Wlɛ̀velesɔ̌n 3:1 - Nyesoaa Kuo Win Jajle

¹ Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Sɔdè wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà kɔnʼɔ Nyesoaa Sìsii nyiɛta klee jɔtnèe nyiɛta. Ě ji dɛ a nii ni. Nyesoa dɛɛ nynɛ̌ nɛ̀ neǒ a kɛn a nee kmɔ̌, kɛɛ a moo kokǒ nyo.

Wlɛ̀velesɔ̌n 3:1 ပူးပေါင်းရင်းမြစ်များ

Lǔkù 15:24

Ně jǔà ɔ̈ kǒaa ɔ ne kmɔ̌! Ɔ mǎ pnɔ no, kɛɛ ä jě ɔlo!’ Ii tè u tùngmaea de ngmnengmnɛ̌.

Lǔkù 15:32

Ä kɔn bä nu chǒn le ä mǐ je. Dɛ ɛ nuu nɛ̀ moo màmǔà ɛ wǒ je ke ɔ kǒaa, kɛɛ ɔ ne kekɛɛ kmɔ̌. Ɔ mǎ pnɔ no, kɛɛ ä jěe kɛ̀ ɔlo.’ ”

Jɔ̀ɔ̌n 1:16

Nyesoaa Jǔ noɛɛ äa wùɛ mǒ chɔɔ Ɔ̌ po ä ngmna mɔ̀, è Bɔ̌ po ä ngmna mɔ̀ bɛ̌ sìn, Ɔ̀ poě ɛɛ bě tɛ̀ɛ.

Jɔ̀ɔ̌n 1:33

Ě seea Lɔ jboba mu, ɛ̀ sìnʼǒ Nyesoaà dbo mǒo keǒ bo poo nyopò ně dlǒ Nɔ̀ tmɔɔ̌a mǒ ɛ̈ moo, ‘Nyuǒ mìi jěba Ngmà Je Ne Sùsu miě ja tèeba Nɔ̀ moo Nyu Ɔ̈ miěe nyopò Ngmà Je Ne Sùsu ja poba.’

Jɔ̀ɔ̌n 20:22

Tà Ɔ wɔ̀laa tèǒ boɔboɔ mɔ̀, è Ɔ wlǎla u fònfno kɛn, kě Ɔ dɛ̌a Ɔ je, “A kme Ngmà Je Ne Sùsu bo.

Jɔ̀ɔ̌n 3:34

Nyesoa sàǒ Ɔɔ chɛ̀ɛ Sùsu Nɛ̀ Ɔ nye Nyuà Ɔ dboo Nɛ̀ jǐ Ɔ je, ii tè Ɔ boɛ dɛ Nyesoa boɛɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:33

Nyesoa dǔa Ɔ jemǒ Ɔ̌ tùaǒ Ɔ tùɔnʼà kɔnʼǒo tùtuɛ kɛn bo klě Ɔɔ chɛ̀ɛ dilǎ son mɔ̀. Tàǒ keǒ Ɔ jeěaǒ Ngmà Je Ne Sùsuǒ Ɛ̈ Nyesoa pooaě Ɔɔ Ɔ mia Lɔɔ nyema. Ɛmo Sùsuǒ Nɛ̀ Jùsu dbo kělɔ ä mɔ̀, Nɛ̀à a jě plě Ɛ̈ kɔn win a wɛ̌n klě tǐà wlòmo.

Ifisiɛ̌n 2:1

Klě tǐà sìin wlòmo kmɔ̌ sie kokoɛ̌ blɛɛa a je keǒ aa kpni kukwǐ klee seǒ Nyesoa bo tùtuɛ kɔn kmɔ̌ a niaa mɔ̀.

Ifisiɛ̌n 2:5

ii tè kàan tè kmɔ̌ sie kokoɛ̌ blɛɛa ä je keǒ äa kpni kukwǐi tè mɔ̀, Nyesoa nyea ä kmɔ̌ sie fònfno keǒ äa tè wlò popoɛ ä kɔnʼɔ klě Tentǎn Jǔ mǒ ɛɛ tè mɔ̀. Nyesoa kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀, ii tè a gblàe le klě aa kpni kukwǐi tè jɛɛa bobo.

Klasɔ̌n 2:13

A kɔna pnɔ kpni kukwǐ plě Tentǎn Jǔ sea aa dɛ kukǔ kmɔ̌ foeě bɛ̌, dɛǒ nɛ̀ kɔn tè a mooa pnɔ kokǒ nyo klě Nyesoa jǐ kɛn. Kɛɛ Nyesoa nu a klee Tentǎn Jǔ ǎ ne kmɔ̌ Ɔ̌ poo äa kpni kukwǐ wùɛɛ tè wlò le

1 Timɛtě 5:6

Kɛɛ koti nynɔà nee kmɔ̌ sosǒ keǒ bɔ̈ bloo ɔɔ chɛ̀ɛ plɔ, kàan tè ɔɔ chɛ̀ neě jè kmɔ̌, kɛɛ ɔɔ Nyesoa dɛɛ kmɔ̌ neneɛ kǒ lo.

Jìmǐse 2:26

Dɛɛ doǒ nɛ̀ ɛ mono, keǒ fǒ nuu bo sùsu bɛ̌ slě ɛɛ mǒ ne ɛ̌ kwěe, kě nyu wùɛɛ tè wlò popoɛ ni, bo kàan dɛ bɛ̌ se ɛ debo mǎ, ɛ se tè wlò popoɛ.

1 Pitɛ̌ 1:11

U tɛ̀na ɛ mǒ bu pɔ̀nʼa ɛ le tǐ tae ɛ miaa tùɔn kpaeba klee ke tae ɛ miaa tùɔn kpokpa numa. Ngmà Je Ne Sùsu Nɛ̀ niiaě u konkwa mǒ. Ɛ sɛ̀a ɛ wan ɛ̈ kwɛɛaǒo sònwɛ jejeɛ̌ jleě mǒ bo ɛ̈ Tentǎn Jǔ mia lěe slè tìe bɛɛ̌ba klee tè jǐ boaboǎ neaǒ ɛmoo sònwɛ jejeɛ̌ǒ demǒ.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:12

Nyopòǒ u wǒ je dɛà paa mnǒ ɛ̈ mǎǒo tà bo klě amo Tentǎn Jǔu wǎnʼa mɔ̀ betee dɛ dila mǒ, uu dɛ kukǔu tònwe ně nu nu, u tùi uu chɛ̀ jǐ mɔ̀ sosǒ. U se dɛ mǒ ne wòje nukpě ï fèflɛ pee kwa le nǔ ně sɔn lěe wlòmo. U wǒ je tià ii tǐ bǐ nyniǒo keǒ bï too iǐ too bui plě ǔ wǒ je tià u sàa wlò ï kǒo kpǎkpǎ.

Wlɛ̀velesɔ̌n 1:11

kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 1:16

Ɔ blěa kwa jɔtnèe nyiɛta klě Ɔɔ dilǎ son mɔ̀ plě panʼà wɛ̌nʼɛ ɛ̈ kɔnʼɔ jǐi sɔ̌n ɛ̌ sonwɛaě Ɔ wan mǒ. Ɔɔ jigbà wnea wòje keà wɛn wulee blǒ mǒ ɛ fɛnʼɛ.

Wlɛ̀velesɔ̌n 1:20

Jɔtnèe nyiɛtaǒ jèe ï neɔ Mǒo dilǎ son mǒ klee nǎpea tii nyiɛtaǒ, dɛ i sɛ̀nʼɛ nynɛ̌ nɛ̀ moo jɔtnèe nyiɛtaǒ nì nynaǒ pènmo bo najiǒpòo nyiɛta ü nynaǒo Tentǎn Jǔu wǎn kpɛɛ nyiɛta pènmo bo. È nǎpea tii nyiɛtaǒ nì nynaǒ pènmo bo Tentǎn Jǔu wǎn kpɛɛ nyiɛtaǒ.”

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 2:19

Ě ji dɛ a nii ni. Ě ji ɛle a noɛɛ neě mǒ no klee tùonyopo plě ǎ kɔn tè wlò popoɛ klěě mǒ klee ǎ niniǐ konkwa mɔ̀, è a kɔn wlò dbadbǎ klě tǐ jakě slè plě a ni noǎ fòfoa klě tǐà wlòmo keǒǒ mɔ̀ ɛ̌ sìnʼǒ noǎ a niaa mǒ klekle.

Wlɛ̀velesɔ̌n 2:2

Ě ji dɛǒ a nuu nu, keǒ a nuě kbě le popoɛ a nuu konkwa nunuɛ klee ke a nuu wlò dbadbǎ konkɔn. Ě ji ɛle ɛ̈ moo a se dɛ kukǔ nu nyo sòa plě a tɛ̀n nyopòà měne ü see Nyesoaa tuposà kpa nyo ü je u moo ɛɛ plě a jě ɛ ɛ̈ moo u moo sen le tmɔ̌ nyo.

Wlɛ̀velesɔ̌n 2:9

Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.

Wlɛ̀velesɔ̌n 3:15

Ě ji dɛǒ a nii ni, a se wlɔɔ lo plě a se smuu nu klě Nyesoaa konkwa nunuɛ mǒ. Ně wlò jlɛ̌ ba monoo ii sɔ̌n wùɛǒ i dɛɛ do,

Wlɛ̀velesɔ̌n 3:2

A sɔn mǒ, dɛǒ a blěe jèe kwa a po ɛ kbě ja le ɛ̈ di ɛɛ numa ɛɛ̌ se kǒ. Mɛ̌oǒ joo nɛ̀ moo Ě se dɛ jě ɛ̈ a nuu bɛ̈ monoo mɔ̀le snǎ dɛ klě Ně Nyesoa jǐ kɛn.

Wlɛ̀velesɔ̌n 3:8

Ě ji dɛ a nii ni plě Ě ji ɛle ɛ̈ moo a se kpě fòe blě, kɛɛ a tùǒ Ně win bo klee a sěɛlǎ Ně nynɛ̌ɛ tè mǒ chnɛ̀. Tèǒ nì kɔn tè Ě nye a fɔ̌ keǒ ba nunuǔ konkwa mɔ̀ ɛ̈ nyu wùɛ slě wɔ̀ bɔ sà amoo kwa.

Wlɛ̀velesɔ̌n 4:5

Tɛ̀nʼɛ ngmnengmnɛ̌ klee ɛɛ klukwlɛ klě win fòe mǒ klee ɛɛ de pnapnǎ nì sonwɛaě klɔ̀ba gbèsɛɛǒ mɔ̀ mǒ. Keǒ gbèsɛɛǒ nya keǒ wnewne nǎpea tii nyiɛta nynanaǒ bo ï nynanaǒo Nyesoaa Sìsii nyiɛta pènmo bo.

Wlɛ̀velesɔ̌n 5:6

È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,