Wlɛ̀velesɔ̌n 3:21 - Nyesoaa Kuo Win Jajle

²¹ Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’

Wlɛ̀velesɔ̌n 3:21 ပူးပေါင်းရင်းမြစ်များ

Matiɔ̌n 19:28

È kě Ɔ dɛ̌a u je Ɔ je, “Kàan tèà Ě tmɛɛ̌ amo, bɛ̌ nu Jbɛjuu Jǔà Bɔ̌ neaǒ Ɔɔ tè jǐ boǎ klɔ̀ba gbèsɛɛǒ kɛn bo klě kmɔ̌ jajloǒ miǎ lěe diba wlòmo, amoà nɛ Mǒo mɔ̀ a miǎ klɔ̀ba gbèsɛii pù tùo sɔ̌n kɛn ble nema a mǐǎ Ǐsòwɛ̌ kɔn dakwɛ̌ dlěe pù tùo sɔ̌nʼǒ uu blilǐ tù.

Matiɔ̌n 25:21

È kě ɔɔ chì kpa ämo dɛ̌a ɔ je ɔ je, ‘Pòě le kbě dɔ̌, mòo kàan sèn bo mǎ nyebajlo. Ke ɛ toon jleě mǒ bo è mǎ lěe sèn bo keǒ noǎ chěnchaǐi tè mɔ̀, ii tè Ě miì numa mì noǎà kɔn tè kmaa win kwa kɔn. Diě ä miǒ plɔɔ bloblɛ tàa do kɔn no.’

Matiɔ̌n 28:18

È Ɔ kèklaeaǒ u gbàa kě Ɔ dɛ̌a u je Ɔ je, “Nyesoa nyeě kpě pɛpɛ wùɛ ï neěe jɔkɛn klee kělɔ kmɔ̌ mɔ̀ keǒ dɛ wùɛ mɔ̀.

Lǔkù 22:30

a klee Mǒ ä miǎ dɛ di ä miǎǒ tàa do naě ne keǒ dɛ di fuo kɛn klě Ně Gbeǐi deplě slè, a miǎǒ klɔ̀ba gbèsɛi kɛn ble ne, a mǐa Ǐsòwɛ̌ kwɛɛn dakwɛ̌ dlěe pù tùo sɔ̌n win kwa kɔn.”

Jɔ̀ɔ̌n 13:32

Bɛ̌ nu Jbɛjuu Jǔà Bɔ̌ nye Nyesoa tè jǐ boaboǎ, è Nyesoa mi Ɔ tè jǐ boaboǎ nyema ke. Ɛmo tè jǐ boaboǎǒ Nyesoa mi ɛ Ɔ̀ nyema pase.

Jɔ̀ɔ̌n 16:33

Ě tmɛɛ̌ a noǎ wùɛǒ lo ɛ̈ di ɛɛ numa a mǐ ně bo wnawna kɔn klěě mǒ. È klě kmɔ̌ wlòmo a mi dɛɛ wan le popa fòfoa jěba, kɛɛ a kɔn kponkpɛ, Ě du kmɔ̌à ɛɛ kpě wan.”

2 Timɛtě 2:12

Bɛ̌ nu bä nyna sònwɛ jejeɛ̌à jebo, è ä klee Tentǎn Jǔ ä miǎ kmɔ̌ win kwa kɔnma, kɛɛ bäǎ chnɛ̀ Ɔɔ tè mǒ Ɔ miǎ äa tè mǒ chnɛ̀ma.

Wlɛ̀velesɔ̌n 1:6

Ɔ nu ä mǒ klɔ̀bapoo klee bodiɔpò ä mǐ Ɔɔ Nyesoa Ɔ̈ moo Ɔɔ Gbeǐ Ɔɔ konkwa nu. Nɛ bo Tentǎn Jǔ Bɔ kɔn tè jǐ boaboǎ klee kpě ke ɛ mii jleě mǒ bo tonma, kě bɛ ne!

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

Wlɛ̀velesɔ̌n 20:6

Nyopòǒ miěe klekle je měne duduɛ̌ wakǎ jleě mǒ kɔnma u kɔn ngmna plě ǔ ne ngmà je. Sɔ̌n nenɛ kokoɛ̌ seǒ u kpě dlǒ mǒ kɔn. Nù mi Nyesoa klee Tentǎn Jǔu kpatòapoo mooma plě u klee Tentǎn Jǔ miǒ tàa do win kwa kɔnʼɔ no klě jlěe taslěwaeǒ wlòmo.

Wlɛ̀velesɔ̌n 5:10

Plě È nu u klɔ̀bapoo mǒ klee bodiɔpò keǒ bu nu äa Nyesoaa konkwa bu kɔn kmɔ̌à win kwa.”

Wlɛ̀velesɔ̌n 6:2

Tà Ě chèaǒo bo, Ě jěa sòko plǔ. Nyuǒ nɛɛa nɔɔ kɛn pno neaě ɔ kwete mǒ ǔ nyea ɔ klɔ̀ba flɛ̌ ɔ̌ nɛɛa sòkoǒ kɛn ɔ̌ mia ɔ̌ duia toe, bɔ̌ du ɛɛ bě, ɔ̀ du ɛɛ bě.

Wlɛ̀velesɔ̌n 7:17

Mɛ̌oǒ joo nɛ̀ moo Blajǔǒ Ɔ̈ neǒo klɔ̀ba gbèsɛɛǒ ɛɛ slè bo Nɔ̀ mi uu Jǐ Mɔ̀ Tùɔ̌ mooma. Ɔ miě u něe chlolǎe mɔ̀ kpaba ɛ̈ nyee nyopò kmɔ̌ sie fònfno, Nyesoa miǎ u me wùɛǒ jǐ wɔ̀ɔn le snǎ.”