Wlɛ̀velesɔ̌n 22:16 - Nyesoaa Kuo Win Jajle

¹⁶ Mǒ Jùsu Mǒà dbo Ně najiǒpòi bɔ tmɔɔ̌ amo noǎ wùɛà ii tè keǒ Tentǎn Jǔu wǎnʼa kàan dɛ mɔ̀. Mǒ moo Klɔ̀ba Dèběsee jlǔu Jǔ Ɔ̈ u dɛ lee Dɛɛ Mǎ klee Kènta Jɔtnàe Ɛ̈ fɛnʼɛ.”

Wlɛ̀velesɔ̌n 22:16 ပူးပေါင်းရင်းမြစ်များ

Matiɔ̌n 1:1

JDɛà nɛ̀ moo Tentǎn Jǔ Jùsuu tè, ke ɔ nuěe klɔ̀ba Dèběse klee Eblɛ̌hɛ̀mo uu gbeǐpò dlě slè konkɔn.

Matiɔ̌n 2:2

“È tà Jijlǎeà Ɔ neě kɛ Ɔ̈ moo Jùwɛ nyoo Klɔ̀ba? Ä kɛ̀nʼě wɛnʼɛ kwlǎ mǒ wǒla mǒ bo ä jě Ɔɔ jɔtnàe, tèǒ nì kɔn tè ä diě ä mǐ Ɔɔ wɛ̀ sà.”

Matiɔ̌n 22:42

“Mɛ monoǒ kɛ aa dlǒ mɔ̀le sìɛnʼɛ dɛ keǒ Nyesoaa Tentǎn Jǔu tè mɔ̀? Mɔ kɔɔ̌n kɛ jlǔu Jǔ aa wlò je Ɔ monoǒ?” U tùa Lɔ kɛ̀ɛn u je, “Ɔ moo klɔ̀ba Dèběsee jlǔu Jǔ.”

Matiɔ̌n 22:45

È tà Dèběse keaa Tentǎn Jǔ Koɔn dɛɛ le, ke tae Ɔ nuǔ kɛ ɔɔ jlǔu Jǔ tùtuɛ?”

Lǔkù 1:78

Äa Nyesoa moo Wɔle Je Jbo Nyu Ɔ̌ nu kàan. Tèǒ nì kɔn tè Ɔ nu wowa dɛ ɛ̌ wɔ̀le ɛ keǒ tùonyugbe mɔ̀ Ɔ̌ nu Pepě Bɛ sɔn lě jɔkɛn mǒ Bɛ diɔ ä mɔ̀

Lǔkù 20:44

Tà Dèběse daea kɛɛ Tentǎn Jǔ ɔɔ Koɔn, è ke Ɔ nuǔ ɔɔ jlǔu Jǔ tùtuɛ sosǒ?”

Wlǔmɔ 15:12

Nyesoaa wnɔsàɔ Aesaeǎ boɔla ɛle ke seela tǐ jleě ɛ̈ moo, “Ɛ kɔn Nyu miǎ lěe jbɛjuǒ moo Jɛ̀sěe ɔɔ jlǔu jlǔ slè diiba Ɔ̈à Nyesoa miǎ kpě nyema Ɔ̈ miǎ kmɔ̌ ne nyopò win kwa kɔnma, è kuodakwɛ̌ miǎ wlò je kunkuɛn kɔnma keǒ Ɔɔ tè mɔ̀.” (Is 11.10)

Wlǔmɔ 9:5

Nù moo äa gbeǐpòo jlǔu jlǔ. Klě tùonyu tǔn mǒ Tentǎn Jǔ moo u nyuu do ke. Nɛ bo Nyesoa Ɔ̈ neěe noǎ wùɛɛ dlǒ jleě Bɔ kɔn baea tǐ wùɛ mɔ̀, kě bɛ ne.

2 Pitɛ̌ 1:19

Ä jěa noǎà kɔn tè Nyesoaa wnɔsàɔpo sàlaa wan ǐ kpala tùɔn. Ɛ miǎ tɛɛ numa bɛ̌ nu bǎ po imo noǎǒ nɔkǔ jebo wòje keà pepě fɛnʼɛ klě kwijlě slè ɛ̌ kpɛ lɛɛ kpɛ chnɛ̀ gbɛ̀ɛ ɛɛ kɛn le tà Tentǎn Jǔ miǎ lěe diba. Nɔ̀ miǎě pepě jaba ɛ̈ wǒo kènta jɔtnàee pepě ɛ̈ miǎa fɔnma keǒ a kɛn.

Wlɛ̀velesɔ̌n 1:1

Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.

Wlɛ̀velesɔ̌n 1:11

kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo

Wlɛ̀velesɔ̌n 2:11

Nyu wùɛ bɔ̈ kɔn nɔkǔ, è bɔ po dɛǒ Ngmà Je Ne Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopòǒ mii duduɛ kɔnma klě uu tǐ jakě slè, sɔ̌n nenɛ kokoɛ̌ slě u dɛ jleě mǒ numa mu.”

Wlɛ̀velesɔ̌n 2:17

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Ě mi nyopòà kɔnʼɔ duduɛ digbaǐà wɛ̌ɛ je ii tìe nyema u mǐ di. Ě mi u seɔ̌ plǔ gbògbae nyema ɛ̈ kɔn kɛn nynɛ̌ jajlo chleěǒo ɛ̈ nyu wùɛ see ji, ɛ̀ sìnʼǒ nyuu doǒ kmee seɔ̌ǒ jebo.”

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 22:1

È najiǒpòiǒ ɔ teeaǎ ně sakaě ɛ̈ nyee nyopò kmɔ̌ sie fònfno. Ɛ snǎnaě mɔ̀le keà jělae ɛ̌ sonwɛaě Nyesoa klee Blajǔu klɔ̀ba gbèsɛɛ mɔ̀ mǒ

Wlɛ̀velesɔ̌n 22:11

Nyu wùɛ bɔ̈ seǒ jebo siǐn ni, bɔ kpae leě jè ɔɔ seǒ jebo siǐanʼǒ nya. Nyu wùɛ bɔ̈ se sìnɛ wɛ̀ bɔ kpae leě jè ɔɔ se sìnɛ wɛ̀ kmɔ̌ǒ nya. Dɛɛ doǒ nɛ̀ ɛ mono, nyu wùɛ bɔ̈ moo jebo siǐn nyu bɔ kpae ɔɔ jebo siǐanʼǒ nya. Nyu wùɛ bɔ̈ ne ngmà je bɔ kpae ɔɔ ngmà je neneɛ nya.”

Wlɛ̀velesɔ̌n 22:20

Jùsuà te imo noǎà ämo je, kě Ɔ dǎ Ɔ je, “Sɛjesɛ, Ě miě diba pase!” Koɔn Jùsu diě, kě bɛ ne.

Wlɛ̀velesɔ̌n 22:6

È kě najiǒpòiǒ ɔ dɛ̌aǎ je ɔ je, “Win wùɛà chlèe i moo wlò kpae dɛ plě ǐ moo kàan. Koɔn Nyesoaà nye Ɔɔ Sùsu Ɔɔ wnɔsàɔpo Nɔ̀ dbo Ɔɔ najiǒpòià bɔ tee Ɔɔ nyebajle klee nynejlu noǎà mii tùɔn kpaba pase.”

Wlɛ̀velesɔ̌n 3:13

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀.”

Wlɛ̀velesɔ̌n 3:22

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀.”

Wlɛ̀velesɔ̌n 3:6

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀.”

Wlɛ̀velesɔ̌n 5:5

È kě kunkunyɔɔ do tɔ̀ɔ dǎlaǎ je ɔ je, “Ma wien, bɔ̌ fìnfiɛn, tanà le, ɛ kɔn Sà Fòɛ Ɔ̈ sɔn lěe dakɔ̌ǒ moo Jùdǎ slè mǒ, Ɔ sɔnʼě klɔ̀ba Dèběsee jlǔ slè mǒ, Nɔ̀ du ɛmo toǒ Ɔ̈ wɔ̀le je Bɔ̈ sàǒ sluu kpɛɛ nyiɛtaǒ chněedɛ̌ǒ je Bɔ̈ kna ɛ je.”