Wlɛ̀velesɔ̌n 22:1 - Nyesoaa Kuo Win Jajle

¹ È najiǒpòiǒ ɔ teeaǎ ně sakaě ɛ̈ nyee nyopò kmɔ̌ sie fònfno. Ɛ snǎnaě mɔ̀le keà jělae ɛ̌ sonwɛaě Nyesoa klee Blajǔu klɔ̀ba gbèsɛɛ mɔ̀ mǒ

Wlɛ̀velesɔ̌n 22:1 ပူးပေါင်းရင်းမြစ်များ

Jɔ̀ɔ̌n 13:32

Bɛ̌ nu Jbɛjuu Jǔà Bɔ̌ nye Nyesoa tè jǐ boaboǎ, è Nyesoa mi Ɔ tè jǐ boaboǎ nyema ke. Ɛmo tè jǐ boaboǎǒ Nyesoa mi ɛ Ɔ̀ nyema pase.

Jɔ̀ɔ̌n 15:26

È Jùsu je, “Wlò Wlòmo Ble Tùɔ̌ Ɔ̈ sonwɛě Něe Gbeǐ mɔ̀ mǒ Nɔ̀ moo Ngmà Je Ne Sùsu Ɛ̈ boɛɛ kàan tè. Ɛ miě Ně Gbeǐ mɔ̀ mǒ sɔnma Ě mǐ Ɛ dbo kělɔ a mɔ̀, è Nɛ̀ mi Ně tè kɛn le sèsaeba.

Jɔ̀ɔ̌n 4:14

kɛɛ nyu wùɛ Ě mii něà nyema ɔ̈ mi ɛɛ nǎma, nenǎ to seǎ ɔ nu kpe. Nyu wùɛ Ě mii něǒ nyema, ɛ mi ně chlolǎe wǒba klě ɔ mǒ, ɛ mǐ ɔ kmɔ̌ sie fònfno nye.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:33

Nyesoa dǔa Ɔ jemǒ Ɔ̌ tùaǒ Ɔ tùɔnʼà kɔnʼǒo tùtuɛ kɛn bo klě Ɔɔ chɛ̀ɛ dilǎ son mɔ̀. Tàǒ keǒ Ɔ jeěaǒ Ngmà Je Ne Sùsuǒ Ɛ̈ Nyesoa pooaě Ɔɔ Ɔ mia Lɔɔ nyema. Ɛmo Sùsuǒ Nɛ̀ Jùsu dbo kělɔ ä mɔ̀, Nɛ̀à a jě plě Ɛ̈ kɔn win a wɛ̌n klě tǐà wlòmo.

Wlɛ̀velesɔ̌n 1:1

Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.

Wlɛ̀velesɔ̌n 21:11

Nyesoaa tè jǐ boaboǎ neaě ɛ wlòmo, ii tè pepě wnea klě ɛ wlòmo wòje jǐlenmɔ kpnekpně noǎa ï jleě nymɛɛ nee mǒ wòje daemɔ̀.

Wlɛ̀velesɔ̌n 21:6

È kě Ɔ dǎlaǎ je Ɔ je, “Dɛ wùɛ ɛ wɛ̀ mɔ̀ no, Mǒà Mǒ moo Dɛɛ Wlò Tùla mǒ klee ɛɛ Dlǒ Chlɛ̀ɛa mǒ, ɛɛ Klekle Nyu klee ɛɛ Demǒ Bɔɔ̌ Nyu. Nyu wùɛà nenǎ to nii, Ě mi ɔ ně nyema ɛ̈ miěe kmɔ̌ sie fònfnoo někàwulo wan mǒ sɔnma ɛ̈ see dɛ poba mu.

Wlɛ̀velesɔ̌n 21:9

È najiǒpòo nyiɛtaǒ blěaa fuii nyiɛtaǒ ï jǐaa sònwɛ jěe noǎa nyiɛta je nù kɔn nyuu do dia lěě mɔ̀, kě ɔ dǎlaǎ je ɔ je, “Diě, Ě mǐì tǐnma nynɔà tee le ɔ̈ moo Blajǔu nynɔ.”

Wlɛ̀velesɔ̌n 22:17

Nyesoaa Sùsu klee nynɔ jajloǒ kě u dɛ̌ a je u je, “A diě!” Nyu wùɛà mi nuu win wɔ̌nma kě bɔ dǎ ke ɛ̈ moo, “Diě!” Nyu wùɛ nenǎ to bɛ̌ ke ni, bɔ diě. Nyu wùɛ bɔ̈ ke něà nyee nyopò kmɔ̌ sie fònfno sòɛ, bɔ nǎ nɛ.

Wlɛ̀velesɔ̌n 22:6

È kě najiǒpòiǒ ɔ dɛ̌aǎ je ɔ je, “Win wùɛà chlèe i moo wlò kpae dɛ plě ǐ moo kàan. Koɔn Nyesoaà nye Ɔɔ Sùsu Ɔɔ wnɔsàɔpo Nɔ̀ dbo Ɔɔ najiǒpòià bɔ tee Ɔɔ nyebajle klee nynejlu noǎà mii tùɔn kpaba pase.”

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’

Wlɛ̀velesɔ̌n 5:13

Ě wɔ̌na noǎ wùɛ ï neaa kmɔ̌ ii win klě jɔkɛn klee kělɔ blǒ mɔ̀ klee klě blǒ bobo plě noǎǒ neěe jbǒ mɔ̀ ǐ blea, kě i dɛ̌ i je, “Keǒ Nyuǒ neǒo klɔ̀baa gbèsɛɛǒ kɛn bo mɔ̀ plě keǒ Blajǔǒ mɔ̀, nɛ bo de bìsea klee bo tùtuɛ klee tè jǐ boaboǎ plě klee kpě bi kɔnʼǒ Ɔ mɔ̀ ke ɛ mii jleě mǒ bo tonma!”

Wlɛ̀velesɔ̌n 5:6

È Ě jěa Blajǔ Ɔ̈ wǒ dɛ u dbǎlaa, Nɔ̀ nynanaǒ klɔ̀ba gbèsɛɛǒ ɛɛ slè bo ɛ̈ kmɔ̌ ne soaa hɛ̀n klee kunkunyoǒ u tbɛɛa dǐ. Ngmèe nyiɛta nì neaǒ Ɛ dlǒ klee jǐi nyiɛta ï nynanaǒo Nyesoaa Sìsii nyiɛta pènmo bo ï Ɔ dboo kělɔ kmɔ̌ wùɛɔ mɔ̀,

Wlɛ̀velesɔ̌n 7:17

Mɛ̌oǒ joo nɛ̀ moo Blajǔǒ Ɔ̈ neǒo klɔ̀ba gbèsɛɛǒ ɛɛ slè bo Nɔ̀ mi uu Jǐ Mɔ̀ Tùɔ̌ mooma. Ɔ miě u něe chlolǎe mɔ̀ kpaba ɛ̈ nyee nyopò kmɔ̌ sie fònfno, Nyesoa miǎ u me wùɛǒ jǐ wɔ̀ɔn le snǎ.”