Wlɛ̀velesɔ̌n 2:7 - Nyesoaa Kuo Win Jajle

⁷ Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 2:7 ပူးပေါင်းရင်းမြစ်များ

Matiɔ̌n 11:15

Nyu wùɛ bɔ̈ kɔn nɔkǔ, è bɔ poǒ nɔkǔ jebo tɛɛ tɛɛ.

Matiɔ̌n 13:43

È nyopòà moo jebo siǐn nyo u miǎ wnema wòje keà wɛn fɛnʼɛ klě uu Gbeǐ Nyesoaa deplě wlòmo. Nɛ̀ kɔn tè nyu wùɛ bɔ̈ kɔn nɔkǔ, è bɔ poǒ nɔkǔ jebo tɛɛ tɛɛ.”

Matiɔ̌n 13:9

Ii tè kě Jùsu dɛ̌a u je Ɔ je, “Nyu wùɛ bɔ̈ kɔn nɔkǔ è bɔ poǒ nɔkǔ jebo tɛɛ tɛɛ.”

Mǎkè 4:9

È kě Jùsu dɛ̌a u je Ɔ je, “Nyu wùɛ bɔ̈ kɔn nɔkǔ, è bɔ poǒ nɔkǔ jebo tɛɛ tɛɛ.”

Mǎkè 7:15

Ɛ se dɛà nyu dii ɛɛ̌ nu ɔ se sìnɛ wɛ̀ nyu mǒ klě Nyesoa jǐ kɛn, kɛɛ tèà sonwɛ lěe tùonyugbe wan mǒ nì ni ɔ ɔ̌ se sìnɛ wɛ̀.

Mǎkè 7:16

Nyu wùɛ bɔ̈ kɔn nɔkǔ, è bɔ poǒ nɔkǔ jebo tɛɛ tɛɛ.”

Lǔkù 23:43

È kě Jùsu dɛ̌a ɔ je Ɔ je, “Kàan tèà Ě tmɛɛ̌ mò, kekɛɛà Mǒ klee mò ä miě jɔkɛn nema.”

Lǔkù 8:8

Kɛɛ ɛ kɔna jɔ̌ tìi beaǒo kàan blǒ kɛn ï kunʼaa tɛɛ tɛɛ. Ii dɛɛ do toea wlèe m̀m m̀m.” Tà Jùsu wɔ̀laa tèǒ boɔboɔ mɔ̀, è kě Ɔ dɛ̌a Ɔ je, “Nyu wùɛ bɔ̈ kɔn nɔkǔ, è bɔ poǒ nɔkǔ jebo tɛɛ tɛɛ.”

Jɔ̀ɔ̌n 16:33

Ě tmɛɛ̌ a noǎ wùɛǒ lo ɛ̈ di ɛɛ numa a mǐ ně bo wnawna kɔn klěě mǒ. È klě kmɔ̌ wlòmo a mi dɛɛ wan le popa fòfoa jěba, kɛɛ a kɔn kponkpɛ, Ě du kmɔ̌à ɛɛ kpě wan.”

1 Kwnɛtiɛ̌ 2:10

Nyesoa po Ɔɔ tɔ̀nʼà pepě mǒ keǒ ä mɔ̀ klě Ɔɔ Ngmà Je Ne Sùsu mǒ. Sùsu Nɛ̀ chechlɛ̌ ɛ̈ sɛ̀ noǎ wùɛ tà měne, jà Nyesoaa je wɛ̌ noǎa fòee chɛ̀.

2 Kwnɛtiɛ̌ 12:4

ɔ kpaeaa jɔkɛn ɔ̌ wɔ̌na ngmà je ne noǎa tè ïà tùonyugbee win slě wɔ̀ bi sèsaea kɛn le plě uǔ sɔnaǒ tùonyugbe mɔ̀ mǒ ɔɔ̌ boɔla wien.

1 Jɔ̀ɔ̌n 2:13

Ně gbeǐpò ale, dɛ kɔn tè Ě chleě amoo mɔ̀ nɛ̀ moo a ji Tentǎn Jǔ lu Ɔ̈ neaa kmɔ̌ sɔɔnʼě ɛɛ wlò tùla mǒ. Nyengmè ale, dɛ kɔn tè Ě chleě amoo mɔ̀ ke nɛ̀ moo a du kǔ wan.

Wlɛ̀velesɔ̌n 13:9

Bɛ̌ nu nyu wùɛ bɔ̈ kɔn nɔkǔ, ɔ blɛɛ je bɔ po nɔkǔ bo.

Wlɛ̀velesɔ̌n 14:13

È Ě wɔ̌na win ï sɔnaěe jɔkɛn mǒ ï boɛaě mǒo mɔ̀, kě i dɛ̌a i je, “Chlě dɛà, sɔɔnʼà tǐà jleě mǒ nyopòà kɔnʼɔ tè wlò popoɛ klě Koɔn mǒ ü kǒo, u kɔn ngmna. Kòo Nyesoaa Sùsu tmɛɛ̌ ämo ɛ̈ moo, u mi fɛba keǒ uu konkwa mɔ̀ ɛ̈ u dǔaa nunuɛ mǒ. Mɛ̌oǒ joo nɛ̀ moo kàan dɛǒ sɔnʼě uu konkwaǒ wlòmo ɛ mi u de nama keǒ Nyesoa jemǒ.”

Wlɛ̀velesɔ̌n 15:2

È Ě jěa dɛ ɛ̈ wǒaa jělae jbǒ ɛ̈ klee na chìseea klee nyopò ü nynanaǒo jbǒǒ wien bo ü duaa nmiǒ wan klee ɔɔ sùsu tu plě klee ɛɛ nynɛ̌ɛ tìɛn, u blěa kanǐkài kwa le ï Nyesoa nyea nuu.

Wlɛ̀velesɔ̌n 2:11

Nyu wùɛ bɔ̈ kɔn nɔkǔ, è bɔ po dɛǒ Ngmà Je Ne Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopòǒ mii duduɛ kɔnma klě uu tǐ jakě slè, sɔ̌n nenɛ kokoɛ̌ slě u dɛ jleě mǒ numa mu.”

Wlɛ̀velesɔ̌n 2:17

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Ě mi nyopòà kɔnʼɔ duduɛ digbaǐà wɛ̌ɛ je ii tìe nyema u mǐ di. Ě mi u seɔ̌ plǔ gbògbae nyema ɛ̈ kɔn kɛn nynɛ̌ jajlo chleěǒo ɛ̈ nyu wùɛ see ji, ɛ̀ sìnʼǒ nyuu doǒ kmee seɔ̌ǒ jebo.”

Wlɛ̀velesɔ̌n 21:7

Nyu wùɛ ɔ̈ mii duduɛ kɔnma, nɔ̀ Ě mi ɛ nyema, è Mǒ mi ɔɔ Nyesoa tùba, ɔ mǐ Ně jǔ tù.

Wlɛ̀velesɔ̌n 22:14

Nyopòà jla uu wlawlě ǐ wɛ̀ɛ mnǒ u kɔn ngmna, u miě ɛ wɔ̀ba keǒ bu di tu buiǒ sɔn lěe fònfno tuǒ ja mǒ klee u miě ɛ wɔ̀ba keǒ bu paeě wlɔ̀ dɔwunʼǒ jleě, u miě dě fòɛǒ wlòmo pa.

Wlɛ̀velesɔ̌n 22:17

Nyesoaa Sùsu klee nynɔ jajloǒ kě u dɛ̌ a je u je, “A diě!” Nyu wùɛà mi nuu win wɔ̌nma kě bɔ dǎ ke ɛ̈ moo, “Diě!” Nyu wùɛ nenǎ to bɛ̌ ke ni, bɔ diě. Nyu wùɛ bɔ̈ ke něà nyee nyopò kmɔ̌ sie fònfno sòɛ, bɔ nǎ nɛ.

Wlɛ̀velesɔ̌n 22:2

ɛ̌ chlìa le klě dě fòɛǒ ɛɛ snǔ fòɛɛ mǒ wuleea mǒ. Klě něǒ ɛɛ kponkpěe sɔ̌n wùɛǒ mɔ̀ klě tii sɔ̌nʼà nyee nyopò kmɔ̌ sie fònfno nynaě bo. Klě jlǒ wlòmo i toe wěe pù tùo sɔ̌n, waěe do klě sòbae wùɛ wlòmo, ii wɔ̀nfi nì u nia ǔ peɛnʼa dakɔ̌ wùɛ.