀nʼǒ, è nùǒ kɔla jigbè wlò le keǒ gbèsɛɛǒ jemǒ ǔ sàla Nyesoaa wɛ̀,

Wlɛ̀velesɔ̌n 7:9

Tà dɛǒ ɛ sìnʼaa, Ě keaǒ le tɛn Ě jěa diblɛ̌ fòfoa ü sea lěe slèslɛ wɔ̀, nù sonwɛa dakwɛ̌ wùɛ mɔ̀ měne klee blě wùɛ kɛn le klee nyopò wùɛ slè le plě nyopò wùɛà pee dɔ̌ɔdɔ̌ win nù nynanaǒ Blajǔǒ Ɔɔ klɔ̀ba gbèsɛɛ jemǒ bo, u pea wlawlě plǐ pɛ̀ti ǔ blěa snɛwɛi kwa le.

Wlɛ̀velesɔ̌n 9:7

Tànynakpaǐǒ i wǒ je sòkwe ï wɛ̀ɛ mɔ̀ keǒ to kɛn mumuɛ mɔ̀. Ɛ kɔn noǎ tìi neǒ ii dlǒ, i wǒ klò fleǎ plě ii jigbè wǒ tùonyopoo jigbè.