Wlɛ̀velesɔ̌n 3:3 - Nyesoaa Kuo Win Jajle

³ Tèǒ nì kɔn tè bi beě a wlòmo, dɛà a wɔ̌nʼɔ plě a chěnʼe a tùǒ ɛ bo a mǐ aa wlè bo bitǐ. Kɛɛ bǎ se ɛ nu, keà jlǐ nyu diěe nyu ně ji ɔɔ tè, kě Ě miě didiɛ numa, a se tǐǒ Ě miě jaba jiba mu.

Wlɛ̀velesɔ̌n 3:3 ပူးပေါင်းရင်းမြစ်များ

Matiɔ̌n 25:13

È kě Jùsu dɛ̌a u je Ɔ je, “Tèǒ nì kɔn tè a tù aa de nu kmɔ̌ tǐ mɔ̀. Mɛ̌oǒ joo nɛ̀ moo chnɛ̀ jlǒ waě klee tǐ tae Jbɛjuu Jǔà Ɔ miǎ lěe jaba a se i ji.”

Mǎkè 13:33

È a se tǐǒ ɛ miǎa tùɔn kpaeba ji, nɛ̀ kɔn tè a wɛ̀ mɔ̀le a tù jǐ mɔ̀.

Mǎkè 13:36

Nè ni ɛ tǐà sèe mɔ̀le wɛ̀ ɔɔ̌ diě ɔɔ̌ jɛɛěè momnɔ mǒ.

1 Tɛseloniǎ 5:2

A ji ɛle tɛɛ ɛ̈ moo Koɔnʼɔ de di chnɛ̀ jlǒ waěǒ ɛ miǎ je wǒba keà jliɔ̌ diěe klě tǒn wlòmo nyu ně ji lii.

1 Timɛtě 6:20

Timɛtě, tù tuposàǒ Nyesoa poě mòo kwete mǒ jǐ mɔ̀. Tmɔɔ plɔ kokoɛ̌ɛ kpni kukwǐ dɛ boɔboɔ mɔ̀ klee chɛtlǐia ɛ̈ moo kenkan dɛ nyopò dɛɛ lee tɔ̀n konkɔn.

2 Timɛtě 1:13

Ɛmo tuposàǒ wɔ̀nʼɔ ɛ̈ sɔnʼě mǒo wien mǒ nɛ̀ bò tmɔɔ̌ nyopò tùu, è tè wlò popoɛ klee mǒ noɛnoɛ Tentǎn Jǔ Jùsu nye mòo bi muu nya.

Hiblǔ 2:1

Dɛǒ nɛ̀ kɔn tè ä kɔn bä po Nyesoaa winʼǒ u tee ämoo nɔkǔ jebo ɛ̈ di ɛɛ numa äǎ di Nyesoa mɔ̀ tmɔɔ no.

2 Pitɛ̌ 1:13

Ke ɛ toon jleě mǒ bo Ě neě jèe kmɔ̌, ně wlò je ɛ nu tɛɛ keǒ bo po aa tè wlòmo pooa jajlo měne.

2 Pitɛ̌ 3:1

Ně mǒ noɛɛ nyopò ane, dɛà nɛ̀ moo sɔ̌n nenɛ chněedɛ̌ Ě chleě a mɔ̀. Klě ii sɔ̌n wùɛǒ wlòmo Ě tɛ̀n ɛ mǒ boǒ pooě a noǎǒ wlè jleě ɛ̈ di ɛɛ numa aa dlǒ le sìɛnsiɛn miě mɔ̀le snǎ.

2 Pitɛ̌ 3:10

Koɔnʼɔ de di chnɛ̀ jlǒ waěǒ nyu seǎ ɛ wlò tɔɔnma mu wòje keà jlǐ nyu diěe klě tǒn wlòmo. Klě tǐǒ wlòmo jɔ miǎ fǎnma ɛ miǎ klu, noǎǒ neěe jɔ mǒ na miǎ i gbè sùeba, è kmɔ̌à klee noǎ wùɛ ï neɔ ɛɛ mɔ̀ i miǎ sinma.

Wlɛ̀velesɔ̌n 16:15

Bi beě a wlòmo kě Jùsu dǎla Ɔ je, “A tanà le, tǐà a se Mǒo snǔ mɔ̀le pɔ̀ɔnma mu nì Ě miě jaba wòje jliɔ̌. Ɛ moo ngmna keǒ nyopòà mɔ̀ ü neěe gbɛ̀ɛa wlòmo ü uu wlawlě miěe mǒ nema ü wɛ̀ɛ mɔ̀le ɛ̈ di ɛɛ numa uǔ dii gblàgblo le nae ne tònwe iǐ di uu nu.” (Mt 24.42-44, Lk 12.36-40)

Wlɛ̀velesɔ̌n 2:25

ɛ̀ sìnʼǒ dɛɛ do ba nuu nɛ̀ moo a blěǒ tè wlò popoɛǒ a kɔnʼɔ klěě mǒ mɔ̀ kwa kpankpa ɛ mǐ ɛ kpa kpa Ě miǎ de di.

Wlɛ̀velesɔ̌n 2:5

Bi beě a wlòmo tà a nynanaǒo bo plě ǎ keaǒo kplɛɛ le. È ba bitǐ aa wlè bo a mǐ noǎǒ a niaa klekle nu. Bɛ̌ nu bǎ se aa wlè bo bitǐ, Ě miě diba Ě miě aa nǎpe tuǒ klě ɛɛ tùɔn kɛn sà ɛ̈ ɛ neǒo kɛn.

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”

Wlɛ̀velesɔ̌n 3:11

Ě miě diba pase, ii tè aa tè wlò popoɛǒ a kɔnʼɔ a blěǒ ɛ mɔ̀ kwa ɛ̈ di ɛɛ numa nyu tɔ̀ɔ ɔɔ̌ se aa snǒ sàe dɛǒ kpa.

Wlɛ̀velesɔ̌n 3:19

Nyopòà Ě noɛɛ nee mǒ nù Ě peě snǔ mɔ̀le plě Ě sɛ̀ě le. Tèǒ nì kɔn tè a sɛ̀n ɛ nynɛ̌, a bitǐ aa wlè bo.

Wlɛ̀velesɔ̌n 3:2

A sɔn mǒ, dɛǒ a blěe jèe kwa a po ɛ kbě ja le ɛ̈ di ɛɛ numa ɛɛ̌ se kǒ. Mɛ̌oǒ joo nɛ̀ moo Ě se dɛ jě ɛ̈ a nuu bɛ̈ monoo mɔ̀le snǎ dɛ klě Ně Nyesoa jǐ kɛn.