Wlɛ̀velesɔ̌n 2:9 - Nyesoaa Kuo Win Jajle

⁹ Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.

Wlɛ̀velesɔ̌n 2:9 ပူးပေါင်းရင်းမြစ်များ

Matiɔ̌n 4:10

È kě Jùsu dɛ̌a kǔ je Ɔ je, “Setɛ̀n, ɛ chleě le klě Nyesoaa win wlòmo ɛ̈ moo, ‘Koɔn Nyesoaa doǒ Nɔ̀ kɔn wɛ̀ nyu wùɛ bɔ sà plě Nɔ̀ kɔn konkwa nyu bɔ nu. Sìn mù.’ ” (Deut 6.13)

Lǔkù 12:21

È kě Jùsu dɛ̌a Ɔ je, “Kě ɛɛ ka kɔn bɛ ne je keǒ nyopò wùɛà mɔ̀ ü tùii noǎ fòfoa ble keǒ uu chɛ̀ mɔ̀, kɛɛ üǔ nuu Nyesoaa konkwa.”

Lǔkù 22:65

U boɛa Ɔ sadoě win fòfoa je le ke.

Lǔkù 4:18

“Koɔnʼɔ Sùsu Nɛ̀ neěě ja. Mɛ̌oǒ joo nɛ̀ moo Nɔ̀ tba Mǒ keǒ Bo po Ɔɔ kàan tuposàà sònwɛ nyo je. Ɔ dboǒ lo Bo boɔɔ nyopòà nee kpe be le uu gblàgbla tè kɛn, Ɔ̌ dbo Mǒ Bo boɔɔ nyopòà kɔn jǐ dɔɔ uu le jě tè kɛn. È Ɔ̌ dbo Mǒ Boǒ gblà nyopòà u mɛɛ̌ǒo bo,

Lǔkù 6:20

È Ɔ chèa Ɔɔ mɔ̀ na nyoǒ ja Ɔ je, “Amoà sònwɛ nii ɛ moo ngmna keǒ a mɔ̀. Mɛ̌oǒ joo nɛ̀ moo Nyesoa Nɔ̀ kɔn aa kmɔ̌ neneɛ win kwa.

Jɔ̀ɔ̌n 16:33

Ě tmɛɛ̌ a noǎ wùɛǒ lo ɛ̈ di ɛɛ numa a mǐ ně bo wnawna kɔn klěě mǒ. È klě kmɔ̌ wlòmo a mi dɛɛ wan le popa fòfoa jěba, kɛɛ a kɔn kponkpɛ, Ě du kmɔ̌à ɛɛ kpě wan.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:22

keǒ bu poa Jùsuu de na nyoǒ kbě ja le bu kpaea uu tè wlò popoɛ u kɔnaa nya, è u tmɔɔ̌a nu u je, “Ä kɔn bä jě sònwɛ fòfoa plě Nyesoa mǐ ä win kwa kɔn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:11

Klě tǐ fòfoa wlòmo Ě nɛa Jùwɛ nyoo Nyesoa keǐ jele Ě mɛɛ̌aǒ umo Tentǎn Jǔu wǎnʼa plɔ tu kɛn bo, Ě tɛ̀na ɛ mǒ keǒ bo kpaea u kbě bu chnɛ̀a uu tè wlò popoɛ mɔ̀ ɛ̈ u kɔnaa klě Tentǎn Jǔ mǒ. Ně kpni wɔ̌na jǐlenymi tè, ɛ nua nɛɛ chɛ̀ Ě muaě dakɔ̌ tùu deě fòe wlòmo Ě tèa uu tè mɔ̀.

Wlǔmɔ 12:12

Aa plɔ bɛ blo keǒ wlò je kunkuɛn mǒ. Bɛ̌ nu bo tǐ jakě bǐ diě, a kɔn wlò dbadbǎ tǐ wùɛ mɔ̀ a boɔě Nyesoa mɔ̀.

Wlǔmɔ 2:17

Mòà pee wan le ɔ̈ dɛɛ dìe Jùwɛ nyu plě ɔ̈ tee lee Nyesoaa teteǎ kɛn plě ɔ̈ kpěe kɛne keǒ nè Nyesoa mɔ̀,

Wlǔmɔ 5:3

È sɔ̌noka, ä kun le kɛn keǒ äa sònwɛ jejeɛ̌ mɔ̀. Ä ji ɛle ɛ̈ moo äa sònwɛ jejeɛ̌ jɛě kbě keǒ bä nyna ɛ jebo.

Wlǔmɔ 8:35

Mɛ miǐ kɛǒ ämo Tentǎn Jǔu mǒ noɛnoɛ jleě mǒ sàba? Feanfeǒ kɛ le, deě tǐ jakě? Tèe mɔ̀ tèteɛ kɛ le, deě dodopà? Sònwɛɛ nunuɛ kɛ le, deě jǐlenymi dɛ? Deě kokoɛ̌ kɛ le?

Wlǔmɔ 9:6

Ɛ se ɛ nynɛ̌ sɛ̀n ɛ̈ moo Nyesoa seae Ɔɔ dɛà le ɛ̈ Ɔ je Ɔ mii numa. Ɛ se nyopò wùɛ ü moo Ǐsòwɛ̌ɛ jlǔu jlǔ u se Nyesoaa jlǔ.

2 Kwnɛtiɛ̌ 6:10

Nyopò jě ɛ ɛ̈ moo wɔle ni ämo, kɛɛ tǐ wùɛ mɔ̀ ä ni le chǒn. Nyopò jě ɛ ɛ̈ moo sònwɛ ni ämo, kɛɛ ä ni nyopò fòfoa ǔ pɛ̀n klě Nyesoaa tè de jbojbɛ mǒ. U jě ɛ ɛ̈ moo ä se dɛ kɔn, kɛɛ ä kɔn noǎ wùɛ.

2 Kwnɛtiɛ̌ 8:2

Kàan tè kě sònwɛ ni nu plě ǔ neaě dɛɛ wan le popa slè chɔɔ, kaǒ uu plɔ ble le plě ǔ nmɔa kwa keǒ uu nyenye noǎ u nyea nyopò tùu mɔ̀.

2 Kwnɛtiɛ̌ 8:9

Bi beě a wlòmo ke Koɔn Jùsu Tentǎn Jǔ nu Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ konkɔn keǒ a mɔ̀, kàan tè Ɔ pàna ne, kɛɛ sònwɛ ni Ɔ keǒ aa tè mɔ̀ ɛ̈ di ɛɛ numa a mǐ pònpan Sùsu kɔn.

1 Tɛseloniǎ 3:4

Bo wa wèe bo nye a konwě, tǐǒ jleě ä neaě amoo slè ä tmɔɔ̌a amo ɛ̈ moo u mia äa tè mɔ̀ tèba plě aa chɛ̀ a ji ɛle ɛmoǒ nɛ̀ kpa tùɔn.

1 Timɛtě 1:13

Nyane tà Ě pea Nyesoaa nynɛ̌ fla wan klee Ě tèa Ɔɔ nyopòo tè mɔ̀ plě Ě cheɛɛ̌a Ɔ le, kɛɛ Ɔ kɔna wɔle je jbojbɛ keǒǒ mɔ̀ chɔɔ. Mɛ̌oǒ joo nɛ̀ moo plě Ě mǐa tè wlò popoɛ kɔn klě Tentǎn Jǔ mǒ, Ě sea i ji ɛ̈ moo dɛǒ Ě niaa ɛ mooa kenkan dɛ.

1 Timɛtě 6:18

Tmɔɔ̌ u, bu nu kàan dɛ klee kàan konkwa fòfoa, è bu nmɔ kwa klee bu wɛ̀ mɔ̀le u mǐ nyopò tùu měne sɛ̀ɛ le keǒ uu konkɔn noǎ mɔ̀.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 2:2

Ě ji dɛǒ a nuu nu, keǒ a nuě kbě le popoɛ a nuu konkwa nunuɛ klee ke a nuu wlò dbadbǎ konkɔn. Ě ji ɛle ɛ̈ moo a se dɛ kukǔ nu nyo sòa plě a tɛ̀n nyopòà měne ü see Nyesoaa tuposà kpa nyo ü je u moo ɛɛ plě a jě ɛ ɛ̈ moo u moo sen le tmɔ̌ nyo.

Wlɛ̀velesɔ̌n 2:24

Kɛɛ tèà nì Ě boɛ aa wùɛǒ je ü neěe Taetawlà üǔ blěǒo Jesèbɛɛ teea mɔ̀ kwa klee ü see dɛ u dɛɛ Setɛ̀nʼɛ je wɛ̌ dɛ ji, Ě see kɛ̀ a dɛ tɛ̀ɛ nyema mu keǒ ba nu,

Wlɛ̀velesɔ̌n 3:9

A tanàle, Ě mi Setɛ̀nʼɛ wǎn numa u miǒ a jemǒ bo chlì keǒ aa be wɔ̀ɔn u mǐ ɛ boɔ ɛ̈ moo Ě noɛɛ a mǒ no. U je u moo Jùwɛ nyo, kɛɛ u moo sen le tmɔ̌ nyo, u se Jùwɛ nyo sɛjesɛ.

Wlɛ̀velesɔ̌n 7:14

Ě tùa ɔ kɛ̀ɛn Ě je, “Kunkunyɔò, Ě se ɛ ji.” È ɔ tmɔɔ̌a mǒ ɔ je, “Nyopòà sɔn lěe tǐ jakě fòeà slè mǒ nùǒò ü jla uu wlawlě klě Blajǔu nymɔ slè i mǐi plɛ̌.