Wlɛ̀velesɔ̌n 20:6 - Nyesoaa Kuo Win Jajle

⁶ Nyopòǒ miěe klekle je měne duduɛ̌ wakǎ jleě mǒ kɔnma u kɔn ngmna plě ǔ ne ngmà je. Sɔ̌n nenɛ kokoɛ̌ seǒ u kpě dlǒ mǒ kɔn. Nù mi Nyesoa klee Tentǎn Jǔu kpatòapoo mooma plě u klee Tentǎn Jǔ miǒ tàa do win kwa kɔnʼɔ no klě jlěe taslěwaeǒ wlòmo.

Wlɛ̀velesɔ̌n 20:6 ပူးပေါင်းရင်းမြစ်များ

Lǔkù 14:15

Tà jbɛjluǒ ü klee Jùsu neaǒo dɛ di fuo kɛn u nyuu do wɔ̌naa tèǒ, è kě ɔ dɛ̌a Ɔ je ɔ je, “Ngmna keǒ nyuǒ mɔ̀ ɔ̈ miǎ lěe Nyesoaa deplě ɛɛ de ngmnengmnɛ̌ɛ digbaǐǒ ii dila mǒ nema!”

Wlǔmɔ 12:1

Tèǒ nì kɔn tè ně bǐì Tentǎn Jǔu wǎn ane, ke ɛ toon jleě mǒ bo Nyesoa kɔnʼɔ wɔle je jbojbɛ keǒ a mɔ̀, Ě bɛ̀te ale, a nyee aa chɛ̀ Nyesoa wòje chɔ̀no ɛ̈ nee ngmà je plě ɛ̈ blee Ɔɔ plɔ. Dɛǒ nɛ̀ moo Ɔɔ konkwa ɛ̈ a blɛɛ je ba nuu.

Wlǔmɔ 8:17

Bɛ̌ nu bä moo Ɔɔ jlǔ, è ä ji ɛle tɛɛ tɛɛ ɛ̈ moo Ɔɔ konkɔn noǎ kɔnʼǒ ä mɔ̀. Ä klee Tentǎn Jǔu sɔ̌n ä mǐ ii plɔ bloblɛ kɔn, ke ɛ toon jleě mǒ bo ä klee Tentǎn Jǔ ä jěe sònwɛ. Tèǒ nì kɔn tè ä miǎ tè jǐ boaboǎ kɔnma klě Ɔ mɔ̀.

2 Timɛtě 2:12

Bɛ̌ nu bä nyna sònwɛ jejeɛ̌à jebo, è ä klee Tentǎn Jǔ ä miǎ kmɔ̌ win kwa kɔnma, kɛɛ bäǎ chnɛ̀ Ɔɔ tè mǒ Ɔ miǎ äa tè mǒ chnɛ̀ma.

1 Pitɛ̌ 2:5

Ba diě wòje kmɔ̌ ne tiblě, è a sɔnʼǒ Nyesoa mɔ̀ mǒ Ɔ mǐ a Ɔɔ koǔ poo lo ɛ̈ di ɛɛ numa a mǐ Ɔɔ ngmà je ne kpatòapoo wǒ ü nyee nee sùsuu nyee noǎ ï Nyesoa kmee jebo ï monoo chɔ̀no ï diiě aa tè wlò popoɛ a kɔnʼɔ klě Tentǎn Jǔ Jùsu mǒ.

1 Pitɛ̌ 2:9

Kɛɛ amo moo nyopò Nyesoaa chɛ̀ sàǒo bü moo Ɔmo Klɔ̀ba Nyesoaǒ Ɔɔ kpatòapoo klee ngmà je ne dakɔ̌ klee Ɔɔ nyopò Ɔ sàǒo keǒ bü poo sàe ɛ̈ kwɛɛǒo wlòlekaen noǎà Ɔ nuu jleě mǒ bo Ɔ̈ da amoo ǎ sɔn lěe kwijlě slè mǒ ǎ diɔ Ɔɔ wlòlekaen pepěɔ slè.

Wlɛ̀velesɔ̌n 1:6

Ɔ nu ä mǒ klɔ̀bapoo klee bodiɔpò ä mǐ Ɔɔ Nyesoa Ɔ̈ moo Ɔɔ Gbeǐ Ɔɔ konkwa nu. Nɛ bo Tentǎn Jǔ Bɔ kɔn tè jǐ boaboǎ klee kpě ke ɛ mii jleě mǒ bo tonma, kě bɛ ne!

Wlɛ̀velesɔ̌n 14:13

È Ě wɔ̌na win ï sɔnaěe jɔkɛn mǒ ï boɛaě mǒo mɔ̀, kě i dɛ̌a i je, “Chlě dɛà, sɔɔnʼà tǐà jleě mǒ nyopòà kɔnʼɔ tè wlò popoɛ klě Koɔn mǒ ü kǒo, u kɔn ngmna. Kòo Nyesoaa Sùsu tmɛɛ̌ ämo ɛ̈ moo, u mi fɛba keǒ uu konkwa mɔ̀ ɛ̈ u dǔaa nunuɛ mǒ. Mɛ̌oǒ joo nɛ̀ moo kàan dɛǒ sɔnʼě uu konkwaǒ wlòmo ɛ mi u de nama keǒ Nyesoa jemǒ.”

Wlɛ̀velesɔ̌n 2:11

Nyu wùɛ bɔ̈ kɔn nɔkǔ, è bɔ po dɛǒ Ngmà Je Ne Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopòǒ mii duduɛ kɔnma klě uu tǐ jakě slè, sɔ̌n nenɛ kokoɛ̌ slě u dɛ jleě mǒ numa mu.”

Wlɛ̀velesɔ̌n 20:14

Dɛ tɛ̀ɛ kɛnaǒo nɛ̀ moo Kokoɛ̌ klee Hedì pooaě na wulǒ mǒ. Wulǒǒ nɛ̀ nynaǒ sɔ̌n nenɛ kokoɛ̌ pènmo bo.

Wlɛ̀velesɔ̌n 21:8

Kɛɛ nyopòà kɔnʼɔ fano klee nyopòà moo nyu bo demǒ sà nyo klee ü kmɔ̌ sòan neěe ja klee mnùngma po nyo klee se wòn mɔ̀ɔ wɛ̀ kmɔ̌ nyo klee sàlesa nu nyo klee nǔkpuǐi wɛ̀ sà nyo plě klee sen le tmɔ̌ nyo wùɛ u miǎ u blěe wakǎ kɔnma klě wnewne seɛ̌ɛ na wulǒ mǒ ɛ̈ moo sɔ̌n nenɛ kokoɛ̌.”

Wlɛ̀velesɔ̌n 22:5

Tǒn wòwɔ seǎa kɛ̀ tà nema mu, ii tè u seǎ nǎpea klee wɛn sòaba mu. Koɔn Nyesoa Nɔ̀ mi fɔnma keǒ u kɛn, u miǎ win kwa kɔn ke ɛ mii jleě mǒ bo tonma.

Wlɛ̀velesɔ̌n 22:7

Jùsu je, “A tanàle, Ě miě diba pase! Nyopòà poo wnɔsà winʼà neɔɔ chněedɛ̌ɔ wlòmo ii tè kàan tè, u kɔn ngmna.”

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’

Wlɛ̀velesɔ̌n 5:10

Plě È nu u klɔ̀bapoo mǒ klee bodiɔpò keǒ bu nu äa Nyesoaa konkwa bu kɔn kmɔ̌à win kwa.”