Wlɛ̀velesɔ̌n 20:11 - Nyesoaa Kuo Win Jajle

¹¹ È Ě jěa klɔ̀ba gbèsɛɛ plǔ fòɛ Nyu tɔ̀ɔ neaǒ ɛ kɛn bo. Blǒ klee jɔ fǎna keǒ Ɔ jemǒ, nyu ně jěa li de.

Wlɛ̀velesɔ̌n 20:11 ပူးပေါင်းရင်းမြစ်များ

Matiɔ̌n 11:22

Tèǒ nì kɔn tè Ě tmɛɛ̌ amo, klě blilǐ tù chnɛ̀ jlǒ waě wlòmo deěe sɔ̌nʼǒ monoo Taè klee Saedɛ̀n ii nyopòo dɛ kukǔu tè jɛɛa miǎǒ le tɛ̀nma ɛ miǎǒ nyopòǒ uu tè mǒ sìn.

Matiɔ̌n 24:35

Jɔ klee kmɔ̌à i miǎ bo wɛ̀ba, kɛɛ Ně winʼà i seǎ bo wɛ̀ kpe.”

Matiɔ̌n 25:31

È Jùsu kpɛɛa Ɔ win nya Ɔ je, “Tà Jbɛjuu Jǔà Ɔ miǎ lěe diba klě Ɔɔ tè jǐ boaboǎ wlòmo Ɔ klee Ɔɔ najiǒpò wùɛ, Ɔ miǎǒ Ɔɔ tè jǐ boaboǎ gbèsɛɛ kɛn bo nema.

Wlǔmɔ 2:5

Kɛɛ blè wlò jakǎ plě è ni dlǒ jakǎ keǒ bò tbɛ nè kpni kukwǐ kɛn. Tèǒ nì kɔn tè Nyesoaa jloà nɛ̀ǒ pepee kɛne keǒ dìe mɔ̀ keǒ Ɔɔ jlo chnɛ̀ jlǒ waěǒ mɔ̀ ɛ̈ miǎ lěe diba, tà Ɔ miǎ Lɔɔ jebo siǐn tè tùtuɛ pepě mǒ poba.

2 Pitɛ̌ 3:7

Klě tǐà wlòmo Nyesoaa win nì tù jɔkɛn klee kmɔ̌ bo ɛ mǐ ɛ kpa kpa Ɔ miǎ na nu Ɔ miǎ i gbè sùe. Ɔ tù i bo keǒ blilǐ tù chnɛ̀ jlǒ waě mɔ̀ tà Ɔ miǎa se Nyesoa ji nyopò gbè sùeba.

Wlɛ̀velesɔ̌n 12:8

kɛɛ dɔsmɛǒ ɔ klee ɔɔ nablewa sea kpě mǒ ne, ii tè ǔ dua u wan ǔ plùa u mɔ̀le klě jɔkɛn.

Wlɛ̀velesɔ̌n 16:20

Blě wùɛà neǎ tbɛɛ lee dǐ i fǎna ne, togbei fòe wùɛ i sea tà ne,

Wlɛ̀velesɔ̌n 19:11

È Ě jěa jɔkɛn ɛ̌ knana je, klě jǐi kapǒ tǐ wlòmo Ě jěa sòko plǔ ɔ̌ sɔnaě jɔkɛn mǒ, Nyuǒ nɛɛa ɔɔ kɛn u dɛɛa Ɔ Tè Wlò Popoɛ klee Kàan Tè. Ɔ tùi nyopò blilǐ mɔ̀ plě tèǒ kɔn tè Ɔ wɛ̀nʼaa to ǐ mooa mǒ slɛɛ̌ tè.

Wlɛ̀velesɔ̌n 20:2

Ɔ kmea dɔsmɛǒ ɔ̈ moo smɛ dakǎ ɔ̈ kɔn nynɛ̌ moo kǔ ɔ̀ɔ̌ Setɛ̀n, ɔ̌ nua chěen ɔ̌ pìnʼa nɔ klě jlěe taslěwae wlòmo.

Wlɛ̀velesɔ̌n 21:1

È Ě jěa jɔkɛn jajlo klee blǒ jajlo. Nyane jɔkɛn klee blǒà i fǎna ne, jbǒ seaa kɛ̀ tà ne de.

Wlɛ̀velesɔ̌n 21:5

È Nyuǒ neaǒo gbèsɛɛǒ kɛn bo kě Ɔ dɛ̌a Ɔ je, “Klě tǐà wlòmo Ě pe noǎ wùɛ měne jajlo!” È Ɔ tmɔɔ̌a mǒ Ɔ je, “Chlě ɛ ɛ̈ moo winʼà neɔɔ chněedɛ̌ɔ wlòmo i moo kàan tè plě i mi tùɔn kpaba, i se kplɛ.”

Wlɛ̀velesɔ̌n 4:2

Tǐi doo tǐ jleě è Nyesoaa Sùsu bea leě ja, Ě jěa klɔ̀ba gbèsɛɛ ɛ̈ nea lěe jɔkɛn, Nyu tɔ̀ɔ neaǒ ɛ kɛn bo.

Wlɛ̀velesɔ̌n 6:14

È jɔtùwle fǎna ne keà nyu plɛ̌ɛ chněedɛ̌. È togbei fòe klee blě tìià neǎ tbɛɛ lee dǐ è nìǒ wɛ̌a tùɔn měne.