Wlɛ̀velesɔ̌n 20:4 - Nyesoaa Kuo Win Jajle

⁴ È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

Wlɛ̀velesɔ̌n 20:4 ပူးပေါင်းရင်းမြစ်များ

Matiɔ̌n 19:28

È kě Ɔ dɛ̌a u je Ɔ je, “Kàan tèà Ě tmɛɛ̌ amo, bɛ̌ nu Jbɛjuu Jǔà Bɔ̌ neaǒ Ɔɔ tè jǐ boǎ klɔ̀ba gbèsɛɛǒ kɛn bo klě kmɔ̌ jajloǒ miǎ lěe diba wlòmo, amoà nɛ Mǒo mɔ̀ a miǎ klɔ̀ba gbèsɛii pù tùo sɔ̌n kɛn ble nema a mǐǎ Ǐsòwɛ̌ kɔn dakwɛ̌ dlěe pù tùo sɔ̌nʼǒ uu blilǐ tù.

Matiɔ̌n 24:10

Klě tǐǒ wlòmo nyopò fòfoa ü moo Něe mɔ̀ cheěn nyo u miǎ uu tè wlò popoɛ mǎma, u miǎ fonfae ne u miǎě be deměne sèsae le.

Mǎkè 6:16

Tà Hɛwlǒ wɔ̌na nii, è kě ɔ dɛ̌a ɔ je, “Ně Dlǒ Po Jɔ̀ɔ̌nʼà Ě bɛ̌aa dlǒ je nɔ̀ǒ dǔ jemǒ de ɔ̈ ne kmɔ̌!”

Mǎkè 6:27

Ii tè tǐi doo tǐ jleě ɔ nyea ɔɔ tabɔ̀ snǒ bu mua bu jalaě Jɔ̀ɔ̌nʼɔ dlǒ. Ii tè ǔ mua klě wùlo ǔ bɛ̌a ɔ dlǒ je

Mǎkè 9:11

È u gbɛ̀a Ɔ wan u je, “Mɛ kɔɔ̌n tè teteǎ tee nyo dɛ̌ɛɛ̌ kɛ bò ɛ̈ moo Ilaejɔ̀ kɔn bɔ diǎ lě klekle plě Nyesoaa Tentǎn Jǔ miǎě di?”

Lǔkù 1:17

È nɔ̀ miě Koɔn nya kɛnma klě kpě kɛne sùsu mǒ wòje Ilaejɔ̀ ɛ̈ di ɛɛ numa ɔ miǒ jlǔ klee gbeǐpò tàa do po, è nɔ̀ mi seǒ nyu bo tùtuɛ kɔn nyopò tɔ̀n teeba wòje ɛ̈ǒ jebo siǐn nyo kɔnʼɔ, dɛǒ nɛ̀ ɔ mi numa ɔ mǐ u mɔ̀le wɔ̀ keǒ Koɔnʼɔ didiɛ mɔ̀.”

Lǔkù 14:14

È Nyesoa miǎà ngmna mɔ̀ poba. Mɛ̌oǒ joo nɛ̀ moo umoǒ nù slě wɔ̀ bu sàà snǒ. Tǐǒ jleě Nyesoa miǎa jebo siǐn nyo jeměne dǔba klě kǒla mǒ, Ɔ miǎà snǒ sàba.”

Lǔkù 22:30

a klee Mǒ ä miǎ dɛ di ä miǎǒ tàa do naě ne keǒ dɛ di fuo kɛn klě Ně Gbeǐi deplě slè, a miǎǒ klɔ̀ba gbèsɛi kɛn ble ne, a mǐa Ǐsòwɛ̌ kwɛɛn dakwɛ̌ dlěe pù tùo sɔ̌n win kwa kɔn.”

Jɔ̀ɔ̌n 14:19

Ɛ slě mɔ̀ tmɔ kpni kukwǐ nyo see kɛ̀ɛ̌ jěba mu de, kɛɛ amo miǐ jěba. È ke ɛ toon jleě mǒ bo Ě nee kmɔ̌, a mi kmɔ̌ nema ke.

Wlǔmɔ 11:15

Tà Nyesoa sàla uu jleě mɔ̀, nɛ̀ nu ɛ Ɔɔ nenatùmo dɛ ne tà keǒ kmɔ̌ɔ nyopò tùu mɔ̀. È ba nae ɛ wlò kɛn le, bɛ̌ nu Bɔ̌ kme u bo, è ke ɛ miǐ kɛ je nema? Ɛ mi wlòlekaen dɛ numa wòje keà nyopò duǐi jemǒ u sonwɛ lěe kǒla mǒ.

Wlǔmɔ 8:17

Bɛ̌ nu bä moo Ɔɔ jlǔ, è ä ji ɛle tɛɛ tɛɛ ɛ̈ moo Ɔɔ konkɔn noǎ kɔnʼǒ ä mɔ̀. Ä klee Tentǎn Jǔu sɔ̌n ä mǐ ii plɔ bloblɛ kɔn, ke ɛ toon jleě mǒ bo ä klee Tentǎn Jǔ ä jěe sònwɛ. Tèǒ nì kɔn tè ä miǎ tè jǐ boaboǎ kɔnma klě Ɔ mɔ̀.

2 Timɛtě 2:12

Bɛ̌ nu bä nyna sònwɛ jejeɛ̌à jebo, è ä klee Tentǎn Jǔ ä miǎ kmɔ̌ win kwa kɔnma, kɛɛ bäǎ chnɛ̀ Ɔɔ tè mǒ Ɔ miǎ äa tè mǒ chnɛ̀ma.

Wlɛ̀velesɔ̌n 1:2

Kělɔ chněedɛ̌ɔ wlòmo Ě sèsae ii tè kɛn le ɛ̈ kwɛɛǒo noǎ wùɛ Ě jěaa jleě mǒ bo. Winʼà i moo Nyesoaa tuposà klee dɛ Tentǎn Jǔ Jùsu tmɔɔ̌a mǒo.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 11:11

Kɛɛ tà chnɛ̀ jlǒ wěe tan ne bɔ̀tie le sìnʼaa, Nyesoa poa u fònfno mǒ ǔ nynana bo de, è nyopò wùɛà jěa luu ɛ poa u wan bo kètekee.

Wlɛ̀velesɔ̌n 11:15

Tà najiǒpòo nyiɛta nonɔǒ ɔ bea ɔɔ nokpa, Ě wɔ̌na slɛ̀ ɛ̈ peeaa le klě jɔkɛn, kě ɛ dɛ̌a ɛ je, “Kmɔ̌à ɛɛ win kwa kɔn kpě kɔnʼǒ äa Koɔn Nyesoa klee Ɔɔ Tentǎn Jǔ mɔ̀ plě Nɔ̀ mi ɛ win kwa kɔnma ke ɛ mii kɛ̀ɛ jleě mǒ bo tonma!”

Wlɛ̀velesɔ̌n 11:3

Ně sàsepo kplěe sɔ̌nʼà Ě mi u kpě nyema, u mi chìnchin dale měne poba u mǐ Ně win wan sà klě jlěe tan ne bɔ̀tie le wlòmo.”

Wlɛ̀velesɔ̌n 11:7

Bɛ̌ nu bǔ wɔ̀ uu sàse dɛǒ mɔ̀, nmi kukǔ fòɛ ɔ̈ miěe bǐtìe fòɛǒ see mɔ̀ kɔn wan mǒ sɔnma, nɔ̀ mi u tùngmaema ɔ̈ mi u ja jǎba, ɔ mi u wan duba ɔ mǐ u dbǎ.

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.

Wlɛ̀velesɔ̌n 14:11

Naǒ Ɔ mii numa Ɔ mǐ uu dɛ wan le pae le ɛɛ nǎno mi jɔ mǒ muma ke ɛ mii jleě mǒ bo tonma. Tǒn klee chnɛ̀ nyopòǒ ü sɛ̀ɛ nmiǒ ɔɔ wɛ̀ klee ɔɔ sùsu tu plě nyu wùɛ ɔ̈ blě ɔɔ nynɛ̌ɛ mǎkpee, u slě kɛn le sèsa kɔnma mu.”

Wlɛ̀velesɔ̌n 15:2

È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 17:8

Nmiǒ jèaa ɔ nea kmɔ̌, kɛɛ ɔ see kɛ̀ kmɔ̌ ne. Ɔ seǒ wlɛ̀ba mu ɔ miě bǐtìe fòɛǒ see mɔ̀ kɔn wan mǒ sɔn ɔ mǐ mu ɔ mǐ gbè sùee le. Nyopòà neɔɔ blǒɔ mɔ̀ ü kɔn nyneǎ sěɛlǎa chleě le klě fònfno chněedɛ̌ wlòmo sɔɔnʼě kmɔ̌à ɛɛ wlò tùla mǒ bǔ jě nmiǒ, ɛ mi u wlò le kaenma. Mɛ̌oǒ joo nɛ̀ moo ɔ nea kmɔ̌ plě ɔ̌ see kɛ̀ kmɔ̌ ne klě tǐà wlòmo, kɛɛ ɔ mi kmɔ̌ nema de.

Wlɛ̀velesɔ̌n 2:26

Nyu wùɛ ɔ̈ mii duduɛ kɔnma klee ɔ̈ miǒ Něe kɛn wɔɔn dɛ bo tùba ɛ mǐ ɛɛ kpa kpa ɛ miǎě ɛɛ dlǒ chlɛ̀ɛa mǒ nyni, nɔ̀ Ě miǎ kpě nyema ɔ̈ miǎ dakwɛ̌ win kwa kɔnma

Wlɛ̀velesɔ̌n 20:6

Nyopòǒ miěe klekle je měne duduɛ̌ wakǎ jleě mǒ kɔnma u kɔn ngmna plě ǔ ne ngmà je. Sɔ̌n nenɛ kokoɛ̌ seǒ u kpě dlǒ mǒ kɔn. Nù mi Nyesoa klee Tentǎn Jǔu kpatòapoo mooma plě u klee Tentǎn Jǔ miǒ tàa do win kwa kɔnʼɔ no klě jlěe taslěwaeǒ wlòmo.

Wlɛ̀velesɔ̌n 22:5

Tǒn wòwɔ seǎa kɛ̀ tà nema mu, ii tè u seǎ nǎpea klee wɛn sòaba mu. Koɔn Nyesoa Nɔ̀ mi fɔnma keǒ u kɛn, u miǎ win kwa kɔn ke ɛ mii jleě mǒ bo tonma.

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’

Wlɛ̀velesɔ̌n 4:4

Klɔ̀ba gbèsɛii wlò tùo hɛ̀n tìi nì tbɛɛa Ɔɔ klɔ̀ba gbèsɛɛǒ dǐ. È kunkunyoo wlò tùo hɛ̀n nù nea i kɛn ble ü poaa wlawlě plǐ měne plě ü tùaa klò fleǎ dlǒ le.

Wlɛ̀velesɔ̌n 6:9

Tà Blajǔ sàlaǒo sluu kpɛɛ m̀m nenɛǒ, è Ě jěa nyopòo sìsi ü u dbǎlaa keǒ Nyesoaa win boɔboɔ tè mɔ̀ klee Ɔɔ sàse dɛ nunuɛ mɔ̀, nù neaě chɔ̀no tògbee kǒngmà bobo

Wlɛ̀velesɔ̌n 7:3

È kě ɔ dɛ̌a u je ɔ je, “Aǎ ni blǒà dɛ mǒ klee jbǒ klee ti wùɛ ɛ mǐ ɛ kpa kpa Nyesoaa nyebajle klee nynejlu wùɛ ä mǐ u Ɔ̀ɔ sluu kɛn ble mǎ keǒ uu jigbàa gblee wnana mǒ.”