Wlɛ̀velesɔ̌n 22:4 - Nyesoaa Kuo Win Jajle

⁴ U mi Nyesoaa jigbà jěba, è Ɔɔ nynɛ̌ mi chleěba keǒ uu jigbèe gblee wnana mǒ.

Wlɛ̀velesɔ̌n 22:4 ပူးပေါင်းရင်းမြစ်များ

Matiɔ̌n 5:8

Ɛ moo ngmna keǒ nyopòà mɔ̀ ü kɔn wlè snǎ lěe kɛne. Mɛ̌oǒ joo nɛ̀ moo nù miǎ Nyesoa jěba.

Jɔ̀ɔ̌n 12:26

Bɛ̌ nu nyu wùɛ bɔ̌ keě konkwa mɔ̀ nii ni, ɔ kɔn bɔ naǎ de ɛ̈ di ɛɛ numa tà Ě neěe ɔ miǎ lě ne. Ně Gbeǐ miǎǒ nyuǒ ɔ̈ nii Mǒo konkwa mɔ̀ tùtuɛ nyema.”

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

1 Kwnɛtiɛ̌ 13:12

Klě tǐà wlòmo äǎ jě Nyesoa tɛɛ wòje ke ä ni äa chɛ̀ jejeɛ̌ klě jělaě wlòmo, kɛɛ ä miǎ Ɔ jěba Ɔ klee ämo ä miǎ jeja popoo lo. Klě tǐà wlòmo dɛ wùɛ ɛ̈ kwɛɛǒo Nyesoa jleě mǒ bo Ě ji ɛɛ wakěe tìe sosǒ. Kɛɛ Ě miǎ noǎ wùɛ jiba keǒ Nyesoa jleě mǒ wòje keǒ Ɔ nuu noǎ wùɛ jijiɛ kěàǎ jleě mǒ.

Hiblǔ 12:14

Nyu wùɛ ɔ̈ see ngmà je ne, ɔ se Koɔn Nyesoa jěba mu. Ii tè a tɛ̀n ɛ mǒ keǒ ně bo wnawna bɛ neǒ a klee nyopò tùu slè plě a tɛ̀n ɛ mǒ keǒ ba ne ngmà je.

Wlɛ̀velesɔ̌n 14:1

È tà Ě keaǒo le tɛn, Ě jěa Blajǔǒ Ɔ̌ nynana bo keǒ Sàna togbee dlǒ. Nyopòǒ neaǒ Ɔɔ gbàa u nua taslěwɛɛ wlèe nyiɛta tùo hɛ̀n (144,000), u blěa Ɔɔ nynɛ̌ plě u blěa Ɔɔ Gbeǐi nynɛ̌ ɛ̈ chleěaa keǒ uu jigbàa gblee wnana mǒ.

Wlɛ̀velesɔ̌n 3:12

Nyu wùɛà mii duduɛ kɔnma, nɔ̀ Ě mi Ně Nyesoaa kǎ fòɛɛ tiblě mǒ numa plě ɛmoǒ ɔ se ɛ bo tetɛ kɔnma mu de. Ě miǒ ɔ Nyesoaa nynɛ̌ kɛn chlěba klee Ɔɔ dě fòɛɛ nynɛ̌ ɛ̈ monoo Jlǔsnɛ jajlo ɛ̈ miě Ɔɔ mɔ̀ mǒ sɔnma klě jɔkɛn ɛ̈ miɔɔ wɔ̀ɔn diba. Ě miě ɔ kɛn Ně nynɛ̌ jajlo chlěba ke.’

Wlɛ̀velesɔ̌n 7:3

È kě ɔ dɛ̌a u je ɔ je, “Aǎ ni blǒà dɛ mǒ klee jbǒ klee ti wùɛ ɛ mǐ ɛ kpa kpa Nyesoaa nyebajle klee nynejlu wùɛ ä mǐ u Ɔ̀ɔ sluu kɛn ble mǎ keǒ uu jigbàa gblee wnana mǒ.”