Wlɛ̀velesɔ̌n 2:26 - Nyesoaa Kuo Win Jajle

²⁶ Nyu wùɛ ɔ̈ mii duduɛ kɔnma klee ɔ̈ miǒ Něe kɛn wɔɔn dɛ bo tùba ɛ mǐ ɛɛ kpa kpa ɛ miǎě ɛɛ dlǒ chlɛ̀ɛa mǒ nyni, nɔ̀ Ě miǎ kpě nyema ɔ̈ miǎ dakwɛ̌ win kwa kɔnma

Wlɛ̀velesɔ̌n 2:26 ပူးပေါင်းရင်းမြစ်များ

Matiɔ̌n 10:22

plě nyopò wùɛ miǎ a faenma keǒ Ně tè mɔ̀, kɛɛ nyopòà ü miǎ tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Matiɔ̌n 19:28

È kě Ɔ dɛ̌a u je Ɔ je, “Kàan tèà Ě tmɛɛ̌ amo, bɛ̌ nu Jbɛjuu Jǔà Bɔ̌ neaǒ Ɔɔ tè jǐ boǎ klɔ̀ba gbèsɛɛǒ kɛn bo klě kmɔ̌ jajloǒ miǎ lěe diba wlòmo, amoà nɛ Mǒo mɔ̀ a miǎ klɔ̀ba gbèsɛii pù tùo sɔ̌n kɛn ble nema a mǐǎ Ǐsòwɛ̌ kɔn dakwɛ̌ dlěe pù tùo sɔ̌nʼǒ uu blilǐ tù.

Matiɔ̌n 24:13

Kɛɛ nyopòà ü miǎa tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Jɔ̀ɔ̌n 6:29

È Jùsu tùa u kɛ̀ɛn Ɔ je, “Nyesoaa konkwa Ɔ jlɛ̌ ba nuu nɛ̀ moo ba po Nyuà Ɔ dboo kělɔ a mɔ̀ Ɔɔ tè kàan tè.”

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

Wlǔmɔ 8:37

Kɛɛ Nyuà noɛɛ ämoo mǒ Ɔ miǒ ä mɔ̀ mǎma ä mǐ duduɛ kɔn kpǎkpǎ keǒ sònwɛ jejeɛ̌ wùɛà mɔ̀.

1 Tɛseloniǎ 3:5

Dɛǒ nɛ̀ kɔn tè Ě seaa kɛ̀ǒ tǐ fòfoa po Ě dboa Timɛtě klě a mɔ̀ ɔ mǐa ɛ jě ke aa tè wlò popoɛ nuu. Ě pea fano, Ě je bo Setɛ̀n ɔ̈ moo měne tɛ̀nɔ̌ bɔɔ̌ tɛ̀naě a měne aa nyu bɔɔ̌ sɔnaǒ snǔ mɔ̀ mǒ klě wakǎ tɛ̀ɛ wlòmo, è ɛmoǒ ɛ miia äa konkwaà numa ɛ mǐaa putu mono.

Hiblǔ 3:6

Kɛɛ Tentǎn Jǔ mǎě bo sèn wòje Nyesoaa Jǔ Ɔ̈ kɔnʼɔ Nyesoaa nyopò win kwa. Bɛ̌ nu bä ke nya mii ni bä ke wlò kpaea klee kponkpɛ kwɛn klě Tentǎn Jǔu do mǒ, è ä moo Nyesoaa nyopò.

Jìmǐse 2:20

Nyuu tè wlò popoɛà ɔ kɔnʼɔ ɛ̈ see kàan dɛ debo mǎ, ɛ se tè wlò popoɛ. Deě mò plɔɔ kokǒ nyuà jlɛ̀ kɛ ɛɛ bò měne po dɛ keǒ ɛmoǒ mɔ̀le?

1 Jɔ̀ɔ̌n 2:19

Umo faen nyoǒ u sɔn nɔ äa wǎn slè mǒ. Sɛjesɛ u se lɔ ä slè kɔn. Bɛ̌ nu bǔ kɔɔn lɔ ämo slè, u miiɔ ämo slè bo nema. Uu mǒ sonsɔn nɛ̀ tee ɛ ɛ̈ moo sɛje u se ɔ ä slè kɔn.

1 Jɔ̀ɔ̌n 3:23

Nyesoaa win Ɔ tmɛɛ̌ ämoo nì moo bä po Ɔɔ Jǔǒ Ɔɔ nynɛ̌ɛ tè kàan tè Ɔ̈ moo Tentǎn Jǔ Jùsu plě bä nonoɛɛ měne wòje keǒ Jùsu nu ämoo tmɔɔ̌a.

1 Jɔ̀ɔ̌n 5:5

Mɔ wɔ̀le je bɔ̈ duǔ kɛ kmɔ̌à wan, ɛ̀ sìnʼǒ nyuà po lii kàan tè ɛ̈ moo Jùsu moo Nyesoaa Jǔ?

Wlɛ̀velesɔ̌n 2:11

Nyu wùɛ bɔ̈ kɔn nɔkǔ, è bɔ po dɛǒ Ngmà Je Ne Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopòǒ mii duduɛ kɔnma klě uu tǐ jakě slè, sɔ̌n nenɛ kokoɛ̌ slě u dɛ jleě mǒ numa mu.”

Wlɛ̀velesɔ̌n 2:17

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Ě mi nyopòà kɔnʼɔ duduɛ digbaǐà wɛ̌ɛ je ii tìe nyema u mǐ di. Ě mi u seɔ̌ plǔ gbògbae nyema ɛ̈ kɔn kɛn nynɛ̌ jajlo chleěǒo ɛ̈ nyu wùɛ see ji, ɛ̀ sìnʼǒ nyuu doǒ kmee seɔ̌ǒ jebo.”

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

Wlɛ̀velesɔ̌n 21:7

Nyu wùɛ ɔ̈ mii duduɛ kɔnma, nɔ̀ Ě mi ɛ nyema, è Mǒ mi ɔɔ Nyesoa tùba, ɔ mǐ Ně jǔ tù.

Wlɛ̀velesɔ̌n 22:5

Tǒn wòwɔ seǎa kɛ̀ tà nema mu, ii tè u seǎ nǎpea klee wɛn sòaba mu. Koɔn Nyesoa Nɔ̀ mi fɔnma keǒ u kɛn, u miǎ win kwa kɔn ke ɛ mii jleě mǒ bo tonma.

Wlɛ̀velesɔ̌n 3:12

Nyu wùɛà mii duduɛ kɔnma, nɔ̀ Ě mi Ně Nyesoaa kǎ fòɛɛ tiblě mǒ numa plě ɛmoǒ ɔ se ɛ bo tetɛ kɔnma mu de. Ě miǒ ɔ Nyesoaa nynɛ̌ kɛn chlěba klee Ɔɔ dě fòɛɛ nynɛ̌ ɛ̈ monoo Jlǔsnɛ jajlo ɛ̈ miě Ɔɔ mɔ̀ mǒ sɔnma klě jɔkɛn ɛ̈ miɔɔ wɔ̀ɔn diba. Ě miě ɔ kɛn Ně nynɛ̌ jajlo chlěba ke.’

Wlɛ̀velesɔ̌n 3:21

Nyu wùɛ ɔ̈ mii duduɛ kɔnma, nɔ̀ Ě mi fɔ̌ nyema ɔ klee Mǒo sɔ̌n ä miǒ Ně klɔ̀ba gbèsɛɛ kɛn bo ne wòje keǒ Ě nuaa Ě kɔnaa dudu ii tè Mǒ klee Ně Gbeǐi sɔ̌n Ä neǒo Ɔɔ klɔ̀ba gbèsɛɛ kɛn bo.’

Wlɛ̀velesɔ̌n 3:5

Nyu wùɛ ɔ̈ mii duduɛ kɔnma, ɔ mi dale plǐ měne poba wòje ke u nuu. Ě seǎ uu nyneǎ wlàba mu kpe klě fònfno chněedɛ̌ wlòmo, plě nù Ě miǎ kòo kɛn pooba ɛ̈ moo u moo Ně nyopò keǒ Ně Gbeǐ klee Ɔɔ najiǒpò jemǒ.’