Wlɛ̀velesɔ̌n 21:3 - Nyesoaa Kuo Win Jajle

³ Dɛ tɛ̀ɛ kɛnaǒo nɛ̀ moo Ě wɔ̌na win ï jɛ̌a lěe ï sonwɛa lěe klɔ̀ba gbèsɛɛǒ kɛn mǒ, kě i dɛ̌a i je, “Klě tǐà wlòmo Nyesoaa tùɔn ɛ neɔ tùonyopo slè! Ɔ miɔ u slè nema u mǐ Ɔɔ nyopò mono, è Ɔɔ chɛ̀ miě u mɔ̀ neema wòje uu Nyesoa.

Wlɛ̀velesɔ̌n 21:3 ပူးပေါင်းရင်းမြစ်များ

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 14:23

È Jùsu tùa ɔ kɛ̀ɛn Ɔ je, “Bɛ̌ nu nyu bɔ̌ noɛɛ neě mǒ ɔ tùiǒ Ně teteǎ bo, è Ně Gbeǐ mi ɔ mǒ noɛɛma, è Mǒ klee Ně Gbeǐ Ä miě ɔ mɔ̀ diba Ä miě tǐn.

2 Kwnɛtiɛ̌ 6:16

Bo jě dɛ tae nǔkpuǐ klee Nyesoaa kǎ fòɛ paěn nee mǒ? Nyesoa neɔ ä mǒ, tèǒ nì kɔn tè ä wǒ je kmɔ̌ ne Nyesoaa kǎ fòɛ wòje keǒ Ɔɔ win dɛ̌ɛ ɛ̈ moo, “Ě miě Ně nyopò slè nema, Ě mǐ uu Nyesoa tù u mi Ně nyopò tù.” (Lev 26.12)

2 Kwnɛtiɛ̌ 6:18

plě Ě mǐ aa gbeǐ tù plě a mǐ Ně jbɛjujlu klee nynejujlu tù.” (2 Sam 7.8,14) Dɛǒ nɛ̀ kpě kɛne Koɔn boɔ.

1 Tɛseloniǎ 3:11

Nɛ bo Nyesoa Ɔ̈ moo äa Gbeǐ klee Koɔn Jùsu Tentǎn Jǔ Bu kna fɔ̌ je keǒ ä mɔ̀ ä miě a mɔ̀ di.

Hiblǔ 11:16

Kɛɛ u sea ɛ nu, u pɛ̀na le tɛɛ blǒ ɛ̈ neěe jɔkɛn. Tèǒ nì kɔn tè ɛɛ̌ nuu Nyesoa tònwe keǒ bu dae Ɔ uu Nyesoa. Mɛ̌oǒ joo nɛ̀ moo Ɔ wɔ̀ mɔ̀le dě fòɛ keǒ u mɔ̀ klě jɔkɛn.

Hiblǔ 8:10

“Dɛà nɛ̀ moo kuo win Ě miǎ poba klě Ǐsòwɛ̌ kwɛɛn mɔ̀ klě kmɔ̌ɔ nya ɛ̈ moo, Ě miě Ně teteǎ klě uu dlě wlòmo poba klee Ě miě i ùu wlè jleě chlě ɛ̈ di ɛɛ numa Ě mǐ uu Nyesoa tù, u mǐ Ně nyopò tù.

Hiblǔ 8:2

Nɔ̀ ni Bodiɔ konkwa keǒ ä mɔ̀ klě tùɔnʼǒ kɛn ɛ̈ nee ngmà je chɔɔ ɛ̈ moo kàan ngmà je ne ble ɛ̈ Ɔɔ chɛ̀ poo ɛ̈ see tùonyu bɔ po ɛ.

Wlɛ̀velesɔ̌n 10:4

Tà tɛ̀nʼɛ pnapnǎ kplěe nyiɛtaǒ i sìnʼaa, è Ě wɛ̀a mɔ̀ keǒ bo chlěa, kɛɛ Ě wɔ̌na win ï sɔnaěe jɔkɛn mǒ, kě i dɛ̌a i je, “Tɛ̀nʼɛ pnapnǎ kplěe nyiɛtaǒ dɛǒ i boɔɔ wɛ̌ ɛ je, nè chlě ɛ.”

Wlɛ̀velesɔ̌n 10:8

È winʼà Ě wɔ̌naa ï sɔna lěe jɔkɛn mǒ, kě i dɛ̌aǎ je de i je, “Mu, dǔ chněedɛ̌ǒ mǒ ɛ̈ knaa je ɛ̈ neěe najiǒpòiǒ kwete mǒ ɔ̈ nynaǒo blǒ klee jbǒ kɛn bo.”

Wlɛ̀velesɔ̌n 12:10

È Ě wɔ̌na win ï jɛ̌a lěe klě jɔkɛn, kě i dɛ̌a i je, “Klě tǐà wlòmo Nyesoa diě keǒ Bɔ mǐ Ɔɔ nyopò gblà klee Ɔ mǐ Ɔɔ kpě nyopò tee le plě Ɔ mǐ kmɔ̌à win kwa kɔn. Klě tǐà wlòmo Ɔɔ Tentǎn Jǔ tee Ɔɔ kpě Ɔ kɔnʼɔ no. Kǔǒ ɔ̈ nynanaǒo Nyesoa jemǒ bo ɔ̈ jɛɛa äa bǐì Nyesoa nyo tè tǒn klee chnɛ̀ u sàlaě ɔ jɔkɛn ne.

Wlɛ̀velesɔ̌n 21:7

Nyu wùɛ ɔ̈ mii duduɛ kɔnma, nɔ̀ Ě mi ɛ nyema, è Mǒ mi ɔɔ Nyesoa tùba, ɔ mǐ Ně jǔ tù.

Wlɛ̀velesɔ̌n 22:3

Dɛà Nyesoa cheaě lěe le ɛ slě diěǒ wlòmo ne. Nyesoa klee Blajǔu klɔ̀ba gbèsɛɛ mi tùɔn kɔnma klě ɛ wlòmo, Nyesoaa nyebajle klee nynejlu mǐ Ɔɔ wɛ̀ sà.

Wlɛ̀velesɔ̌n 7:15

Dɛǒ nɛ̀ nu ɛ klě tǐà wlòmo ǔ nynaǒ Nyesoaa klɔ̀ba gbèsɛɛ jemǒ bo tǒn klee chnɛ̀ ǔ sɛ̀ Ɔɔ wɛ̀ klě Ɔɔ kǎ fòɛ bo. È Nyuǒ neǒo klɔ̀ba gbèsɛɛǒ kɛn bo Nɔ̀ mi u naema.