Wlɛ̀velesɔ̌n 3:11 - Nyesoaa Kuo Win Jajle

¹¹ Ě miě diba pase, ii tè aa tè wlò popoɛǒ a kɔnʼɔ a blěǒ ɛ mɔ̀ kwa ɛ̈ di ɛɛ numa nyu tɔ̀ɔ ɔɔ̌ se aa snǒ sàe dɛǒ kpa.

Wlɛ̀velesɔ̌n 3:11 ပူးပေါင်းရင်းမြစ်များ

1 Kwnɛtiɛ̌ 9:25

Nyu wùɛ ɔ̈ monoo jǎgbàiple ɔ peě kbě ɔ̌ chěn gbàe wònwɔn ɛ̈ di ɛɛ numa ɔ mǐ duduɛ kɔn. Bɛ̌ nu bɔ̌ du u nye ɔ dudu flɛ̌ ɛ̈ see wlɛ̀ɛba mu, kɛɛ ämoà dɛ ä wɛ̀ɛn nee kɛn nɛ̀ moo duduɛ ɛ̈ see bo wèwɛ kɔn.

Flepiɛ̌n 4:5

A kɔn wlèe sɔ̌n keǒ nyu wùɛ mɔ̀. Koɔn miě diba pase.

2 Timɛtě 2:5

Bɛ̌ nu bo de sakǎ nyo bǔ ke blala mǒ mi, nyu wùɛ se ɔɔ bǐì duba mu, ɛ̀ sìnʼǒ bɔ̌ tùǒ ɛmo blalaǒ ɛɛ teteǎ wùɛ bo plě. Dɛɛ doǒ nɛ̀ ɛ mono, tùǒ Nyesoaa teteǎ bo ɛ̈ di ɛɛ numa mì duduɛ kɔn.

2 Timɛtě 4:8

Ke kɔn doǒ nyuǒ duii keǒ plùplɛɛ blala mǒ nuu ǔ tùi ɔɔ duduɛ flɛ̌ dlǒ, kě ɛ nu Ě kɔn jebo siǐn snǒ sàe dɛ ɛ̈ fe mǒo ɛ̈ Koɔnʼà tùi nyopò wùɛ mǒ slɛɛ̌ blilǐ mɔ̀ Ɔ mi mǒo nyema keǒ blilǐ tù chnɛ̀ jlǒ waěǒ mɔ̀. Ɛ se ně doà Ɔ se ɛ nyema mu, kɛɛ nyu wùɛ ɔ̈ pɛ̀n Ɔɔ de didiɛ le.

Jìmǐse 1:12

È nyuà ɔ̈ nynɛɛ měne tèntɛn jebo ɔɔ plɔ ble le. Mɛ̌oǒ joo nɛ̀ moo Nyesoa bɔ̌ poo ɔ kòo kɛn ɛ̈ moo ɔ wɔ̀le tè, Ɔ mi ɔ duduɛɛ gbàkla nyema ɛ̈ moo kmɔ̌ sie fònfno ɛ̈ Ɔ peeěe nyopòà ü noɛɛ Ɔɔ mǒ.

Jìmǐse 5:9

Ně bǐì Tentǎn Jǔu wǎn ane, aǎ boboɛɛ wan le ɛ̈ di ɛɛ numa Blilǐ Tùɔ̌ Ɔ̈ moo Jùsu Ɔɔ̌ di a tè jɛɛ le. Sɛjesɛ Ɔ mi de diba pase.

Wlɛ̀velesɔ̌n 1:3

Nyuà mii Nyesoaa wnɔsà winʼà slèba ɔ kɔn ngmna, dɛɛ doǒ nɛ̀ ɛ mono keǒ nyopòà mi nii wɔ̌nma plě ü mi nii kàan tè poba mɔ̀ ï kɔn tè chleě lee kělɔ chněedɛ̌ɔ wlòmo. Mɛ̌oǒ joo nɛ̀ moo tǐ mǎ bo je keǒ noǎ wùɛà bi kpa tùɔn.

Wlɛ̀velesɔ̌n 16:15

Bi beě a wlòmo kě Jùsu dǎla Ɔ je, “A tanà le, tǐà a se Mǒo snǔ mɔ̀le pɔ̀ɔnma mu nì Ě miě jaba wòje jliɔ̌. Ɛ moo ngmna keǒ nyopòà mɔ̀ ü neěe gbɛ̀ɛa wlòmo ü uu wlawlě miěe mǒ nema ü wɛ̀ɛ mɔ̀le ɛ̈ di ɛɛ numa uǔ dii gblàgblo le nae ne tònwe iǐ di uu nu.” (Mt 24.42-44, Lk 12.36-40)

Wlɛ̀velesɔ̌n 2:10

Noǎǒ diěe ï kɔn sònwɛ a mii jěba, aǎ pe ii fano. A tanàle, kǔ wɛ̀ le mɔ̀ keǒ bɔ po aa tìe wùlo le ɛ̈ di ɛɛ numa u mǐ a měne tɛ̀n a mǐ sònwɛ jě klě chnɛ̀ jlǒ wěe pù wlòmo. Baǎje bǎ ke kǒba mii chɛ̀, a kɔn wlò kpaea klěě mǒ, è Mǒà Mǒ mi a kmɔ̌ sie fònfnoo snǒ sàba.’

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 2:25

ɛ̀ sìnʼǒ dɛɛ do ba nuu nɛ̀ moo a blěǒ tè wlò popoɛǒ a kɔnʼɔ klěě mǒ mɔ̀ kwa kpankpa ɛ mǐ ɛ kpa kpa Ě miǎ de di.

Wlɛ̀velesɔ̌n 22:12

Jùsu je, “A tanàle, Ě miě diba pase! Ě miě Ně snǒ sàe dɛ snǔ mǒ jaeba, Ě mǐ nyu wùɛ blěe dɛ ɔ nuu ɛɛ snǒ ɔ̀ sà ɛ̈ blɛɛ ɔɔ je.

Wlɛ̀velesɔ̌n 22:20

Jùsuà te imo noǎà ämo je, kě Ɔ dǎ Ɔ je, “Sɛjesɛ, Ě miě diba pase!” Koɔn Jùsu diě, kě bɛ ne.

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”

Wlɛ̀velesɔ̌n 3:3

Tèǒ nì kɔn tè bi beě a wlòmo, dɛà a wɔ̌nʼɔ plě a chěnʼe a tùǒ ɛ bo a mǐ aa wlè bo bitǐ. Kɛɛ bǎ se ɛ nu, keà jlǐ nyu diěe nyu ně ji ɔɔ tè, kě Ě miě didiɛ numa, a se tǐǒ Ě miě jaba jiba mu.

Wlɛ̀velesɔ̌n 4:10

è kunkunyoo wlò tùo hɛ̀nʼǒ ù kɔ bo kwne keǒ Ɔ jemǒ ǔ sɛ̀ Ɔɔ wɛ̀ Ɔ̈ nee kmɔ̌ ke ɛ mii jleě mǒ bo tonma. U tunwiǐǒ uu klɔ̀ba fleǎǒ keǒ gbèsɛɛǒ jemǒ ǔ dɛ̌ bò ɛ̈ moo,

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.