Wlɛ̀velesɔ̌n 3:12 - Nyesoaa Kuo Win Jajle

¹² Nyu wùɛà mii duduɛ kɔnma, nɔ̀ Ě mi Ně Nyesoaa kǎ fòɛɛ tiblě mǒ numa plě ɛmoǒ ɔ se ɛ bo tetɛ kɔnma mu de. Ě miǒ ɔ Nyesoaa nynɛ̌ kɛn chlěba klee Ɔɔ dě fòɛɛ nynɛ̌ ɛ̈ monoo Jlǔsnɛ jajlo ɛ̈ miě Ɔɔ mɔ̀ mǒ sɔnma klě jɔkɛn ɛ̈ miɔɔ wɔ̀ɔn diba. Ě miě ɔ kɛn Ně nynɛ̌ jajlo chlěba ke.’

Wlɛ̀velesɔ̌n 3:12 ပူးပေါင်းရင်းမြစ်များ

Mǎkè 12:16

È tà u jala Ɔɔ wlejoɛ̌ɛǒ Ɔ gbàla u wan Ɔ je, “Mɔ kɔɔ̌n kɛ dlǒ klee dɛ son kɛn popoɛ neěà ɛ kɛn?” Ù tùa Lɔ kɛ̀ɛn u je, “Wlǔmɔ nyoo klɔ̀baǒ.”

Kalesiɛ̌n 2:9

Jìmǐse klee Pitɛ̌ klee Jɔ̀ɔ̌n üà sɛje ü je ü monoo konkwaà ɛɛ je si nyo klě ɛmo tà lě, u jbo ɛ le ɛ̈ moo Nyesoa kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒǒ mɔ̀ Ɔ̌ nyeě konkwa taeà, ii tè u tǒa mǒ klee Banàbɔ kwa ɛ mǐa ɛ tee le ɛ̈ moo u wɔɔnʼa ɛ kɛn keǒ ämoà bä po tuposàǒ klě kuodakwɛ̌ mɔ̀, è umoǒ nù bü po ɛ klě Jùwɛ nyo mɔ̀.

Ifisiɛ̌n 3:15

Ɔ̈ nuu dakɔ̌ wùɛ neěe jɔkɛn klee kělɔ kmɔ̌ɔ mɔ̀ ǔ nee kmɔ̌.

Hiblǔ 12:22

Aa nenɛà ɛɛ ka se bò je ne, a diɔ togbeeà moo Sàna dlǒ ɛ̈ moo Jlǔsnɛ ɛ̈ neěe jɔkɛn klee ɛ̈ moo kmɔ̌ sie Nyesoaa dě fòɛ ɛ̈ najiǒpòo taslěwɛ bòoě kɛn u mǐi de ngmnengmnɛ̌ kɔn.

Hiblǔ 13:14

Ke ɛ toon jleě mǒ bo kělɔ kmɔ̌ɔ mɔ̀ dě fòɛ tɛ̀ɛ seɔɔ ne keǒ ä mɔ̀ ɛ̈ moo kmɔ̌ sie dě fòɛ, nɛ̀ kɔn tè ä tɛnʼě nya le ä pɛ̀n dě fòɛ ɛ̈ miěe diba le.

1 Jɔ̀ɔ̌n 4:4

Ně jlǔ ale, a sɔnʼě mǒ Nyesoa mɔ̀ plě a du Tentǎn Jǔu jlae nyo wan. Mɛ̌oǒ joo nɛ̀ moo Sùsuǒ neě amoo ja Ɛ kun nu Ɛ̌ sìnʼǒ sùsuǒ neěe kmɔ̌ɔ nyopò ja mǒ.

Wlɛ̀velesɔ̌n 14:1

È tà Ě keaǒo le tɛn, Ě jěa Blajǔǒ Ɔ̌ nynana bo keǒ Sàna togbee dlǒ. Nyopòǒ neaǒ Ɔɔ gbàa u nua taslěwɛɛ wlèe nyiɛta tùo hɛ̀n (144,000), u blěa Ɔɔ nynɛ̌ plě u blěa Ɔɔ Gbeǐi nynɛ̌ ɛ̈ chleěaa keǒ uu jigbàa gblee wnana mǒ.

Wlɛ̀velesɔ̌n 17:14

U mi Blajǔ to mɔ̀ kpaba Ɔ klee Ɔɔ nyopò Ɔ sà lěe Ɔ daa bü na Ɔɔ de plě ü ma lěe sèn bo keǒ Ɔ mɔ̀. U mi nyopòǒ duba. Mɛ̌oǒ joo nɛ̀ moo Blajǔǒ Nɔ̀ moo koɔnpòo Koɔn plě Nɔ̀ moo klɔ̀bapoo Klɔ̀ba.”

Wlɛ̀velesɔ̌n 2:11

Nyu wùɛ bɔ̈ kɔn nɔkǔ, è bɔ po dɛǒ Ngmà Je Ne Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopòǒ mii duduɛ kɔnma klě uu tǐ jakě slè, sɔ̌n nenɛ kokoɛ̌ slě u dɛ jleě mǒ numa mu.”

Wlɛ̀velesɔ̌n 2:17

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Ě mi nyopòà kɔnʼɔ duduɛ digbaǐà wɛ̌ɛ je ii tìe nyema u mǐ di. Ě mi u seɔ̌ plǔ gbògbae nyema ɛ̈ kɔn kɛn nynɛ̌ jajlo chleěǒo ɛ̈ nyu wùɛ see ji, ɛ̀ sìnʼǒ nyuu doǒ kmee seɔ̌ǒ jebo.”

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 21:2

Ě jěa ngmà je ne diě ɛ̈ moo Jlǔsnɛ jajlo ɛ̌ sonwɛaě jɔkɛn mǒ klě Nyesoa mɔ̀ ɛ̌ diaɔ wɔ̀ɔn. U wɔ̀a ɛ mɔ̀le wòje keà tǐnma nynɔ pee jǐlenmɔ dale měne ɔ mi ɔɔ jbe je mɔ̀ɔma.

Wlɛ̀velesɔ̌n 22:4

U mi Nyesoaa jigbà jěba, è Ɔɔ nynɛ̌ mi chleěba keǒ uu jigbèe gblee wnana mǒ.

Wlɛ̀velesɔ̌n 3:5

Nyu wùɛ ɔ̈ mii duduɛ kɔnma, ɔ mi dale plǐ měne poba wòje ke u nuu. Ě seǎ uu nyneǎ wlàba mu kpe klě fònfno chněedɛ̌ wlòmo, plě nù Ě miǎ kòo kɛn pooba ɛ̈ moo u moo Ně nyopò keǒ Ně Gbeǐ klee Ɔɔ najiǒpò jemǒ.’