Wlɛ̀velesɔ̌n 20:2 - Nyesoaa Kuo Win Jajle

² Ɔ kmea dɔsmɛǒ ɔ̈ moo smɛ dakǎ ɔ̈ kɔn nynɛ̌ moo kǔ ɔ̀ɔ̌ Setɛ̀n, ɔ̌ nua chěen ɔ̌ pìnʼa nɔ klě jlěe taslěwae wlòmo.

Wlɛ̀velesɔ̌n 20:2 ပူးပေါင်းရင်းမြစ်များ

Matiɔ̌n 19:29

Nyu wùɛ ɔ̈ miǒo ɔɔ mamǔ jbɛju klee ɔɔ mamǔ nyneju klee ɔɔ gbeǐ klee naǎ ɔ̀ɔ̌ ɔɔ nynɔ klee ɔɔ jlǔ klee ɔɔ chèa bo sibaa chɛ̀ keǒ Ně tè mɔ̀, Nyesoa mi ɔ noǎ klee nyopò fòfoa nyema i mǐǒ ɔɔ nyopò klee noǎǒ ɔ siǒ bo mǒ sìn plě Nyesoa mǐ ɔ kmɔ̌ sie fònfno nye ke.”

Matiɔ̌n 8:29

Tà u jboaa Jùsu, u pnɛ̌a dɛ jleě le u je, “Nyesoaa Jǔ, mɛ jlɛ̀ Bò nuǔ kɛ ä mǒ? Dì kɛɛ̌ le Mì ä sònwɛ tù plě tǐ miǒ nyni le?”

Mǎkè 4:15

Nyesoaa win i gblɛ̀ le klě tùonyopo slè ü wǒo je jɔ̌ǒ ï beǒo fɛ snǔ mɔ̀. Tǐi doo tǐ jleě bǔ wɔ̌n winʼǒ, è Setɛ̀n ɔ̈ moo kǔ sìsii klɔ̀ba ɔ̀ diě le ɔ̀ sà lě i ù nɔkǔ měne kpǎkpǎ.

Mǎkè 5:7

ɔ̌ pnǎna dɛ jleě klě kpě kɛn ne win wlòmo ɔ je, “Jùsu, Ja Tmɔ Nyesoaa Jǔ, mɛ jlɛ̀ Bò nuǔ kɛɛ̌ mǒ? Ě bɛ̀teè le keǒ Nyesoaa tè mɔ̀, Nè tùiǐ sònwɛ!”

Jɔ̀ɔ̌n 12:31

Ɛ nu tǐ keǒ Nyesoa Bɔ tù kmɔ̌à ɛɛ blilǐ, Ɔ mǐ ɛɛ win kwa kɔn nyu ɔ̈ moo kǔ wan du.

Jɔ̀ɔ̌n 16:11

Tè kɔn tè u wlǎa tè keǒ Nyesoaa tè tùtuɛ jleě mǒ nɛ̀ moo kǔà ɔ̈ kɔnʼɔ kmɔ̌à win kwa Nyesoa jɛɛ ɔ tè le ɛ̌ wɛ̀ mɔ̀le.

Wlǔmɔ 16:20

Nyesoaà nye ämoo ně bo wnawna Ɔ mi Setɛ̀n ɔ̈ monoo kǔ sìsii klɔ̀ba le waeba pase klě a bobo. Nɛ äa Koɔn Jùsuu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ bɛ muu nya.

Hiblǔ 2:14

Nyesoaa jlǔ kɔn fǒ klee nymɔ, ii tè Jùsu wǒ u je ke Ɔ̌ kɔna tùonyu fǒo doǒ ɛ̈ di ɛɛ numa Ɔɔ kokoɛ̌ Ɔ kǒaa Ɔ mǐa ɛ nu Ɔ mǐa kǔu kpě gbè sùe ɔ̈ kɔnʼɔ kokoɛ̌ kpě win kwa

1 Pitɛ̌ 5:8

A wlǎě wlò bo, kɛɛ a gbɛ̀ɛ le. Mɛ̌oǒ joo nɛ̀ moo aa jlae nyuà monoo kǔ ɔ wǒ je jejǎ sà ɔ̈ ngmìi le ɔ̈ pɛ̀nʼɛ nyu le ɔ mǐi di.

2 Pitɛ̌ 2:4

Najiǒpòà nuaa kpni kukwǐ Nyesoa seaǒ u wun mɔ̀ sà Ɔ̌ tuǔnʼaě u na bǐtìe wan, tà u neěe ǔ pe uu chěen sonwe le klě kwijlě slè ɛ mǐ ɛɛ kpa kpa blilǐ tù chnɛ̀ jlǒ waě miǎǒo nyni.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:6

Bi beě a wlòmo ke dɛǒ kpalaa tùɔn keǒ najiǒpòǒ mɔ̀ ü seaǒo tà uu kpě sieaǒo sie le ü sɔnaǒ uu tùɔn kɛn mǒ. Nyesoa tù u kmɔ̌ sie chěen klě kwijlě slè ɛ̈ neɔɔ bobo ɛ mǐ ɛ kpa kpa ɛ mǐ chnɛ̀ jlǒ waě fòɛǒ kɛn jɛɛ le ɛ̈ kɔn mǒ Ɔ miǎě uu na slè pooba.

Wlɛ̀velesɔ̌n 12:13

Tà dɔsmɛǒ ɔ jěa lɛɛ ɛ̈ moo u tuǔnʼa nɔɔ blǒ mɔ̀, ɔ tùaǒ ɛ nynɔǒ demǒ ɔ̌ plìa ɔ mɔ̀le ɔ̈ kmàea ɔ̈ kɔnaa Jǔǒ.

Wlɛ̀velesɔ̌n 12:15

È dɔsmɛǒ ɔ wlàla ně ɛ̈ sonwɛaě ɔɔ wan mǒ ɛ̈ wǒaa ně fòɛ, nɛ̀ tùaǒ ɛ nynɔǒ demǒ ɛ mǐa ɔ kpa,

Wlɛ̀velesɔ̌n 12:17

È dɔsmɛ nɔ̀ǒ bea jlo měne chɔɔ keǒ nynɔǒ mɔ̀, ii tè ɔ mua ɔ̌ tòala to keǒ nynɔǒ ɔɔ jlǔu jlǔ tùu mɔ̀ ü tùiǒo dɛà Nyesoa tmɛɛ̌ uu bo klee ü nii Jùsuu sàse dɛ keǒ nyopò tùu mɔ̀.

Wlɛ̀velesɔ̌n 12:3

È jboo dɛ tɛ̀ɛ nɛ̀ beaě jɔkɛn. Ɛ mooa dɔsmɛ chǒ fòɛ ɔ̈ neaa dlěe nyiɛta je klee ngmèe pù dlǒ. Klɔ̀ba fleǎa nyiɛta nì ɔ tùa dlǒ.

Wlɛ̀velesɔ̌n 12:4

Ɔ nia ɔɔ wòn ɔ̌ chlìa jɔtnè fòfoa klě jɔkɛn ɔ̌ tunwiǐa nɔ i blǒ mɔ̀le. È ɔ nynanaǒ nynɔǒ nya bo ɔ̈ wɛ̀aa mɔ̀ keǒ bɔ̈ kmàeaa ɛ̈ di ɛɛ numa nynɔǒ bɔ̌ kɔɔ̌nʼa bò Jǔǒ ɔ mǐa Jǔǒ di.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 13:2

Nmiǒ Ě jěaa ɔ wǒa chì. Ɔɔ be wǒa kòkǒwɛ̀ɛ be plě ɔɔ wun wǒa sàa wun. Dɔsmɛǒ ɔɔ kpě ɔ kɔnaa nì ɔ nyea nmiǒ klee ɔɔ klɔ̀ba gbèsɛɛ klee ɔɔ kbě fòe.

Wlɛ̀velesɔ̌n 13:4

Tà ɛ tùu ɔɔ kpě nì ɔ nyea nmiǒ, ii tè nyopò sɛ̀a dɔsmɛǒ ɔɔ wɛ̀ ǔ sɛ̀a nmiǒ ɔɔ wɛ̀ ke, kě u dɛ̌a u je, “Mɔ wǒoǒ kɛ nmiǒ je? À nyu tae wɔ̀ je bɔ̈ wɔ̀ɔɔ̌n kɛ ɔ je?”

Wlɛ̀velesɔ̌n 20:10

È kǔǒ boo uu mǒ ɔ miě na wulǒ mǒ pooba ɛ̈ jǐi wnewne seɛ̌ jele, klě tàa doǒ nmiǒ ɔ klee sen le tmɔ̌ wnɔsàɔǒ u pooa lěe. Klě u miě nema u mǐ tu kɛn tùu lu tǒn klee chnɛ̀ ke ɛ mii jleě mǒ bo tonma.

Wlɛ̀velesɔ̌n 20:7

Bɛ̌ nu jlěe taslěwaeǒ bɛ̌ chlɛ̀ dlǒ, Setɛ̀n mi wùlo sàeba,

Wlɛ̀velesɔ̌n 9:11

U kɔna najiǒpòi ɔ̈ mooa klɔ̀ba ɔ̈ bǐtìeǒ seaa mɔ̀ kɔn ɛɛ kpě nea lěe kwete mǒ, ɔɔ Hiblǔ nynɛ̌ u dɛɛ ɔɔ nɛ̀ moo Abadàn, è ɔɔ Kwlǐki nynɛ̌ nɛ̀ moo Apolèɔn ɛ̈ sɛ̀nʼɛ nynɛ̌ Gbè Sùeɔ.