Wlɛ̀velesɔ̌n 20:12 - Nyesoaa Kuo Win Jajle

¹² È Ě jěa kokǒ nyo, jà nyeflabutupò klee nyopòà kɔn tè kuun, uu wùɛ ǔ nynanaǒ klɔ̀ba gbèsɛɛǒ jemǒ bo. È chněenoǎa tìeǒ neaǒo ì knaea je, è chněedɛ̌ tɛ̀ɛ ɛ̈ moo fònfno chněedɛ̌ ɛ̀ knaea je, kokǒ nyoǒ uu blilǐ tùua wòje dɛ wùɛ u nuaa ɛ̈ chleěa lěe chněenoǎǒ wlòmo.

Wlɛ̀velesɔ̌n 20:12 ပူးပေါင်းရင်းမြစ်များ

Matiɔ̌n 11:22

Tèǒ nì kɔn tè Ě tmɛɛ̌ amo, klě blilǐ tù chnɛ̀ jlǒ waě wlòmo deěe sɔ̌nʼǒ monoo Taè klee Saedɛ̀n ii nyopòo dɛ kukǔu tè jɛɛa miǎǒ le tɛ̀nma ɛ miǎǒ nyopòǒ uu tè mǒ sìn.

Matiɔ̌n 16:27

Jbɛjuu Jǔà Ɔ klee najiǒpòo tǐ mǎ bo je keǒ bu diě klě Ɔɔ Gbeǐi tè jǐ boaboǎ wlòmo. È Ɔ mi nyu wùɛ snǒ sàba ke ɔɔ nunu dɛ nee.

Lǔkù 10:20

Kɛɛ a bɔ̌ chǒn le nunuɛ keǒ kǔ sìsi bi tùǒ aa win bo mɔ̀, dɛ aa wlò bɛ bloo lo kɛn nɛ̀ moo aa nyneǎ chleě le klě jɔkɛn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:15

Plě Ě kɔn wlò je kunkuɛn ɛ̈ moo nyu wùɛ, jà kàan nyu klee dɛ kukǔ nyu, u miǎ jemǒ dǔba klě kǒla mǒ. Noǎa doǒ nì kɔn tè u po kàan tè ke.

Wlǔmɔ 2:6

Keǒ nyu wùɛ nu ɔɔ blěe dɛ nunuɛ, kě Nyesoa miǎ ɔ snǒ sèsa numa.

1 Kwnɛtiɛ̌ 4:5

Tèǒ nì kɔn tè baǎ tùi aa bǐì tè mɔ̀ plě tǐ miǒ nyni, a fo Koɔn Jùsuu de di tǐ, Nɔ̀ miě noǎ wùɛà wɛ̌ɛ klě kwijlě slè pepě mǒ jaba plě noǎ wùɛà tùonyuu wlò poo ble Ɔ miǒ i pepě mǒ poba. È klě tǐǒ wlòmo Nyesoa miǎ nyu wùɛ le bìseba ɛ̈ blɛɛ ɔmoo nyuǒ je.

2 Kwnɛtiɛ̌ 5:10

Dɛ kɔn tè ä ni ɛɛ nɛ̀ moo ɛ wɛɛnʼǒ le keǒ nyopò wùɛ bu nynanǎǒ Tentǎn Jǔ Jùsu jemǒ bo keǒ Ɔɔ tè tù kpǎta jemǒ ɛ̈ di ɛɛ numa nyu wùɛ mi ɔɔ snǒ sàe dɛ jě ɛ̈ blɛɛ ɔɔ je keǒ dɛ ɔ nuu mɔ̀ tà ɔ nea nɔɔ kmɔ̌ɔ mɔ̀, bɛ̀ ɔ nua kàan ɔ̀ɔ̌ ɔ sea kàan nu.

Flepiɛ̌n 4:3

Ě bɛ̀teè le ně bě Sesèkɔ, mǎǒ nynoǒ mɔ̀ ü nuu konkwa keǒ tuposàà ɛɛ popoɛ mɔ̀ ü mǎa mǒ klee Klɛmɛ̀ klee ně bǐì konkwa nu nyo tùu debo ü kɔn nyneǎ chleě lee klě fònfno chněedɛ̌ wlòmo.

Wlɛ̀velesɔ̌n 11:18

Dakwɛ̌ wùɛ nù pea jlo, kɛɛ klě tǐà wlòmo Nè jlo neà ne plě ɛ nu tǐ keǒ Bò tù blilǐ keǒ kokǒ nyo mɔ̀ klee Bò sà Nè na wien po nyebajle klee nynejlu klee wnɔsàɔpo klee Nè nyopò tùu snǒ, jà nyefòe klee nyeflabutupò ü nyeǒ Mòo tùtuɛ. Ɛ nu tǐ de keǒ Bò sùe nyopòà gbè ü nymiaa kmɔ̌à jǐ le!”

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 17:8

Nmiǒ jèaa ɔ nea kmɔ̌, kɛɛ ɔ see kɛ̀ kmɔ̌ ne. Ɔ seǒ wlɛ̀ba mu ɔ miě bǐtìe fòɛǒ see mɔ̀ kɔn wan mǒ sɔn ɔ mǐ mu ɔ mǐ gbè sùee le. Nyopòà neɔɔ blǒɔ mɔ̀ ü kɔn nyneǎ sěɛlǎa chleě le klě fònfno chněedɛ̌ wlòmo sɔɔnʼě kmɔ̌à ɛɛ wlò tùla mǒ bǔ jě nmiǒ, ɛ mi u wlò le kaenma. Mɛ̌oǒ joo nɛ̀ moo ɔ nea kmɔ̌ plě ɔ̌ see kɛ̀ kmɔ̌ ne klě tǐà wlòmo, kɛɛ ɔ mi kmɔ̌ nema de.

Wlɛ̀velesɔ̌n 19:5

È winʼà sɔna lěe chɔ̀no tògbee kǒngmàǒ kɛn mǒ, kě i dɛ̌a i je, “Aa wùɛà moo Nyesoaa nyebajle klee nynejlu ü jě Ɔɔ dɛ mǒ, jà nyeflabutupò klee nyopòà kɔn tè kmaa, a bìse Ɔ le!”

Wlɛ̀velesɔ̌n 2:23

Ě mi nyopòǒ nɛ ɔɔ mɔ̀ dbǎba ɛ̈ di ɛɛ numa Tentǎn Jǔu wǎn wùɛ mi ɛ ji ɛ̈ moo Mǒà Mǒ ji nyu wùɛɛ dlǒ mɔ̀le sìɛnʼɛ dɛ klee ɔɔ jlajlǎ dɛ. Ě mi aa do do snǒ sàba wòje dɛ aa nyu nuu.

Wlɛ̀velesɔ̌n 20:11

È Ě jěa klɔ̀ba gbèsɛɛ plǔ fòɛ Nyu tɔ̀ɔ neaǒ ɛ kɛn bo. Blǒ klee jɔ fǎna keǒ Ɔ jemǒ, nyu ně jěa li de.

Wlɛ̀velesɔ̌n 20:13

Jbǒ sàla ɛ blěe kokǒ nyo tàmo ü koǒaě ɛɛ mɔ̀, Kokoɛ̌ klee kokǒ nyoo blǒ ü dɛɛ Hedì i sàla i blěe kokǒ nyo tàmo. È u pea uu do do ǔ tùia u blilǐ wòje dɛ uu nyu wùɛ nuaa.

Wlɛ̀velesɔ̌n 20:15

Bɛ̌ nu nyuu nynɛ̌ bɛ̌ sea chleě le klě fònfno chněedɛ̌ǒ wlòmo, na wulǒǒ nɛ̀ kɔn mǒ u tunwiǐaě ɔ.

Wlɛ̀velesɔ̌n 21:27

Dɛ kukǔ wùɛ slě diěǒ wlòmo paba mu klee nyu wùɛ ɔ̈ nii tònwe noǎ le klee ɔ̈ tmɛɛ̌ sen, ɛ̀ sìnʼǒ nyopòo doǒ ü kɔn nyneǎ chleě lee klě Blajǔu fònfno chněedɛ̌ǒ wlòmo.

Wlɛ̀velesɔ̌n 22:12

Jùsu je, “A tanàle, Ě miě diba pase! Ě miě Ně snǒ sàe dɛ snǔ mǒ jaeba, Ě mǐ nyu wùɛ blěe dɛ ɔ nuu ɛɛ snǒ ɔ̀ sà ɛ̈ blɛɛ ɔɔ je.

Wlɛ̀velesɔ̌n 3:5

Nyu wùɛ ɔ̈ mii duduɛ kɔnma, ɔ mi dale plǐ měne poba wòje ke u nuu. Ě seǎ uu nyneǎ wlàba mu kpe klě fònfno chněedɛ̌ wlòmo, plě nù Ě miǎ kòo kɛn pooba ɛ̈ moo u moo Ně nyopò keǒ Ně Gbeǐ klee Ɔɔ najiǒpò jemǒ.’