Wlɛ̀velesɔ̌n 21:6 - Nyesoaa Kuo Win Jajle

⁶ È kě Ɔ dǎlaǎ je Ɔ je, “Dɛ wùɛ ɛ wɛ̀ mɔ̀ no, Mǒà Mǒ moo Dɛɛ Wlò Tùla mǒ klee ɛɛ Dlǒ Chlɛ̀ɛa mǒ, ɛɛ Klekle Nyu klee ɛɛ Demǒ Bɔɔ̌ Nyu. Nyu wùɛà nenǎ to nii, Ě mi ɔ ně nyema ɛ̈ miěe kmɔ̌ sie fònfnoo někàwulo wan mǒ sɔnma ɛ̈ see dɛ poba mu.

Wlɛ̀velesɔ̌n 21:6 ပူးပေါင်းရင်းမြစ်များ

Jɔ̀ɔ̌n 4:10

È Jùsu tùa ɔ kɛ̀ɛn Ɔ je, “Bò jii dɛ Nyesoa nyee nyopò plě Nyuà Ɔ̈ sòɛ mòo ně, è Nɔ̀ sòaa ně, è Ɔ mii mò něà nyee nyu kmɔ̌ siee fònfno nyema.”

Jɔ̀ɔ̌n 4:11

È nynɔǒ ɔ gbàla Ɔ wan ɔ je, “Kunkunyɔ, tà sè kɛɛ keka blě plě ně bǐtìeà ɛ tmɔ mǒo, è tà Nè kmɔ̌ sie něà ɛ neě kɛ?

Jɔ̀ɔ̌n 4:14

kɛɛ nyu wùɛ Ě mii něà nyema ɔ̈ mi ɛɛ nǎma, nenǎ to seǎ ɔ nu kpe. Nyu wùɛ Ě mii něǒ nyema, ɛ mi ně chlolǎe wǒba klě ɔ mǒ, ɛ mǐ ɔ kmɔ̌ sie fònfno nye.”

Wlǔmɔ 3:24

Kɛɛ Nyesoa kɔn wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ nyopò wùɛ mɔ̀, ii tè Ɔ nu nu bu moo jebo siǐn nyo ɛ̈ see dɛ wùɛ po plě ɛ̈ diiě wowa dɛ mǒ ɛ̈ Jùsu Tentǎn Jǔ ja lěe.

Wlǔmɔ 8:32

Bɛ̌ nu Bɔ̌ sea Ɔɔ chɛ̀ɛ Jǔ son kɛn bo mǎ, kɛɛ Bɔ̌ nyea Ɔ ämo Bɔ̌ kǒa keǒ äa wùɛ mɔ̀, è ke a je Ɔ slě wɔ̀ Bɔ poǒ kɛ Ɔ klee ämoo sɔ̌n ngmna mɔ̀ keǒ noǎ wùɛ Ɔ kɔnʼɔ mɔ̀?

1 Kwnɛtiɛ̌ 2:12

Nyesoa se ä sùsu nye ɛ̈ kɔn nɔɔ kmɔ̌ɔ wlòmo, kɛɛ Ɔ nye ä Sùsuà Ɛ̈ sɔnʼě Ɔɔ chɛ̀ mɔ̀ mǒ. Dɛǒ nɛ̀ nu ɛ ä ji Sùsuu kàan nyee noǎ ï neɔ ämoo slè ï Nyesoa nye ämoo.

1 Kwnɛtiɛ̌ 3:12

Bɛ̌ nu nyu wùɛ ɔ̈ miǒo kǎngmàǒ kɛn klò pooba klee sěbla klee jǐlenmɔ seɛ̌ ï pee wlě fòfoa klee ti klee chnà plě sɛfle,

1 Kwnɛtiɛ̌ 3:21

Ii tè nyu wùɛ nɔ̀ se je blɛɛ le bɔ kun kɛn le keǒ tùonyugbee nunu dɛɛ tè mɔ̀. Sɛjesɛ dɛ tɛ̀ɛ neǒo de nɛ̀ moo noǎ wùɛ kɔnʼǒ a mɔ̀.

1 Kwnɛtiɛ̌ 3:5

Ɛɛ chɛ̀ǒ mɔ monoǒ kɛ Apolò plě mɔ monoǒ kɛ Pɔ̀ɔ̌? Ämoà ä moo Nyesoaa nyebajle ä tee a tè wlò popoɛ keǒ Nyesoa mɔ̀. Ä ni dɛà Nyesoa nye ämoo äa do do bä nuu sosǒ.

Wlɛ̀velesɔ̌n 1:11

kě i dɛ̌a i je, “Chlě dɛǒ jèe klě chněedɛ̌ wlòmo mì ɛ dbo klě Tentǎn Jǔu wǎnʼa tàkpɛ̌ɛ nyiɛtaǒ mɔ̀ ü neěe deě fòeà monoo Ɛfèse kɛn klee Smanà klee Pɔkemɔ̀ klee Taetawlà klee Sɔdè klee Feledɛfìa plě klee Lodisìa!”

Wlɛ̀velesɔ̌n 1:17

Tà Ě jěa Lɔɔ, Ě pɛnaǒ Ɔ be wɔ̀ɔn bo keà nyu kǒo. È Ɔɔ dilǎ son nɛ̀ Ɔ mǎnaǎ kɛn bo, kě Ɔ dɛ̌a Ɔ je, “Fano bɛ bɔ̌ɔ̀ nunuɛ, Mǒ moo Klekle Nyu klee Demǒ Bɔɔ̌ Nyu

Wlɛ̀velesɔ̌n 1:8

Kpě kɛne Koɔn Nyesoa Ɔ̈ ɛ tùaa klee ɛ tùu plě Ɔ̈ miěe diba, kě Ɔ dɛ̌ Ɔ je, “Mǒà Mǒ moo Ɛɛ Wlò Tùla Mǒ klee Ɛɛ Dlǒ Chlɛ̀ɛa.”

Wlɛ̀velesɔ̌n 10:6

È ɔ poa ɔɔ chɛ̀ win kɛn le keǒ Nyesoa mɔ̀ Ɔ̈ nee kmɔ̌ ke ɛ mii jleě mǒ bo tonma, Ɔ̈ nuu jɔ klee noǎ wùɛ neě ɛɛ wlòmo plě Ɔ̈ nuu blǒ klee noǎ wùɛ ï neɔɔ ɛɛ mɔ̀ plě Ɔ̈ nuu jbǒ klee noǎ wùɛ neě ɛɛ mɔ̀, kě ɔ dǎla ɔ je, “Tǐi de le kpokpa tɛ̀ɛ see kɛ̀ǒ nema mu!

Wlɛ̀velesɔ̌n 16:17

È najiǒpòo nyiɛta nonɔǒ ɔ̀ wlǎla ɔɔ fuo bo klě jɔ mǒ, è win jɛ̌a le ï sɔnaěe klɔ̀ba gbèsɛɛǒ mɔ̀ mǒ ɛ̈ nea lěe Nyesoaa kǎ fòɛ bo, kě i dɛ̌a i je, “Ɛ wɛ̀ mɔ̀ no!”

Wlɛ̀velesɔ̌n 22:13

Mǒ moo dɛɛ Wlò Tùla mǒ klee ɛɛ Dlǒ Chlɛ̀ɛa mǒ. Mǒ moo Klekle Nyu klee Demǒ Bɔɔ̌ Nyu, è ɛɛ Wlò Tùtuɛ klee ɛɛ Dlǒ Chlàchla.

Wlɛ̀velesɔ̌n 22:17

Nyesoaa Sùsu klee nynɔ jajloǒ kě u dɛ̌ a je u je, “A diě!” Nyu wùɛà mi nuu win wɔ̌nma kě bɔ dǎ ke ɛ̈ moo, “Diě!” Nyu wùɛ nenǎ to bɛ̌ ke ni, bɔ diě. Nyu wùɛ bɔ̈ ke něà nyee nyopò kmɔ̌ sie fònfno sòɛ, bɔ nǎ nɛ.

Wlɛ̀velesɔ̌n 3:14

Jùsu kpɛɛa Ɔɔ win nya Ɔ je, “Chleě najiǒpòià mɔ̀ ɔ̈ nynaǒo Tentǎn Jǔu wǎn pènmo bo ü neěe dě fòɛǒ moo Lodisìa kɛn, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà u dɛɛ Kě Bɛ Ne Ɔ̈ moo Wlò Kpae Nyu plě Ɔ̈ moo Kàan Sàse Ɔ̈ kɔnʼɔ Nyesoaa noǎà Ɔ nuu win kwa.

Wlɛ̀velesɔ̌n 7:17

Mɛ̌oǒ joo nɛ̀ moo Blajǔǒ Ɔ̈ neǒo klɔ̀ba gbèsɛɛǒ ɛɛ slè bo Nɔ̀ mi uu Jǐ Mɔ̀ Tùɔ̌ mooma. Ɔ miě u něe chlolǎe mɔ̀ kpaba ɛ̈ nyee nyopò kmɔ̌ sie fònfno, Nyesoa miǎ u me wùɛǒ jǐ wɔ̀ɔn le snǎ.”