Wlɛ̀velesɔ̌n 22:19 - Nyesoaa Kuo Win Jajle

¹⁹ È bɛ̌ nu wnɔsà winʼà neɔɔ chněedɛ̌ɔ wlòmo nyu wùɛà mi nii dɛ kɛn sàba, ɔ blěe wakǎǒ ɔ kɔn lěe fònfno tuu buoǒ jleě mǒ klee klě dě fòɛǒ wlòmo ɛ̈ kɔn tè boɔɔ loo kɛn kělɔ chněedɛ̌ɔ wlòmo, Nyesoa mi ni ɔ̀ kwa sàba.

Wlɛ̀velesɔ̌n 22:19 ပူးပေါင်းရင်းမြစ်များ

Lǔkù 11:52

Chlǒ keǒ amo teteǎ tee nyo mɔ̀. Mɛ kɔɔ̌n tèǒ joo nɛ̀ moo Nyesoaa tè le jbojbɛɛ gbàadɛ̌ nɛ̀ a sà nyopò tùu kwa. È aa chɛ̀ a se paba mu plě ǎ kenkɛɛ nyopò tùu je le ü jlɛ̌ bu paa.”

Wlɛ̀velesɔ̌n 1:3

Nyuà mii Nyesoaa wnɔsà winʼà slèba ɔ kɔn ngmna, dɛɛ doǒ nɛ̀ ɛ mono keǒ nyopòà mi nii wɔ̌nma plě ü mi nii kàan tè poba mɔ̀ ï kɔn tè chleě lee kělɔ chněedɛ̌ɔ wlòmo. Mɛ̌oǒ joo nɛ̀ moo tǐ mǎ bo je keǒ noǎ wùɛà bi kpa tùɔn.

Wlɛ̀velesɔ̌n 11:2

Kɛɛ kǎ fòɛǒ ɛɛ pàntoǒ ɛ kɔnʼǒ kuodakwɛ̌ mɔ̀ ü mii ngmà je ne diěà batě kɛn ble tùba klě jlěe tan ne bɔ̀tie le wlòmo, tèǒ nì kɔn tè nè dbe ɛ.

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 14:13

È Ě wɔ̌na win ï sɔnaěe jɔkɛn mǒ ï boɛaě mǒo mɔ̀, kě i dɛ̌a i je, “Chlě dɛà, sɔɔnʼà tǐà jleě mǒ nyopòà kɔnʼɔ tè wlò popoɛ klě Koɔn mǒ ü kǒo, u kɔn ngmna. Kòo Nyesoaa Sùsu tmɛɛ̌ ämo ɛ̈ moo, u mi fɛba keǒ uu konkwa mɔ̀ ɛ̈ u dǔaa nunuɛ mǒ. Mɛ̌oǒ joo nɛ̀ moo kàan dɛǒ sɔnʼě uu konkwaǒ wlòmo ɛ mi u de nama keǒ Nyesoa jemǒ.”

Wlɛ̀velesɔ̌n 2:11

Nyu wùɛ bɔ̈ kɔn nɔkǔ, è bɔ po dɛǒ Ngmà Je Ne Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopòǒ mii duduɛ kɔnma klě uu tǐ jakě slè, sɔ̌n nenɛ kokoɛ̌ slě u dɛ jleě mǒ numa mu.”

Wlɛ̀velesɔ̌n 2:26

Nyu wùɛ ɔ̈ mii duduɛ kɔnma klee ɔ̈ miǒ Něe kɛn wɔɔn dɛ bo tùba ɛ mǐ ɛɛ kpa kpa ɛ miǎě ɛɛ dlǒ chlɛ̀ɛa mǒ nyni, nɔ̀ Ě miǎ kpě nyema ɔ̈ miǎ dakwɛ̌ win kwa kɔnma

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 21:2

Ě jěa ngmà je ne diě ɛ̈ moo Jlǔsnɛ jajlo ɛ̌ sonwɛaě jɔkɛn mǒ klě Nyesoa mɔ̀ ɛ̌ diaɔ wɔ̀ɔn. U wɔ̀a ɛ mɔ̀le wòje keà tǐnma nynɔ pee jǐlenmɔ dale měne ɔ mi ɔɔ jbe je mɔ̀ɔma.

Wlɛ̀velesɔ̌n 21:5

È Nyuǒ neaǒo gbèsɛɛǒ kɛn bo kě Ɔ dɛ̌a Ɔ je, “Klě tǐà wlòmo Ě pe noǎ wùɛ měne jajlo!” È Ɔ tmɔɔ̌a mǒ Ɔ je, “Chlě ɛ ɛ̈ moo winʼà neɔɔ chněedɛ̌ɔ wlòmo i moo kàan tè plě i mi tùɔn kpaba, i se kplɛ.”

Wlɛ̀velesɔ̌n 22:12

Jùsu je, “A tanàle, Ě miě diba pase! Ě miě Ně snǒ sàe dɛ snǔ mǒ jaeba, Ě mǐ nyu wùɛ blěe dɛ ɔ nuu ɛɛ snǒ ɔ̀ sà ɛ̈ blɛɛ ɔɔ je.

Wlɛ̀velesɔ̌n 22:2

ɛ̌ chlìa le klě dě fòɛǒ ɛɛ snǔ fòɛɛ mǒ wuleea mǒ. Klě něǒ ɛɛ kponkpěe sɔ̌n wùɛǒ mɔ̀ klě tii sɔ̌nʼà nyee nyopò kmɔ̌ sie fònfno nynaě bo. Klě jlǒ wlòmo i toe wěe pù tùo sɔ̌n, waěe do klě sòbae wùɛ wlòmo, ii wɔ̀nfi nì u nia ǔ peɛnʼa dakɔ̌ wùɛ.

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”

Wlɛ̀velesɔ̌n 3:12

Nyu wùɛà mii duduɛ kɔnma, nɔ̀ Ě mi Ně Nyesoaa kǎ fòɛɛ tiblě mǒ numa plě ɛmoǒ ɔ se ɛ bo tetɛ kɔnma mu de. Ě miǒ ɔ Nyesoaa nynɛ̌ kɛn chlěba klee Ɔɔ dě fòɛɛ nynɛ̌ ɛ̈ monoo Jlǔsnɛ jajlo ɛ̈ miě Ɔɔ mɔ̀ mǒ sɔnma klě jɔkɛn ɛ̈ miɔɔ wɔ̀ɔn diba. Ě miě ɔ kɛn Ně nynɛ̌ jajlo chlěba ke.’

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’