Wlɛ̀velesɔ̌n 3:15 - Nyesoaa Kuo Win Jajle

¹⁵ Ě ji dɛǒ a nii ni, a se wlɔɔ lo plě a se smuu nu klě Nyesoaa konkwa nunuɛ mǒ. Ně wlò jlɛ̌ ba monoo ii sɔ̌n wùɛǒ i dɛɛ do,

Wlɛ̀velesɔ̌n 3:15 ပူးပေါင်းရင်းမြစ်များ

Matiɔ̌n 10:37

Nyu wùɛ ɔ̈ mi ɔɔ gbeǐ klee naǎ mǒ noɛɛma chɔɔ uu tè miǒ Něe tè mǒ sìn, ɔ seǒ je blɛɛ le keǒ bɔ moo Ně mɔ̀ na nyu, nyu wùɛ ɔ̈ mi ɔɔ jbɛjuju klee ɔɔ nynejuju mǒ noɛɛma chɔɔ ɛ miǒ Něe tè mǒ sìn, ɔ seǒ je blɛɛ le keǒ bɔ moo Ně mɔ̀ na nyu.

Matiɔ̌n 24:12

Kpni kukwǐ miǎ lɔ kmɔ̌ɔ mɔ̀le jǐba, tèǒ nì kɔn tè nyopò fòfoa miǎ nyopò tùu mǒ noɛnoɛ bɔ̌ba.

Matiɔ̌n 6:24

È kě Jùsu dɛ̌a u je de Ɔ je, “Nyuu do slě wɔ̀ bɔ neeě chì kpa ämopòo sɔ̌n bobo. Ɔ mi do faenma ɔ mǐ do mǒ noɛɛ ne plě ɔ miǒ do tùtuɛ nyema ɔ miǒ doo tè le sàe le. Dɛɛ doǒ nɛ̀ ɛ mono, a slě wɔ̀ ba neě Nyesoa bobo plě ba neě kmɔ̌ɔ noǎ bobo.

Wlǔmɔ 12:11

A poě kbě a nu konkwa aǎ fnɛ̀, nu dɛ keǒ Nyesoa mɔ̀ klě aa kbě kɛn ne sùsu mǒ.

1 Kwnɛtiɛ̌ 16:22

Bɛ̌ nu bo nyu bɔ̌ se Koɔn mǒ noɛɛ ne bɛ moo chlǒ keǒ ɔ mɔ̀! Äa Koɔn diě le!

2 Kwnɛtiɛ̌ 12:20

Ě pe fano de ɛ̈ moo bɛ̌ nu boǒ diě a mɔ̀, Ě miě a dɔ̌ tǔn wlòmo jɛɛba ɛ̈ Ě see lě amoo ja le pɔ̀ɔn no. È a miěě tǔn tɛ̀ɛ wlòmo jeěba ɛ̈ a slě mǒo ja le pɔ̀ɔn no. È noǎ kɔn fano Ě pee Ě miě amoo slè jɛɛba nì moo chɛtlǐia klee chea klee jlo klee wlòo kɛn le kenkěa klee sadoě popoɛ klee de měne boboɔɔa klee de jaě sùsu plě klee nyopò bu jejǎea ja le.

Flepiɛ̌n 1:9

Ě bɛ̀te Nyesoa a mǐ měne nonoɛɛ ne ɛ mǐ kɛn le bebee le klee a mǐ dɛǒ monoo kàan dɛ ji plě klee a mǐ tè tù klě mǒ slɛɛ̌ tǔn wlòmo kpǎkpǎ.

2 Tɛseloniǎ 1:3

Tǐi pɛpɛ mɔ̀ ä kɔn bä pe Nyesoa tàto keǒ aa tè mɔ̀. Ɛ wɛɛnʼǒ le keǒ bä nu ɛ. Mɛ̌oǒ joo nɛ̀ moo aa tè wlò popoɛ a kɔnʼɔ klě Jùsu mǒ ɛ kwin ni ɛ̌ bebee kɛn le plě aa měne nonoɛɛa bebee kɛn le.

Jìmǐse 1:8

Ɔmo nyuǒ ɔɔ kmɔ̌ neneɛ wùɛ pa mǒ ponwěe sɔ̌n ɔɔ̌ nyna dɛɛ do kɛn bo.

1 Pitɛ̌ 1:22

Klě tǐà wlòmo ɛ̈ kɔn amo tùiǒ imoo Nyesoaa kàan tèǒ bo, aa kpni kukwǐi tè poo le wlò. Dɛǒ nɛ̀ nu ɛ ǎ wɔ̀le ɛ ba sɛ̀n ɛ nynɛ̌ ba nonoɛɛ měne. Tǐ wùɛ mɔ̀ a nonoɛɛ měne keǒ aa wlè wùɛ mɔ̀ wòje Tentǎn Jǔu wǎn.

Wlɛ̀velesɔ̌n 2:2

Ě ji dɛǒ a nuu nu, keǒ a nuě kbě le popoɛ a nuu konkwa nunuɛ klee ke a nuu wlò dbadbǎ konkɔn. Ě ji ɛle ɛ̈ moo a se dɛ kukǔ nu nyo sòa plě a tɛ̀n nyopòà měne ü see Nyesoaa tuposà kpa nyo ü je u moo ɛɛ plě a jě ɛ ɛ̈ moo u moo sen le tmɔ̌ nyo.

Wlɛ̀velesɔ̌n 2:4

Kɛɛ kɔɔ̌ dɛ nɛ̀ Ě jěǒ a jleě mǒ, keǒ a nua Mǒo mǒ noɛɛa klekle, a see kɛ̀ Boǒ mǒ noɛɛa nu.

Wlɛ̀velesɔ̌n 3:1

Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Sɔdè wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà kɔnʼɔ Nyesoaa Sìsii nyiɛta klee jɔtnèe nyiɛta. Ě ji dɛ a nii ni. Nyesoa dɛɛ nynɛ̌ nɛ̀ neǒ a kɛn a nee kmɔ̌, kɛɛ a moo kokǒ nyo.

Wlɛ̀velesɔ̌n 3:16

kɛɛ ke ɛ toon jleě mǒ bo ǎ monoo ně bɔ̀to ɛ̈ see smuu nu plě ɛ̈ see wlɔɔ lo, Ě wɛ̀ le mɔ̀ keǒ Boǒ wna a bo.