Wlɛ̀velesɔ̌n 3:2 - Nyesoaa Kuo Win Jajle

² A sɔn mǒ, dɛǒ a blěe jèe kwa a po ɛ kbě ja le ɛ̈ di ɛɛ numa ɛɛ̌ se kǒ. Mɛ̌oǒ joo nɛ̀ moo Ě se dɛ jě ɛ̈ a nuu bɛ̈ monoo mɔ̀le snǎ dɛ klě Ně Nyesoa jǐ kɛn.

Wlɛ̀velesɔ̌n 3:2 ပူးပေါင်းရင်းမြစ်များ

Matiɔ̌n 23:5

Dɛ wùɛ u nii u ni ɛ ɛ̈ di ɛɛ numa nyopò mǐ u jě. Gbɛtɛ̌ nì u pìinʼǒ uu chɛ̀ je ï kɔn wlòmo Nyesoaa win ii tènme neěe ǔ pe ii gbɛtɛ̌ tìi sonwe le. Uu Nyesoa mɔ̀ boɔ wlawlě pɛ̀tiǒ u tùi i fɛ̀n pɛ̀ti je le ɛ mǐ ɛ tee le ɛ̈ moo u moo nyefòapo.

Matiɔ̌n 25:13

È kě Jùsu dɛ̌a u je Ɔ je, “Tèǒ nì kɔn tè a tù aa de nu kmɔ̌ tǐ mɔ̀. Mɛ̌oǒ joo nɛ̀ moo chnɛ̀ jlǒ waě klee tǐ tae Jbɛjuu Jǔà Ɔ miǎ lěe jaba a se i ji.”

Matiɔ̌n 25:7

È nynejlu wùɛ nùǒ sɔna mǒ ǔ wɔ̀la uu nǎpea mɔ̀le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:23

Tà ɔ sìnʼa lěe Ɛntìa tǐ, ɔ sɔnaě mǒ ɔ̌ niaa kɛ̀ muǒ tà sɔnʼǒ mǒ ɔ̌ nana Kalesìa klee Flejìa wakě kɛn le ɔ̌ pea Jùsuu mɔ̀ na nyo wùɛ kbě ja le.

1 Pitɛ̌ 4:7

Noǎ wùɛ mi dlǒ chlɛ̀ba pase, tèǒ nì kɔn tè aa dlǒ le sìɛnsiɛn bɛ snǎě mɔ̀le klee a jiǒ aa chɛ̀ɛ wlò mɔ̀ kwa bleblɛ̌ ɛ̈ di ɛɛ numa a miě ɛ wɔ̀ a miě Nyesoa mɔ̀ boɔboɔ ji tɛɛ.

1 Pitɛ̌ 5:8

A wlǎě wlò bo, kɛɛ a gbɛ̀ɛ le. Mɛ̌oǒ joo nɛ̀ moo aa jlae nyuà monoo kǔ ɔ wǒ je jejǎ sà ɔ̈ ngmìi le ɔ̈ pɛ̀nʼɛ nyu le ɔ mǐi di.

Wlɛ̀velesɔ̌n 16:15

Bi beě a wlòmo kě Jùsu dǎla Ɔ je, “A tanà le, tǐà a se Mǒo snǔ mɔ̀le pɔ̀ɔnma mu nì Ě miě jaba wòje jliɔ̌. Ɛ moo ngmna keǒ nyopòà mɔ̀ ü neěe gbɛ̀ɛa wlòmo ü uu wlawlě miěe mǒ nema ü wɛ̀ɛ mɔ̀le ɛ̈ di ɛɛ numa uǔ dii gblàgblo le nae ne tònwe iǐ di uu nu.” (Mt 24.42-44, Lk 12.36-40)

Wlɛ̀velesɔ̌n 2:4

Kɛɛ kɔɔ̌ dɛ nɛ̀ Ě jěǒ a jleě mǒ, keǒ a nua Mǒo mǒ noɛɛa klekle, a see kɛ̀ Boǒ mǒ noɛɛa nu.

Wlɛ̀velesɔ̌n 3:1

Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Sɔdè wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà kɔnʼɔ Nyesoaa Sìsii nyiɛta klee jɔtnèe nyiɛta. Ě ji dɛ a nii ni. Nyesoa dɛɛ nynɛ̌ nɛ̀ neǒ a kɛn a nee kmɔ̌, kɛɛ a moo kokǒ nyo.

Wlɛ̀velesɔ̌n 3:3

Tèǒ nì kɔn tè bi beě a wlòmo, dɛà a wɔ̌nʼɔ plě a chěnʼe a tùǒ ɛ bo a mǐ aa wlè bo bitǐ. Kɛɛ bǎ se ɛ nu, keà jlǐ nyu diěe nyu ně ji ɔɔ tè, kě Ě miě didiɛ numa, a se tǐǒ Ě miě jaba jiba mu.