Wlɛ̀velesɔ̌n 4:2 - Nyesoaa Kuo Win Jajle

² Tǐi doo tǐ jleě è Nyesoaa Sùsu bea leě ja, Ě jěa klɔ̀ba gbèsɛɛ ɛ̈ nea lěe jɔkɛn, Nyu tɔ̀ɔ neaǒ ɛ kɛn bo.

Wlɛ̀velesɔ̌n 4:2 ပူးပေါင်းရင်းမြစ်များ

Matiɔ̌n 22:43

È Ɔ gbɛ̀a u wan Ɔ je, “È bɛ̌ nu bǐ moo kàan tè, è mɛ kɔɔ̌n tè Dèběse dɛɛ leěa Ɔ Koɔn tà ɔ nea lěe Ngmà Je Ne Sùsuu kpě bobo ɔ dɛ̌a bòo,

Hiblǔ 8:1

Tè wùɛà ä boɛɛ ii mǎ nɛ̀ moo ä kɔn Bodiɔ wòje Mɛchesèda Ɔ̈ nee bo klě jɔkɛn klě Klɔ̀ba Nyesoaa gbèsɛɛ dilǎ son mɔ̀.

Wlɛ̀velesɔ̌n 1:10

Koɔnʼɔ defɛ chnɛ̀ jlǒ waě tɛ̀ɛ mɔ̀ ɛ̈ moo Sɛ̌ɛ̀de, Nyesoaa Sùsu Nɛ̀ bea lěě ja. È Ě wɔ̌na win ï pnɛ̌aa le klěě demǒ wòje keà nokpa boɛaa,

Wlɛ̀velesɔ̌n 12:5

Tà ɔ kmàeaa, ɔ̀ kɔna Jbɛjuju Ɔ̈ miaa kmɔ̌ wùɛà win kwa kɔnma klě kpě kɛne tǔn wlòmo. Kɛɛ u flǎla Jǔǒ Ɔ̌ kpaea jɔkɛn klě Nyesoa mɔ̀ Ɔ̈ neaǒ Ɔɔ klɔ̀ba gbèsɛɛ kɛn bo.

Wlɛ̀velesɔ̌n 17:3

È Nyesoaa Sùsu bea lěě ja, najiǒpòiǒ ɔ̌ kpala mǒ klě kpatekpǎ blǒ kɛn, klě Ě jěaě nynɔ ɔ̌ neaǒ nmi chǒ kukǔ fòɛ kɛn bo ɔ̈ Nyesoaa fla wan po nyneǎ neaǒo kɛn. Ɔ nea je dlěe nyiɛta klee ngmèe pù.

Wlɛ̀velesɔ̌n 19:4

È kunkunyoo wlò tùo hɛ̀nʼǒ klee soaa hɛ̀nʼǒ u kɔa jebo ǔ sàla Nyesoaa wɛ̀ Ɔ̈ neaǒo klɔ̀ba gbèsɛɛ kɛn bo, è kě u dɛ̌a u je, “Hehejoo, kě bɛ ne!”

Wlɛ̀velesɔ̌n 20:11

È Ě jěa klɔ̀ba gbèsɛɛ plǔ fòɛ Nyu tɔ̀ɔ neaǒ ɛ kɛn bo. Blǒ klee jɔ fǎna keǒ Ɔ jemǒ, nyu ně jěa li de.

Wlɛ̀velesɔ̌n 21:10

È Ngmà Je Ne Sùsu bea lěě ja Ɛ̌ kpala lěě togbee fòɛ dlǒ ɛ̈ tmɔɔ ja Ɛ̌ teeaǎ ngmà je ne diěǒ moo Jlǔsnɛ ɛ̈ sonwɛa lěe Nyesoa mɔ̀ mǒ klě jɔkɛn ɛ̈ dia lɔɔ wɔ̀ɔn.

Wlɛ̀velesɔ̌n 21:5

È Nyuǒ neaǒo gbèsɛɛǒ kɛn bo kě Ɔ dɛ̌a Ɔ je, “Klě tǐà wlòmo Ě pe noǎ wùɛ měne jajlo!” È Ɔ tmɔɔ̌a mǒ Ɔ je, “Chlě ɛ ɛ̈ moo winʼà neɔɔ chněedɛ̌ɔ wlòmo i moo kàan tè plě i mi tùɔn kpaba, i se kplɛ.”

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’

Wlɛ̀velesɔ̌n 4:10

è kunkunyoo wlò tùo hɛ̀nʼǒ ù kɔ bo kwne keǒ Ɔ jemǒ ǔ sɛ̀ Ɔɔ wɛ̀ Ɔ̈ nee kmɔ̌ ke ɛ mii jleě mǒ bo tonma. U tunwiǐǒ uu klɔ̀ba fleǎǒ keǒ gbèsɛɛǒ jemǒ ǔ dɛ̌ bò ɛ̈ moo,

Wlɛ̀velesɔ̌n 4:5

Tɛ̀nʼɛ ngmnengmnɛ̌ klee ɛɛ klukwlɛ klě win fòe mǒ klee ɛɛ de pnapnǎ nì sonwɛaě klɔ̀ba gbèsɛɛǒ mɔ̀ mǒ. Keǒ gbèsɛɛǒ nya keǒ wnewne nǎpea tii nyiɛta nynanaǒ bo ï nynanaǒo Nyesoaa Sìsii nyiɛta pènmo bo.

Wlɛ̀velesɔ̌n 4:9

Tǐ wùɛ mɔ̀ soaǒ bǐ ke kmɔ̌ sie Nyuǒ neǒo klɔ̀ba gbèsɛɛǒ kɛn bo tè jǐ boaboǎ nye klee bo tùtuɛ klee bǐ ke Ɔ tàto pe,

Wlɛ̀velesɔ̌n 5:1

È Ě jěa chněedɛ̌à u plǎlaa nɛ̀ neaě Nyuǒ neaǒo klɔ̀ba gbèsɛɛǒ kɛn bo Ɔɔ dilǎ son mǒ ɛ̈ kɔn wakěe sɔ̌n wùɛ u chlěaa kɛn le plě ü poaa sluu kpɛɛ nyiɛta je.

Wlɛ̀velesɔ̌n 5:13

Ě wɔ̌na noǎ wùɛ ï neaa kmɔ̌ ii win klě jɔkɛn klee kělɔ blǒ mɔ̀ klee klě blǒ bobo plě noǎǒ neěe jbǒ mɔ̀ ǐ blea, kě i dɛ̌ i je, “Keǒ Nyuǒ neǒo klɔ̀baa gbèsɛɛǒ kɛn bo mɔ̀ plě keǒ Blajǔǒ mɔ̀, nɛ bo de bìsea klee bo tùtuɛ klee tè jǐ boaboǎ plě klee kpě bi kɔnʼǒ Ɔ mɔ̀ ke ɛ mii jleě mǒ bo tonma!”

Wlɛ̀velesɔ̌n 6:16

Ǔ tmɛɛ̌a togbei klee seɛ̌ fòeǒ, kě u dɛ̌a i je u je, “A wlɛ ä kɛn, a wɛɛ̌ ä Nyuǒ jǐ mǒ Ɔ̈ neǒo klɔ̀ba gbèsɛɛǒ kɛn bo klee Blajǔu jloǒ Ɔ pee.