Wlɛ̀velesɔ̌n 22:18 - Nyesoaa Kuo Win Jajle

¹⁸ Mǒ Jɔ̀ɔ̌nʼà tbɛ nyu wùɛ saěn ɔ̈ wɔ̌nʼɔ wnɔsà winʼà neɔɔ chněedɛ̌ɔ wlòmo. Bɛ̌ nu nyu wùɛ bɔ̌ po imo winʼà dɛ dlǒ mǒ, Nyesoa mi ɔɔ wan le pae noǎ kɛn le popooba ï kɔn tè boɔɔ loo kělɔ chněedɛ̌ɔ wlòmo.

Wlɛ̀velesɔ̌n 22:18 ပူးပေါင်းရင်းမြစ်များ

Matiɔ̌n 15:13

È Jùsu tùa u kɛ̀ɛn Ɔ je, “Dodɔ̌ dɛ wùɛà Ně Gbeǐǒ neěe jɔkɛn Ɔ see dɔ̌, Ɔ mi ɛ be ngmɛ̀ɛ bo mǎma Ɔ mǐ ɛ wlò sà.

Ifisiɛ̌n 4:17

Tèǒ nì kɔn tè klě Koɔnʼɔ nynɛ̌ wlòmo Ě tbɛ a saěn, ba bɔ̌ kmɔ̌ neneɛ wòje kuodakwɛ̌ ü nee kmɔ̌ keǒ uu dɛ kukǔ dlǒ le sìɛnsiɛn ɛ̈ see dɛ mǒ ne ni ɛɛ jejeɛ̌.

1 Tɛseloniǎ 4:6

Keǒ ɛmo kmɔ̌ taeǒ ɛɛ dɛ kɛn, aa nyu wùɛ ɔɔ̌ wlɛ̌ tè keǒ nyopò tùu mɔ̀ plě ɔɔ̌ jlǐǒ u kɛn. Mɛ kɔɔ̌n tèǒ joo nɛ̀ moo Koɔn miǎǒ nyopòǒ uu plɔ tu kɛn bo maěma tǐ wùɛ mɔ̀ ü ni ɛmoo dɛ kukǔ taeǒ wòje ke ä nua amoo tmɔɔ̌a klee ä nua amoo wlò je wowa.

Wlɛ̀velesɔ̌n 1:3

Nyuà mii Nyesoaa wnɔsà winʼà slèba ɔ kɔn ngmna, dɛɛ doǒ nɛ̀ ɛ mono keǒ nyopòà mi nii wɔ̌nma plě ü mi nii kàan tè poba mɔ̀ ï kɔn tè chleě lee kělɔ chněedɛ̌ɔ wlòmo. Mɛ̌oǒ joo nɛ̀ moo tǐ mǎ bo je keǒ noǎ wùɛà bi kpa tùɔn.

Wlɛ̀velesɔ̌n 15:1

Ě jěa wlòlekaen je te dɛ fòɛ tɛ̀ɛ de klě jɔkɛn, ɛ mooa najiǒpòo nyiɛta ü blěaa demǒ bɔɔ̌ sònwɛ jěe noǎa nyiɛta kwa, nù kɔn dɛ bɛ wɛ̀aǒo le, è Nyesoaa jlo nɛ̀ǒ sieaǒ.

Wlɛ̀velesɔ̌n 15:6

è najiǒpòo nyiɛta nùǒ pěa ǔ blěa nyopò dɛ wan le pae noǎa nyiɛtaǒ klee ǔ pea dale plǐ měne plě klòo jlǐ papɔ̌ bɛɛ̌aě u kekeě jleě tìe le.

Wlɛ̀velesɔ̌n 19:20

Klě toǒ kɛn nmiǒ ɔ kmeea ne, dɛɛ doǒ nɛ̀ mooa sen le tmɔ̌ wnɔsàɔǒ ke ɔ̈ niaa wlòlekaen noǎ keǒ nmiǒ mɔ̀ ï booa nyopò mǒ ü kɔnaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀. Nmiǒ ɔ klee sen le tmɔ̌ wnɔsàɔǒ u kɛ̀na kmɔ̌ bo ǔ tuǔnʼaě u naa wulǒ mǒ ɛ̈ wnewne seɛ̌ jǐaa je.

Wlɛ̀velesɔ̌n 20:10

È kǔǒ boo uu mǒ ɔ miě na wulǒ mǒ pooba ɛ̈ jǐi wnewne seɛ̌ jele, klě tàa doǒ nmiǒ ɔ klee sen le tmɔ̌ wnɔsàɔǒ u pooa lěe. Klě u miě nema u mǐ tu kɛn tùu lu tǒn klee chnɛ̀ ke ɛ mii jleě mǒ bo tonma.

Wlɛ̀velesɔ̌n 20:15

Bɛ̌ nu nyuu nynɛ̌ bɛ̌ sea chleě le klě fònfno chněedɛ̌ǒ wlòmo, na wulǒǒ nɛ̀ kɔn mǒ u tunwiǐaě ɔ.

Wlɛ̀velesɔ̌n 22:10

È ɔ tmɔɔ̌a mǒ ɔ je, “Tǐ konwǎ mɔ̀ keǒ wnɔsà winʼà neɔɔ chněedɛ̌ɔ wlòmo bi kpa tùɔn, ii tè nè wɛ̌ li.

Wlɛ̀velesɔ̌n 22:16

Mǒ Jùsu Mǒà dbo Ně najiǒpòi bɔ tmɔɔ̌ amo noǎ wùɛà ii tè keǒ Tentǎn Jǔu wǎnʼa kàan dɛ mɔ̀. Mǒ moo Klɔ̀ba Dèběsee jlǔu Jǔ Ɔ̈ u dɛ lee Dɛɛ Mǎ klee Kènta Jɔtnàe Ɛ̈ fɛnʼɛ.”

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”

Wlɛ̀velesɔ̌n 22:9

Kɛɛ kě ɔ dǎlaǎ je ɔ je, “Bɔ̌ ɛ nunuɛ, Ě moo Nyesoaa nyebajlo wòje keǒ mò klee bìì Nyesoa nyoo ka nee je ü moo Ɔɔ wnɔsàɔpo plě klee nyopò wùɛ ü poo winʼà neɔɔ chněedɛ̌ɔ wlòmo ii tè kàan tè. Sà Nyesoaa wɛ̀, nè sɛ̀ ně wɛ̀!”

Wlɛ̀velesɔ̌n 3:14

Jùsu kpɛɛa Ɔɔ win nya Ɔ je, “Chleě najiǒpòià mɔ̀ ɔ̈ nynaǒo Tentǎn Jǔu wǎn pènmo bo ü neěe dě fòɛǒ moo Lodisìa kɛn, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà u dɛɛ Kě Bɛ Ne Ɔ̈ moo Wlò Kpae Nyu plě Ɔ̈ moo Kàan Sàse Ɔ̈ kɔnʼɔ Nyesoaa noǎà Ɔ nuu win kwa.