Wlɛ̀velesɔ̌n 4:10 - Nyesoaa Kuo Win Jajle

¹⁰ è kunkunyoo wlò tùo hɛ̀nʼǒ ù kɔ bo kwne keǒ Ɔ jemǒ ǔ sɛ̀ Ɔɔ wɛ̀ Ɔ̈ nee kmɔ̌ ke ɛ mii jleě mǒ bo tonma. U tunwiǐǒ uu klɔ̀ba fleǎǒ keǒ gbèsɛɛǒ jemǒ ǔ dɛ̌ bò ɛ̈ moo,

Wlɛ̀velesɔ̌n 4:10 ပူးပေါင်းရင်းမြစ်များ

Matiɔ̌n 2:11

È nùǒ pala koǔ bo ǔ jěa Jijlǎeǒ Ɔ klee Ɔɔ naǎ Mɛwlě ǔ kɔla kwne bo keǒ Ɔ jemǒ ǔ sàla Ɔɔ wɛ̀. È nùǒ knana uu mǒ tèe gblɛ̀kin je le ǔ nyea Lɔ nyee noǎ, jà klò plě sonsnǒ noǎa ï kɔn tè kmaa chɔɔ u dɛɛ fnekèse klee maà.

Lǔkù 24:52

ǔ sàla Ɔɔ wɛ̀, è nùǒ mua de klě Jlǔsnɛ dǐa. Uu plɔ wɔ̌na bloblo tè chɔɔ.

1 Kwnɛtiɛ̌ 15:10

Kɛɛ Nyesoa noɛɛ neě mǒ no, tèǒ nì kɔn tè Ɔ poěě tǔnʼà wlòmo. Ɔɔ mǒ noɛnoɛ nu dɛ fòɛ keàǎ jleě mǒ, nɛ̀ kɔn tè Ě peě kbě bo nu konkwa jakǎ bɛ sìnʼǒ Nyesoaa tuposà kpa nyo wùɛ tùuǒ mǒ. Sɛjesɛ ɛ se mǒ ně nu konkwaǒ, ɛ moo Nyesoa Ɔ̌ noɛɛ neě mǒ Ɔ̌ ni konkwaǒ klěě mǒ.

Wlɛ̀velesɔ̌n 10:6

È ɔ poa ɔɔ chɛ̀ win kɛn le keǒ Nyesoa mɔ̀ Ɔ̈ nee kmɔ̌ ke ɛ mii jleě mǒ bo tonma, Ɔ̈ nuu jɔ klee noǎ wùɛ neě ɛɛ wlòmo plě Ɔ̈ nuu blǒ klee noǎ wùɛ ï neɔɔ ɛɛ mɔ̀ plě Ɔ̈ nuu jbǒ klee noǎ wùɛ neě ɛɛ mɔ̀, kě ɔ dǎla ɔ je, “Tǐi de le kpokpa tɛ̀ɛ see kɛ̀ǒ nema mu!

Wlɛ̀velesɔ̌n 11:16

È kunkunyoo wlò tùo hɛ̀nʼǒ ü neaǒ uu klɔ̀ba gbèsɛiǒ kɛn ble keǒ Nyesoa jemǒ nùǒ kɔa uu jigbè ble keǒ Nyesoa jemǒ ǔ sàla Ɔɔ wɛ̀,

Wlɛ̀velesɔ̌n 15:4

Koɔnʼò, Nè do Mò ne ngmà je, ii tè nyu wùɛ miì dɛ mǒ jěba ɔ mǐ Nè nynɛ̌ le bìse. Nè jebo siǐan be mǒ pepě, ii tè dakɔ̌ wùɛ miě diba u mǐ Nè wɛ̀ sà!”

Wlɛ̀velesɔ̌n 15:7

È soa fòee hɛ̀nʼǒ i dɛɛ do nyea najiǒpòǒ fuii nyiɛta ï jǐaa kmɔ̌ ne Nyesoaa jlo je Ɔ̈ nee kmɔ̌ ke ɛ mii jleě mǒ bo tonma.

Wlɛ̀velesɔ̌n 19:4

È kunkunyoo wlò tùo hɛ̀nʼǒ klee soaa hɛ̀nʼǒ u kɔa jebo ǔ sàla Nyesoaa wɛ̀ Ɔ̈ neaǒo klɔ̀ba gbèsɛɛ kɛn bo, è kě u dɛ̌a u je, “Hehejoo, kě bɛ ne!”

Wlɛ̀velesɔ̌n 4:2

Tǐi doo tǐ jleě è Nyesoaa Sùsu bea leě ja, Ě jěa klɔ̀ba gbèsɛɛ ɛ̈ nea lěe jɔkɛn, Nyu tɔ̀ɔ neaǒ ɛ kɛn bo.

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 4:9

Tǐ wùɛ mɔ̀ soaǒ bǐ ke kmɔ̌ sie Nyuǒ neǒo klɔ̀ba gbèsɛɛǒ kɛn bo tè jǐ boaboǎ nye klee bo tùtuɛ klee bǐ ke Ɔ tàto pe,

Wlɛ̀velesɔ̌n 5:14

È soaa hɛ̀nʼǒ kě i dǎla i je, “Kě bɛ ne!” È kunkunyoo wlò tùo hɛ̀nʼǒ u kɔla kwne bo ǔ sàla Blajǔu wɛ̀ klee Nyuǒ neaǒo gbèsɛɛǒ kɛn bo.

Wlɛ̀velesɔ̌n 5:8

Tà Ɔ dǔa ɛ mǒo, è kmɔ̌ ne soaa hɛ̀n klee kunkunyoo wlò tùo hɛ̀nʼǒ è nìǒ kɔ kwne bo keǒ Blajǔǒ jemǒ. Uu wùɛ u blěa kwa le kanǐkàe plě klò fui neaě u kwete mǒ ï sonsnǒ noǎa jǐaa je ï nynaǒo pènmo bo Nyesoa nyoo bàtea keǒ Nyesoa mɔ̀.

Wlɛ̀velesɔ̌n 7:11

È najiǒpò wùɛ ü tbɛɛaa klɔ̀ba gbèsɛɛǒ dǐ klee kunkunyoǒ plě kmɔ̌ ne soaa hɛ̀nʼǒ, è nùǒ kɔla jigbè wlò le keǒ gbèsɛɛǒ jemǒ ǔ sàla Nyesoaa wɛ̀,