Wlɛ̀velesɔ̌n 22:7 - Nyesoaa Kuo Win Jajle

⁷ Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”

Wlɛ̀velesɔ̌n 22:7 ပူးပေါင်းရင်းမြစ်များ

Wlɛ̀velesɔ̌n 1:11

kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 1:3

Nyuà mii Nyesoaa wnɔsà winʼà slèba ɔ kɔn ngmna, dɛɛ doǒ nɛ̀ ɛ mono keǒ nyopòà mi nii wɔ̌nma plě ü mi nii kàan tè poba mɔ̀ ï kɔn tè chleě lee kělɔ chněedɛ̌ɔ wlòmo. Mɛ̌oǒ joo nɛ̀ moo tǐ mǎ bo je keǒ noǎ wùɛà bi kpa tùɔn.

Wlɛ̀velesɔ̌n 16:15

Bi beě a wlòmo kě Jùsu dǎla Ɔ je, “A tanà le, tǐà a se Mǒo snǔ mɔ̀le pɔ̀ɔnma mu nì Ě miě jaba wòje jliɔ̌. Ɛ moo ngmna keǒ nyopòà mɔ̀ ü neěe gbɛ̀ɛa wlòmo ü uu wlawlě miěe mǒ nema ü wɛ̀ɛ mɔ̀le ɛ̈ di ɛɛ numa uǔ dii gblàgblo le nae ne tònwe iǐ di uu nu.” (Mt 24.42-44, Lk 12.36-40)

Wlɛ̀velesɔ̌n 2:16

A kɔn ba bitǐ aa wlè bo, nɛ̀ bǎ se nu, Ě miě a mɔ̀ diba pase Ě mǐ pan nu ɛ̈ sonwɛ Mǒo wan mǒ Ě mǐ a mɔ̀ wɔ̀n.’

Wlɛ̀velesɔ̌n 22:12

Jùsu je, “A tanàle, Ě miě diba pase! Ě miě Ně snǒ sàe dɛ snǔ mǒ jaeba, Ě mǐ nyu wùɛ blěe dɛ ɔ nuu ɛɛ snǒ ɔ̀ sà ɛ̈ blɛɛ ɔɔ je.

Wlɛ̀velesɔ̌n 22:18

Mǒ Jɔ̀ɔ̌nʼà tbɛ nyu wùɛ saěn ɔ̈ wɔ̌nʼɔ wnɔsà winʼà neɔɔ chněedɛ̌ɔ wlòmo. Bɛ̌ nu nyu wùɛ bɔ̌ po imo winʼà dɛ dlǒ mǒ, Nyesoa mi ɔɔ wan le pae noǎ kɛn le popooba ï kɔn tè boɔɔ loo kělɔ chněedɛ̌ɔ wlòmo.

Wlɛ̀velesɔ̌n 22:19

È bɛ̌ nu wnɔsà winʼà neɔɔ chněedɛ̌ɔ wlòmo nyu wùɛà mi nii dɛ kɛn sàba, ɔ blěe wakǎǒ ɔ kɔn lěe fònfno tuu buoǒ jleě mǒ klee klě dě fòɛǒ wlòmo ɛ̈ kɔn tè boɔɔ loo kɛn kělɔ chněedɛ̌ɔ wlòmo, Nyesoa mi ni ɔ̀ kwa sàba.

Wlɛ̀velesɔ̌n 22:20

Jùsuà te imo noǎà ämo je, kě Ɔ dǎ Ɔ je, “Sɛjesɛ, Ě miě diba pase!” Koɔn Jùsu diě, kě bɛ ne.

Wlɛ̀velesɔ̌n 22:21

Nɛ bo Koɔn Jùsuu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ aa wùɛ mɔ̀ bɛ muu nya, kě bɛ ne!

Wlɛ̀velesɔ̌n 3:11

Ě miě diba pase, ii tè aa tè wlò popoɛǒ a kɔnʼɔ a blěǒ ɛ mɔ̀ kwa ɛ̈ di ɛɛ numa nyu tɔ̀ɔ ɔɔ̌ se aa snǒ sàe dɛǒ kpa.

Wlɛ̀velesɔ̌n 3:3

Tèǒ nì kɔn tè bi beě a wlòmo, dɛà a wɔ̌nʼɔ plě a chěnʼe a tùǒ ɛ bo a mǐ aa wlè bo bitǐ. Kɛɛ bǎ se ɛ nu, keà jlǐ nyu diěe nyu ně ji ɔɔ tè, kě Ě miě didiɛ numa, a se tǐǒ Ě miě jaba jiba mu.