Wlɛ̀velesɔ̌n 2:3 - Nyesoaa Kuo Win Jajle

³ A kɔn wlò dbadbǎ plě ǎ jě sònwɛ keǒ Ně tè mɔ̀, a sěɛ seɛ kaǒ.

Wlɛ̀velesɔ̌n 2:3 ပူးပေါင်းရင်းမြစ်များ

Mǎkè 15:21

È tà u keaa mi keǒ snǔ mɔ̀, u klee jbɛju tɔ̀ɔ ɔ̈ moo Saemɔ̌ nù mɔɔa, Saemɔ̌ǒ ɔ sonwɛa mǒ ɔɔ blětà ɔ̌ miaě dě fòɛǒ moo Jlǔsnɛ wlòmo ǔ kpaea ɔ kpě ɔ̌ blěa Jùsuu pète bɛ̌ tu. Saemɔ̌ sɔnaě mǒ diěǒ u dɛɛ Sawlinì kɛn, è ɔ mooa Ɛlesandɔ̌ klee Wlufɔ̀ɔ gbeǐ.

Lǔkù 14:27

È doo de, nyu wùɛ ɔ̈ se ɔɔ sònwɛ jejeɛ̌ɛ pète bɛ̌ tu mǒ dǔba mu keǒ bɔ na Mǒo de, ɔ slě wɔ̀ bɔ̈ moo Ně mɔ̀ cheěn nyu.

Lǔkù 18:1

È Jùsu poa u dǎtèkpa je ɛ mǐa u tee le ɛ̈ moo tǐ wùɛ mɔ̀ bu boɔ lě Nyesoa mɔ̀ uǔ kwɛn seasea.

Lǔkù 21:19

Bɛ̌ nu bǎ nyna bo kpankpa klě aa tè wlò popoɛ mǒ, a mi kmɔ̌ sie fònfno kɔnma.”

Lǔkù 5:5

Saemɔ̌ tùa Lɔ kɛ̀ɛn ɔ je, “Chì Kpa Ämo, tǒn jlǒ waě gblèeà mɔ̀ ä po tata ä se dɛɛ̌dɛ̀ɛ sà, kɛɛ ke ɛ toon jleě mǒ bo È boɔ lii ä mi tataà ně mǒ poba.”

Lǔkù 8:15

Kɛɛ jɔ̌ǒ beǒo kàan blǒ kɛn i nynaǒ pènmo bo nyopòà wɔ̌nʼɔ Nyesoaa win klě uu kàan klee sèn bo mǎ wlò jleě plě ü tùiǒ ii bo klee ü nee ii kmɔ̌ klě wlò kpae tǔn mǒ.”

Jɔ̀ɔ̌n 15:21

Nyuà dbo Mǒo u se Ɔ ji, tèǒ nì kɔn tè noǎ wùɛǒ nì u mi a mǒ numa keǒ Ně nynɛ̌ɛ tè mɔ̀.

Wlǔmɔ 12:12

Aa plɔ bɛ blo keǒ wlò je kunkuɛn mǒ. Bɛ̌ nu bo tǐ jakě bǐ diě, a kɔn wlò dbadbǎ tǐ wùɛ mɔ̀ a boɔě Nyesoa mɔ̀.

Wlǔmɔ 16:12

Wan le gbògba keǒ Tlafinà klee Tlofosà mɔ̀ ü moo nyno ü peěe kbě ü nii konkwa keǒ Koɔn mɔ̀. Wan le gbògba keǒ ně kàan mɔ̀nai Pasè mɔ̀ ɔ̈ moo nynɔ tɔ̀ɔ ɔ̈ peěe kbě ɔ̈ nii konkwa keǒ Koɔn mɔ̀ ke.

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

Wlǔmɔ 8:25

Kɛɛ bɛ̌ nu bä kɔn wlò je kunkuɛn keǒ dɛà ä slě wɔ̀ bä jěe mǒ, è ä dbɛ̌ wlò ä fe ɛ kɛn mǒ.

1 Kwnɛtiɛ̌ 13:7

Tǐi pɛpɛ mɔ̀ ɛ se seasea kɔn plě ɛ kɔn tè wlò popoɛ tǐ wùɛ mɔ̀ ɛ̌ kɔn wlò je kunkuɛn klě Nyesoa mǒ plě ɛ̌ nyna bo kpankpa keǒ dɛ wùɛ mɔ̀.

1 Kwnɛtiɛ̌ 16:16

a nyeǒ u tùtuɛ plě klee nyu wùɛ ɔ̈ kɔn ka mi nuu je wǒba ɔ̈ nii Nyesoaa konkwa.

2 Kwnɛtiɛ̌ 10:15

Äǎ po wan le keǒ nyopò tùu konkwa mɔ̀ ɛ̈ u nii ɛ̈ slě ämoo mɔ̀ kɔn. Ä kuun ɛ je wlò ɛ̈ moo keǒ aa tè wlò popoɛ nii ɛ̌ kwin kaǒ, kě äa konkwaa wakěà neɔ amoo slè mi numa i mǐ kun

2 Kwnɛtiɛ̌ 11:23

Umoà u moo kɛ Tentǎn Jǔu na wien po nyebajle le? Tǐ tìi tà a mi ɛ jěba wòje keà ně dlǒ sɔnʼǒo snǔ mɔ̀ mǒ, kɛɛ Ě ni Tentǎn Jǔu konkwa Ě sìnʼǒ u mǒ. Ě peě le kbě Ě ni konkwa ɛ̌ sìnʼǒ u mǒ, u poǒ wùlo klě wě fòfoa wlòmo plě ǔ sàǎ fǎe kɛn ɛ̌ sìnʼǒ u mǒ, è kokoɛ̌ poo loǒ jebo klě tǐ fòfoa wlòmo.

2 Kwnɛtiɛ̌ 4:1

Nyesoa jǐ je wɔle keǒ ä mɔ̀ plě Ɔ̌ nye ä konkwaà keǒ bä nu ɛ, tèǒ nì kɔn tè äa wlò ně be wɔ̀ɔn.

2 Kwnɛtiɛ̌ 4:16

Tèǒ nì kɔn tè äa wlè iǐ be wɔ̀ɔn kpe. Äa blǒ fǒo chɛ̀à ɛ wɛ̀ jleě, kɛɛ Nyesoa pe äa Sùsu jajlo měne chnɛ̀ jlǒ waě wùɛ mɔ̀.

2 Kwnɛtiɛ̌ 5:9

Tèǒ nì kɔn tè baǎje bä neě blǒ fǒà mǒ plě bä sɔnʼě ɛ mǒ, dɛɛ do ä nii nɛ̀ moo bä bloo Koɔnʼɔ plɔ.

2 Kwnɛtiɛ̌ 6:5

U be ä le ǔ pe ä wùlo le klɔ̀ wɛ̀ɛ ä kɛn de, ä ni konkwa jakǎ, momnɔ klee didi dɛ se tà ne.

Kalesiɛ̌n 6:2

A sèsɛɛ měne keǒ aa dɛɛ wan le popa slè, dɛǒ nɛ̀ bǎ ke ni, è Tentǎn Jǔu tetěǒ moo ba nonoɛɛ měne nɛ̀ǒ a tùiǒ bo.

Kalesiɛ̌n 6:9

Ii tè a nɛ äa kbě biǐ wɛ̀ le keǒ kàan dɛ nunuɛ mɔ̀. Bɛ̌ nu bä se sea, klě kàan tǐ wlòmo ä mi snǒ sàe dɛ jěba.

Flepiɛ̌n 2:16

È ke a mii wnewnɛ numa klě u slè nɛ̀ moo a nye u Nyesoaa winʼà ï nyee nyu kmɔ̌ sie fònfno. Bɛ̌ nu bǎ nu ɛ, Ě miǎ kɛn le kunma klě chnɛ̀ jlǒ waěǒ Tentǎn Jǔ miǎ lěe diiba wlòmo ɛ̈ moo Ě sea winʼà boɔ plě konkwa jakǎǒ Ě nuaa klě a slè Ě sea kbě ble wlǎ.

Flepiɛ̌n 4:3

Ě bɛ̀teè le ně bě Sesèkɔ, mǎǒ nynoǒ mɔ̀ ü nuu konkwa keǒ tuposàà ɛɛ popoɛ mɔ̀ ü mǎa mǒ klee Klɛmɛ̀ klee ně bǐì konkwa nu nyo tùu debo ü kɔn nyneǎ chleě lee klě fònfno chněedɛ̌ wlòmo.

Klasɔ̌n 1:11

Ä bɛ̀te Nyesoa Ɔ mǐ a kbě nye ï sonwɛě Ɔɔ tè jǐ boaboǎ kpě wlòmo ɛ̈ di ɛɛ numa a miě ɛ wɔ̀ keǒ ba nyna dɛ wùɛ jebo klě wlò dbadbǎ klee chǒn mǒ.

1 Tɛseloniǎ 1:3

Bä keě äa Gbeǐ Nyesoa mɔ̀ boɛ, ä pe aa tè wlò mɔ̀ ke a nii konkwa nunuɛ keǒ Tentǎn Jǔ mɔ̀ Ɔ̈ kɔn tè a poo kàan tè klee ke aa mǒ noɛnoɛ a kɔnʼɔ keǒ Nyesoa klee nyopò tùu mɔ̀ ni amoo nunuɛ ǎ peě kbě le ǎ nii konkwa plě klee ke aa wlò je kunkuɛn a kɔnʼɔ klě äa Koɔn Jùsu Tentǎn Jǔ mǒ ni amoo nunuɛ ǎ nynɛɛ měne tèntɛn jebo.

1 Tɛseloniǎ 2:9

Ně bǐì Tentǎn Jǔu wǎn ane, sɛjesɛ bi beě a wlòmo ke ä nua lěe kbě popoɛ ä nuaa konkwa nunuɛ. Tǐǒ jleě ä peaa Nyesoaa kàan tuposàǒ ɛ̈ kwɛɛǒo Jùsu jleě mǒ bo klě a mɔ̀, tǒn klee chnɛ̀ ä nia konkwa keǒ ä mǐa äa chɛ̀ mǒ sɛ̀ ɛ̈ di ɛɛ numa äǎ dia a dɛ wùɛ sòa.

1 Tɛseloniǎ 5:12

Ně bǐì Tentǎn Jǔu wǎn ane, ä bɛ̀te ale, nyopòǒ neě amoo slè ü nii konkwa a kɔnʼǒ u tùtuɛ klee nyopòǒ neěe Tentǎn Jǔu wǎn slè üǒ Koɔn tbaa bü moo aa tee nyo.

2 Tɛseloniǎ 3:13

Kɛɛ amoà moo něe bǐì Tentǎn Jǔu wǎn ane, aǎ seɛ keǒ kàan dɛɛ nunuɛ mɔ̀.

2 Tɛseloniǎ 3:5

Nɛ bo Koɔn Bɔ nae amo ɛ̈ di ɛɛ numa a mǐ nyopò tùu mǒ noɛɛ ne keǒ Nyesoa nii klee a mǐ wlò dbadbǎ kɔn keǒ nyopò tùu mɔ̀ keǒ Tentǎn Jǔ nii.

2 Tɛseloniǎ 3:8

plě äǎ dia nyu wùɛ digbaǐ ï ä seaa tɔ̀n, kɛɛ tǒn klee chnɛ̀ ä peaě kbě ä nia konkwa ɛ̈ di ɛɛ numa äǎ dia nyu wùɛ wlò le popa keǒ dɛ ä sòɛaa mɔ̀.

1 Timɛtě 4:10

Dɛǒ nɛ̀ kɔn tè ä sukwi klee ä peě kbě ä ni konkwa. Mɛ̌oǒ joo nɛ̀ moo ä poě äa wlò je kuuan klě kmɔ̌ ne Nyesoa ja bo Ɔ̈ moo Wowa Nyu keǒ nyopò wùɛ mɔ̀, sɛjesɛ keǒ nyopòà po Ɔɔ tè kàan tè mɔ̀.

1 Timɛtě 5:17

Tentǎn Jǔu wǎnʼa bòliboà ü nii kàan konkwa u blɛɛ je bu popoo uu snǒ sàe dɛ kɛn le, sɛjesɛ nyopòà ü peěe kbě le ü boɛɛ Nyesoaa win klee ü tee ii,

Hiblǔ 10:36

A kɔn ba kɔn wlò dbadbǎ klě tè wlò popoɛ mǒ ɛ̈ di ɛɛ numa a mǐ Nyesoaa kɛn wɔɔn dɛ nu klee a mǐ dɛ wùɛ Ɔ peeě amoo jě.

Hiblǔ 12:1

Ke ɛ toon jleě mǒ bo sàsepo fòfoa tìn bòo ǔ tbɛɛ ämoo dǐ, a nɛ noǎà miě ämoo de le kpaba keǒ bä nuu Nyesoaa konkwa bä tɛ i bo, jà kpni kukwǐà ïǐ wlɛ̀ǒ ämoo pìnpian mǒ. È a nɛ bä poě kbě bä nu Nyesoaa konkwa ɛ̈ pɛnʼǒ ämoo jemǒ bo.

Hiblǔ 13:13

Ii tè a nɛ bä na Ɔ de klě dɔwun jleě ä mǐ fla wan poo lo wòje ke u nua Nɔɔ.

Hiblǔ 6:10

Nyesoa moo Mǒ Slɛɛ̌ Nyu. Aa konkwa klee mǒ noɛnoɛ a tee lee keǒ Ɔ mɔ̀ Ɔ se ɛɛ tè snùma mu ɛ̈ kɔn amo mɛ̌ǒ Ɔɔ nyopò mɔ̀ klee ü kpɛɛ ɛɛ nya keǒ uu mǒ sɛ̀ɛa mɔ̀.

Hiblǔ 6:12

Ä se jlǎ ba moo fnàfna nyo, kɛɛ ä jlɛ̌ ba moo nyopòǒ ü kɔnʼɔ tè wlò popoɛ klee wlò dbadbǎ klě tǐ jakě mǒ ɛ̈ di ɛɛ numa noǎǒ Nyesoa peeě amoo a mǐ i jě.

Hiblǔ 6:15

Tà Eblɛ̌hɛ̀mo dbǎlaa wlò ɔ foa lɛɛ kɛn mǒ, è ɔ jěa dɛǒ Nyesoa peeaě ɔɔ lo.

2 Pitɛ̌ 1:6

A jiě aa chɛ̀ɛ wlò mɔ̀ kwa bleblɛ̌, a mǐ ɛ le jijiɛ debo mǎ, è tǐ jakě jebo nynanyna nɛ̀ ba mǎ aa wlò mɔ̀ kwa bleblɛ̌ debo klee a mǎ aa Nyesoa dɛ aa tǐ jakě jebo nynanyna debo.

Wlɛ̀velesɔ̌n 1:9

Mǒ Jɔ̀ɔ̌nʼà ɔ̈ moo aa bě Tentǎn Jǔu wǎnpòi, Ě moo aa nenatùmo klě sònwɛ jejeɛ̌ slè klee Nyesoaa deplě klee tǐ jakě jebo nynanyna ï ä klee Jùsu ä jeěǒo tàa do. Ě boɛa Nyesoaa win plě Ě nia Jùsuu sàse dɛ, tèǒ nì kɔn tè Wlǔmɔ nyoo kòngmna kpala lěě blǒ tìeǒ kɛn ɛ̈ ně poěe gbàe mǒ u dɛɛ Pamǒ.

Wlɛ̀velesɔ̌n 3:10

Ke ɛ toon jleě mǒ bo ǎ tùǒ Něe win bo keǒ ba nynaa tǐ jakě jebo, bo tǐ jakěe tǐ bǐ diě, Ě mi ɛ numa dɛ se a le tǒba mu. Imo tǐ jakěǒ i diě le keǒ kmɔ̌ wùɛà mɔ̀ i miě nyopòà neɔ ɛɛ mɔ̀ měne tɛ̀n.