Wlɛ̀velesɔ̌n 21:8 - Nyesoaa Kuo Win Jajle

⁸ Kɛɛ nyopòà kɔnʼɔ fano klee nyopòà moo nyu bo demǒ sà nyo klee ü kmɔ̌ sòan neěe ja klee mnùngma po nyo klee se wòn mɔ̀ɔ wɛ̀ kmɔ̌ nyo klee sàlesa nu nyo klee nǔkpuǐi wɛ̀ sà nyo plě klee sen le tmɔ̌ nyo wùɛ u miǎ u blěe wakǎ kɔnma klě wnewne seɛ̌ɛ na wulǒ mǒ ɛ̈ moo sɔ̌n nenɛ kokoɛ̌.”

Wlɛ̀velesɔ̌n 21:8 ပူးပေါင်းရင်းမြစ်များ

Matiɔ̌n 10:28

Aǎ pe nyopòà ü dbɛ̌ɛ blǒ fǒ uu fano, kɛɛ ü slě wɔ̀ bü dbǎ aa sùsu. Ɛ̀ sìnʼǒ Nyuu do kɔn fano ba pee Nɔ̀ moo Nyesoa Ɔ̈ wɔ̀le je Bɔ̈ sùe aa blǒ fǒ klee sùsu gbè klě na slè.

Matiɔ̌n 25:25

Tèǒ nì poǒ fano mǒ Ě poa nè wlěà wlò. Jè nè wlě nìà.’

Matiɔ̌n 8:26

Kɛɛ kě Ɔ dɛ̌a u je Ɔ je, “Mɛ kɔɔ̌n tè a peě kɛ fano? Aa tè wlò popoɛ chɛɛ̌n mǒ no!” È Nɔ̀ǒ nynana bo Ɔ̌ tmɔɔ̌a pìpia klee jbodoě bi poa kpee, ìi wùɛ nìǒ tbala bo.

Mǎkè 9:44

tàa chenʼà dii nyopò iǐ kǒ lěe plě na ně chle lěe.

Jɔ̀ɔ̌n 8:44

Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

2 Tɛseloniǎ 2:9

Bɛ̌ nu nyuà ɔ̈ɔ̌ tùǒ teteǎ bɔ̌ diǎlě, Setɛ̀n ɔ̈ moo kǔ sìsi klɔ̀ba nɔ̀ miǎ ɔ kbě nyema ɔ miǎ sen le tmɔ̌ sàlesaa doědoe nu klee wlòlekaen noǎ klee je te noǎ.

1 Timɛtě 4:2

Ɛmo teea taeǒ ɛ sonwɛě mǒ sen le tmɔ̌ ä jěè kɛn ä daà kàan chènyɔ Nyesoa nyo mɔ̀ ü kɔn tèe de jbojbɛ sǔnʼu wòje keà pneě smunǔ siɛnʼɛ dɛ.

Taetɔ̌ 1:16

U je u ji Nyesoa, kɛɛ uu de nu kmɔ̌ nɛ̀ tee ɛ ɛ̈ moo u se Ɔ ji. Jejlae kmɔ̌ klee seǒ nyu tùtuɛ kɔn nì neě u mǒ plě klee u slě wɔ̀ bu nu kàan dɛ wùɛ.

Hiblǔ 12:24

A diɔ Jùsu mɔ̀ Ɔ̈ neǒo Nyesoaa kuo win jajle klee tùonyopo pǎnpe. A diɔ Jùsuu nymɔà gblɛ̀ɛ le mɔ̀ ɛ̈ boɛɛ tɛɛ win ɛ̈ sìnʼǒo Ebòo nymɔ mǒ.

Hiblǔ 13:4

Nyu wùɛ bɔ kɔnʼǒ tintiɛ̌n bo tùtuɛ, è nynɔ klee jbe bu kunkuu wlò je. Mɛ̌oǒ joo nɛ̀ moo Nyesoa miǎ nyopòǒ se wòn mɔ̀ɔ wɛ̀ kmɔ̌ neěe ja klee nyopòà nii wlawle uu plɔ tu kɛn bo maěma.

1 Jɔ̀ɔ̌n 2:22

È mɔ monoǒ kɛ sen le tmɔ̌ nyu de? Ɛ moo nyu wùɛ ɔ̈ chnɛ̀ nii mǒ ɛ̈ moo Jùsu se Tentǎn Jǔ Ɔ̈ Nyesoa peea lěe Bɔ dboaa Ɔ̈ mǐaa tùonyopo gblà klě uu kpni kukwǐi plɔɔ tu kɛn bo maěa bobo. Nyu taeǒ ɔ moo Tentǎn Jǔu jlae nyu plě ɔ sà äa Gbeǐ Nyesoa jleě mɔ̀ klee Ɔɔ Jǔ.

1 Jɔ̀ɔ̌n 3:15

Nyu wùɛà mii nyopò tùu faenma ɔ moo mnùngma poɔ, plě a ji ɛle ɛ̈ moo nyuà moo mnùngma poɔ ɔ se kmɔ̌ sie fònfno kɔn.

1 Jɔ̀ɔ̌n 5:10

nyu wùɛ ɔ̈ mi Ɔɔ Jǔu tè kàan tè poba, ɔ tmɛɛ̌ ɛ nyopò tùu, kɛɛ nyu wùɛà se lii kàan tè poba mu, ɔ jě Nyesoa mǒ sen. Mɛ̌oǒ joo nɛ̀ moo ɔ se dɛǒ kɔn sàse dɛ Ɔ nuu ɛɛ tè kàan tè po.

Wlɛ̀velesɔ̌n 14:10

ɔmoǒ ɔ mi Nyesoaa jloo nmɔ nǎma ke ɛ̈ Ɔ chniǐěe Ɔɔ jloo mǒ naě kàe wan, Ɔ se u wɔle je jboba mu. Ɔ mi na klee wnewne seɛ̌ numa Ɔ mǐ u dɛ wan le pae le keǒ Ɔɔ ngmà je ne najiǒpò klee Blajǔ jemǒ.

Wlɛ̀velesɔ̌n 19:20

Klě toǒ kɛn nmiǒ ɔ kmeea ne, dɛɛ doǒ nɛ̀ mooa sen le tmɔ̌ wnɔsàɔǒ ke ɔ̈ niaa wlòlekaen noǎ keǒ nmiǒ mɔ̀ ï booa nyopò mǒ ü kɔnaa nmiǒ ɔɔ mǎkpee plě ü sɛ̀a ɔɔ sùsu tuu wɛ̀. Nmiǒ ɔ klee sen le tmɔ̌ wnɔsàɔǒ u kɛ̀na kmɔ̌ bo ǔ tuǔnʼaě u naa wulǒ mǒ ɛ̈ wnewne seɛ̌ jǐaa je.

Wlɛ̀velesɔ̌n 2:11

Nyu wùɛ bɔ̈ kɔn nɔkǔ, è bɔ po dɛǒ Ngmà Je Ne Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopòǒ mii duduɛ kɔnma klě uu tǐ jakě slè, sɔ̌n nenɛ kokoɛ̌ slě u dɛ jleě mǒ numa mu.”

Wlɛ̀velesɔ̌n 2:2

Ě ji dɛǒ a nuu nu, keǒ a nuě kbě le popoɛ a nuu konkwa nunuɛ klee ke a nuu wlò dbadbǎ konkɔn. Ě ji ɛle ɛ̈ moo a se dɛ kukǔ nu nyo sòa plě a tɛ̀n nyopòà měne ü see Nyesoaa tuposà kpa nyo ü je u moo ɛɛ plě a jě ɛ ɛ̈ moo u moo sen le tmɔ̌ nyo.

Wlɛ̀velesɔ̌n 21:27

Dɛ kukǔ wùɛ slě diěǒ wlòmo paba mu klee nyu wùɛ ɔ̈ nii tònwe noǎ le klee ɔ̈ tmɛɛ̌ sen, ɛ̀ sìnʼǒ nyopòo doǒ ü kɔn nyneǎ chleě lee klě Blajǔu fònfno chněedɛ̌ǒ wlòmo.

Wlɛ̀velesɔ̌n 22:15

Nyopòǒ slě dě fòɛǒ wlòmo ne u moo gbùo klee sàlesa nu nyo klee se wòn mɔ̀ɔ wɛ̀ kmɔ̌ nu nyo klee mnùngma po nyo klee nǔkpuǐi wɛ̀ sà nyo klee nyopò wùɛà noɛɛ ɛɛ mǒ bü boo loo nyopò tùu mǒ.

Wlɛ̀velesɔ̌n 9:17

Klě slèe wlòmo Ě jěa sòkweǒ klee ii kɛn nae nyo, u kɔna pneě papɛ̌ u mǎnaa wulee ble ï floaa wòje na, è tìe blěa ɛɛ dɛà nuaa blùu wòje seɔ̌ǒ u dɛɛ safàe plě uu tìe blěa ii chomǒ wòje seɔ̌ǒ u dɛɛ sɔfɔ̀. È sòkweǒ ii dlě wǒa sàa dlě, è na klee nǎno klee wnewne seɛ̌ nì sonwɛa lě i wan měne.

Wlɛ̀velesɔ̌n 9:21

Plě uǔ wɔɔn ɛ kɛn keǒ bu bitǐ uu wlè bo keǒ mnùngma popoɛ mɔ̀ klee bu siǒ uu sàlesa kmɔ̌ bo klee uu se wòn mɔ̀ɔ wɛ̀ kmɔ̌ plě uu jlijlǐ kmɔ̌.