Wlɛ̀velesɔ̌n 22:3 - Nyesoaa Kuo Win Jajle

³ Dɛà Nyesoa cheaě lěe le ɛ slě diěǒ wlòmo ne. Nyesoa klee Blajǔu klɔ̀ba gbèsɛɛ mi tùɔn kɔnma klě ɛ wlòmo, Nyesoaa nyebajle klee nynejlu mǐ Ɔɔ wɛ̀ sà.

Wlɛ̀velesɔ̌n 22:3 ပူးပေါင်းရင်းမြစ်များ

Matiɔ̌n 25:21

È kě ɔɔ chì kpa ämo dɛ̌a ɔ je ɔ je, ‘Pòě le kbě dɔ̌, mòo kàan sèn bo mǎ nyebajlo. Ke ɛ toon jleě mǒ bo è mǎ lěe sèn bo keǒ noǎ chěnchaǐi tè mɔ̀, ii tè Ě miì numa mì noǎà kɔn tè kmaa win kwa kɔn. Diě ä miǒ plɔɔ bloblɛ tàa do kɔn no.’

Matiɔ̌n 25:41

È kě Ɔ miǎ nyopòǒ neɔɔ gbàpe son mɔ̀ je dǎba, ‘A sɔnʼǒǒ jemǒ, kmɔ̌ sie na slèe chlǒ nɛ̀ neǒ a kɛn ɛ̈à wɛ̀ɛ mɔ̀le keǒ kǔ klee ɔɔ nablewa mɔ̀.

Jɔ̀ɔ̌n 12:26

Bɛ̌ nu nyu wùɛ bɔ̌ keě konkwa mɔ̀ nii ni, ɔ kɔn bɔ naǎ de ɛ̈ di ɛɛ numa tà Ě neěe ɔ miǎ lě ne. Ně Gbeǐ miǎǒ nyuǒ ɔ̈ nii Mǒo konkwa mɔ̀ tùtuɛ nyema.”

Jɔ̀ɔ̌n 13:32

Bɛ̌ nu Jbɛjuu Jǔà Bɔ̌ nye Nyesoa tè jǐ boaboǎ, è Nyesoa mi Ɔ tè jǐ boaboǎ nyema ke. Ɛmo tè jǐ boaboǎǒ Nyesoa mi ɛ Ɔ̀ nyema pase.

Jɔ̀ɔ̌n 14:3

Bɛ̌ nu Bo mu de klě Ně Gbeǐ mɔ̀, Boǒ wɔ̀ tùɔn mɔ̀le keǒ a mɔ̀, Ě mi de diba Ě mǐ a kpa a miǒǒ gbàa bo ne ɛ̈ di ɛɛ numa tà Ě neěe a mǐě ne.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Wlɛ̀velesɔ̌n 7:10

U pnɛ̌a dɛ jleě le, kě u dɛ̌ u je, “Äa wowa dɛ sɔnʼě mǒ äa Nyesoa mɔ̀ Ɔ̈ neǒo klɔ̀ba gbèsɛɛǒ kɛn bo klee klě Blajǔ mɔ̀!”

Wlɛ̀velesɔ̌n 7:9

Tà dɛǒ ɛ sìnʼaa, Ě keaǒ le tɛn Ě jěa diblɛ̌ fòfoa ü sea lěe slèslɛ wɔ̀, nù sonwɛa dakwɛ̌ wùɛ mɔ̀ měne klee blě wùɛ kɛn le klee nyopò wùɛ slè le plě nyopò wùɛà pee dɔ̌ɔdɔ̌ win nù nynanaǒ Blajǔǒ Ɔɔ klɔ̀ba gbèsɛɛ jemǒ bo, u pea wlawlě plǐ pɛ̀ti ǔ blěa snɛwɛi kwa le.